Darpariaeth Ffydd
Bydd yr Ystafell Gyfarfod a’r Ystafell Dawel yn Anecs Rathbone ar Ffordd y Coleg ar gael o 16 Mai 2022. Mae’r Ystafell Dawel ar gael yn ystod oriau dysgu i unigolion ei defnyddio i weddïo’n dawel ac i fyfyrio. Mae ystafell gyfarfod ar gael i grwpiau ei harchebu i gynnal gweithgareddau sy'n gysylltiedig â ffydd. Mae toiledau ar wahân i ferched a dynion yn yr Anecs yn ogystal â thoiled hawdd ei gyrraedd ac maent i gyd yn cynnwys cyfleusterau ymolchi at ddibenion crefyddol. Er diogelwch pawb, staff, myfyrwyr a’n cymunedau, ac yn arbennig er diogelwch y rhai sy’n agored i niwed o ran iechyd, argymhellir gorchuddion wyneb o fewn holl adeiladau a chludiant y Brifysgol ac fel y nodir gan asesiadau risg gweithgaredd.
Yn Ystafell Gyfarfod Anecs Rathbone mae yna 30 o gadeiriau plygu a byrddau plygu. Mae sgrin deledu fawr y gallwch ei defnyddio gyda'ch gliniadur wrth roi cyflwyniadau. Os oes angen gellir gosod y cadeiriau a'r byrddau'n bentwr a'u symud o'r ystafell. Mae yna len sy'n rhedeg ar hyd yr ystafell y gellir ei chau i rannu'r ystafell yn ddwy, gyda drws ar bob ochr.
Gweddïau Mwslimaidd
Mae’r Ystafell Gyfarfod yn Anecs Rathbone ar gael ar gyfer Gweddïau Mwslimaidd rhwng 12.30 - 3.30 dydd Llun i ddydd Gwener.
Gellir gwneud ymholiadau ac archebu trwy anfon neges e-bost at ffydd@bangor.ac.uk.
Dyddiad cyhoeddi: 9 Mai 2022