Datblygiad sy'n diwallu anghenion y presennol heb beryglu gallu cenedlaethau'r dyfodol i ddiwallu eu hanghenion eu hunain.
Prifysgol Bangor: Grym er Daioni
Ein nod yw ysbrydoli ein cymuned academaidd, ein timau yn y Gwasanaethau Proffesiynol, a'n myfyrwyr i greu byd mwy cynaliadwy sy'n cyd-fynd â'n gweledigaeth i sbarduno llwyddiant trwy ymchwil ac addysgu trawsnewidiol, arloesol sy'n cael eu sbarduno gan effaith.
Credwn fod gan y brifysgol hon ran i'w chwarae mewn cymdeithas, gan adeiladu y ffocws sydd gennym ar ddarganfod, cynaliadwyedd, diogelu'r amgylchedd, a hyrwyddo ffyniant yr economi, cymdeithas, dwyieithrwydd a diwylliant. Fel Prifysgol dan arweiniad ymchwil ac fel unigolion sy'n poeni'n fawr am y byd yr ydym yn byw ynddo, rydym am gyfrannu at ddatrys heriau'r byd, megis newid yn yr hinsawdd, anghydraddoldebau iechyd, a datblygu'r gweithlu.
Rydym yn angerddol am hyrwyddo diwylliant ac ysgolheictod o stiwardiaeth amgylcheddol, gan fyw mewn cytgord, a gofalu am y byd mewn ffyrdd sy'n diwallu ein hanghenion economaidd, cymdeithasol, amgylcheddol a diwylliannol. Byddwn, gyda’n hymchwil blaenllaw yn sylfaen i ni, yn cefnogi datblygiad Cymru fel gwlad ddwyieithog sy’n dysgu, lle ceir economi a sbardunir gan wybodaeth er budd y byd a chenedlaethau'r dyfodol.
Y pedwar egwyddor Cynaliadwyedd yn strategaeth Prifysgol Bangor.
[0:00] Prifysgol Bangor,Ìý Ìý Ìý Ìý Ìý Ìý Ìý Ìý Ìý Ìý Ìý Ìý Ìý ÌýÌý
[0:03] yn bwerdy ymchwilÌý Ìý Ìý Ìý Ìý Ìý Ìý Ìý Ìý Ìý Ìý Ìý Ìý Ìý ÌýÌý
[0:06] sy'n ysgogi newid.Ìý Ìý Ìý Ìý Ìý Ìý Ìý Ìý Ìý Ìý Ìý Ìý Ìý Ìý Ìý Ìý Ìý
[0:08] Mae ein darganfyddiadau yn llunio'rÌýbyd heddiw gyda ffocws ar
[0:11] gynaliadwyedd,Ìý Ìý Ìý Ìý Ìý Ìý Ìý Ìý Ìý Ìý Ìý Ìý Ìý Ìý Ìý Ìý Ìý Ìý
[0:13] diogelu'r amgylchedd,Ìý Ìý Ìý Ìý Ìý Ìý Ìý Ìý Ìý Ìý ÌýÌý
[0:17] adfywio iechyd cymdeithas ar ôl y pandemig,Ìý Ìý
[0:19] a hyrwyddo bywiogrwydd economaidd,Ìýcymdeithasol, dwyieithog a diwylliannol.
[Ìý0:28] O wella iechyd a lles,Ìý Ìý Ìý Ìý Ìý Ìý Ìý Ìý Ìý Ìý Ìý Ìý Ìý Ìý Ìý
[0:32] i ddatblygu'er economi 5G byd-eang.Ìý Ìý Ìý Ìý
[0:34] a chanfod atebion ynni i'r dyfodol.Ìý Ìý Ìý Ìý Ìý
[0:37] Gweithio mewn partneriaeth â llunwyr polisi,Ìýdiwydiant, busnesau a chymunedau
[0:42] datblygu Ysgol Feddygol Gogledd CymruÌý Ìý Ìý Ìý Ìý
[0:45] i hyfforddi meddygon yforyÌý Ìý Ìý Ìý Ìý
[Ìý0:48] Cefnogi'r sector Gwyddorau BywydÌý Ìý Ìý
[0:52] ac ymchwil perfformiad dynolÌýmewn Gwyddorau Chwaraeon
[0:55] Mae ymchwil Covid-19 Bangor yn llywio penderfyniadau polisi Iechyd Cyhoeddus.
[0:59] yn sefydlu rhwydwaith epidemioleg dwrÌýgwastraff cyntaf y DU i olrhain cyfraddau heintiau.
[Ìý1:02] a pharatoi ar gyfer pandemig yn y dyfodol.Ìý Ìý Ìý Ìý Ìý
[1:09] Mae Bangor yn datblygu technolegau aÌýgwytnwch ym maes ynni niwclear a meddygaeth,
[1:13] trwy ein Sefydliad Dyfodol Niwclear blaenllaw.Ìý Ìý
[Ìý1:18] Mynd i'r afael â newid HinsawddÌý Ìý Ìý Ìý Ìý
[1:19] gydag ymchwil i ynni carbon isel.Ìý Ìý Ìý Ìý
[1:22] Ymdrin ag un o faterion amylcheddol mwyaf y blanedÌý Ìý Ìý Ìý
[Ìý1:25] gwastraff plastig a gorddefnyddio plastigau untro Ìý Ìý Ìý
[1:29] a gwarchod yr amrywiaeth o rywogaethau ac ecosystemauÌý Ìý Ìý Ìý
[1:32] trwy ymchwil cadwraeth bioamrywiaeth.Ìý Ìý Ìý Ìý
[1:37] Mae ein hymchwil ar Gymru, y Gymraeg a sgiliau ieithyddolÌý Ìý Ìý ÌýÌý
[1:40] yn ysbrydoli cenedl ddwyieithog fywiog. Ìý Ìý
[1:45] Mae ein darganfyddiadau yn llywio addysguÌý Ìý Ìý Ìý
[ 1:49] gan alluogi myfyrwyr i ddysgu amÌýymchwil mewn amser real
[Ìý1:53] Mae ein hymchwilwyr yn rhannu ethos sy'n croesawu Ìý Ìý Ìý
[1:55] dewrder Ìý Ìý Ìý Ìý
[1:56] uniondeb Ìý Ìý Ìý Ìý
[1:57] cydweithio Ìý Ìý Ìý Ìý
[Ìý1:58] hyder Ìý Ìý Ìý
[Ìý1:59] ac ymddiriedaethÌý Ìý Ìý
[2:01] gydag agwedd fyd-eang Ìý Ìý Ìý Ìý
[2:03] sy'n ein helpu i wneud gwahaniaeth gwirioneddol i fywydau pobl. Ìý Ìý Ìý
[2:06] YmchwilÌý Ìý Ìý Ìý
[2:07] wrth wraidd ein gwaithÌý Ìý Ìý Ìý
[2:08] Ers 1884Ìý Ìý Ìý Ìý
Mwy na'r amgylchedd
Mae bod yn brifysgol wirioneddol gynaliadwy yn golygu nid yn unig edrych ar ôl ein hadnoddau naturiol a’r amgylchedd – mae’n golygu gofalu am ein cymunedau, ein diwylliant a’n hadnoddau economaidd. Ym Mhrifysgol Bangor rydym yn bwriadu gwneud ein prifysgol yn gyfystyr â chynaliadwyedd..
Mae cynaliadwyedd yn fwy na’r amgylchedd, ac mae’n fwy na gwaith un adran - mae ym mhopeth a wnawn. Gan weithio gyda Deddf Llesiant Cenedlaethau'r Dyfodol (Cymru) Llywodraeth Cymru 2015, a Nodau Datblygu Cynaliadwy'r Cenhedloedd Unedig, ymrwymwn i unioni’r heriau y mae’r gymuned fyd-eang yn eu hwynebu.
Sustainability at Bangor
O’n modiwlau israddedig i’n prosiect ymchwil, mae popeth a wnawn yn cael ei fapio ar 17 Nod Cynaliadwyedd y Cenhedloedd Unedig a defnyddio egwyddorion Deddf Llesiant Cenedlaethau’r Dyfodol (Cymru) 2015 Llywodraeth Cymru.
Deddf Llesiant Cenedlaethau’r Dyfodol (Cymru) 2015 Llywodraeth Cymru
Rhywfaint o’n heffaith hyd yma... Dim Newyn
Amcangyfrifir bod 30-40% o ffrwythau a llysiau Uganda yn cael eu gwastraffu cyn cyrraedd y farchnad. Mae Prifysgol Bangor yn gweithio gyda chydweithwyr ym Mhrifysgol Makerere yn Uganda i ddatblygu dulliau amgen o becynnu bwyd yn gynaliadwy.
Rhywfaint o’n heffaith hyd yma... Gwastraff Bwyd
Project bwyd o dan arweiniad myfyrwyr Prifysgol Bangor yw’r Ddraig Lwglyd (Hungry Dragon), ac mae’n arbed bwyd sydd dros ben ym Mangor. Yn ddiweddar, mewn partneriaeth â Chaffi Pris Teg Bangor, maent yn troi ffrwythau a llysiau dros ben o archfarchnadoedd lleol yn gyffeithiau ac yn brydau bwyd.
Rhywfaint o’n heffaith hyd yma... Ynni Glân
Fel Prifysgol, rydym yn deall bod ein defnydd o ynni sy'n deillio o danwydd ffosil yn cyfrannu at y newid yn yr hinsawdd byd-eang. Yn 2019, fe ddatganon ni Argyfwng yr Hinsawdd a chyhoeddi bod 100% o'n trydan bellach yn cael ei gyflenwi o ffynonellau adnewyddadwy gwarantedig. Mae gennym arbenigedd mewn ynni adnewyddadwy morol (gan gynnwys lliniaru'r effeithiau ar fywyd gwyllt y môr) ac ynni niwclear, sy'n hanfodol i barhau i ddatgarboneiddio’r modd yr ydym yn cynhyrchu trydan, ac sy'n sail i ostwng allyriadau mewn sectorau eraill. Mae gogledd Cymru mewn lle da’n ddaearyddol i arwain ar dechnolegau amgylcheddol.
Ychydig o'n heffaith hyd yma... Defnyddio a chynhyrchu’n gyfrifol
Yn 2019/20 llwyddodd y Brifysgol i beidio ag anfon 100% o'i gwastraff i safleoedd tirlenwi. O'r gwastraff a gyfeiriwyd i lefydd eraill, cafodd 2% ei ailddefnyddio, cafodd 59% ei ailgylchu ac adferwyd 39%. Cynhyrchwyd 617T o wastraff, gostyngiad o 196T (24%) ar y flwyddyn flaenorol. Ein nod yw ailddefnyddio/ailgylchu 70% o'n gwastraff erbyn Gorffennaf 2025, fel y nodir yn strategaeth wastraff gyffredinol Cymru - Tuag at Ddyfodol Di-wastraff.
Beth ydyn ni'n gweithio arno
Rydym yn gweithio ar lawer o eitemau i wella ein perfformiad amgylcheddol a moesegol, mewn meysydd fel addysg ar gyfer datblygu cynaliadwy, ymgysylltu â staff a myfyrwyr, a chyllid a chaffael
Polisïau, Strategaethau ac Adroddiadau
Mae ein polisïau a'n strategaethau yn siapio dyfodol y Brifysgol yn ogystal â chanolbwyntio ar faterion sy'n wynebu staff a myfyrwyr presennol.ÌýAc mae ein Hadroddiadau yn tystio i'n hymdrechion hyd yn hyn.
Cwrdd â’r Tîm
Mae pawb sy'n ymwneud â Chynaliadwyedd ym Mangor yn rhannu'r un weledigaeth a gwerthoedd er eu bod yn dod ag arbenigedd a phrofiadau gwahanol iddo. O ran tîm credwn fod y cyfan yn fwy na chyfanswm ei rannau - ond os hoffech bori trwy'r enwau gwiriwch y rhestr isod.
Newyddion Diweddaraf
Gweld Mwy
Cysylltwch
Os oes gennych unrhyw gwestiynau am gynaliadwyedd ym Mhrifysgol Bangor e-bostiwch sustainability@bangor.ac.uk
#BangorGynaliadwy
Dilynwch a defnyddiwch yr hashnod #BangorGynaliadwy ar gyfer popeth cynaliadwy ym Mhrifysgol Bangor ar gyfryngau cymdeithasol.