Cwestiwn 5:  Beth gallaf ei wneud os ydw i angen canslo neu aildrefnu sesiwn?

  • Os na allwch ddod i sesiwn, rhaid i chi roi o leiaf 24 awr o rybudd i'r tiwtor a drefnwyd ar eich cyfer, i ganslo'r sesiwn. Os na allwch roi 24 awr o rybudd, rhowch wybod i ni cyn gynted ag y bo modd. Eich cyfrifoldeb chi yw rhoi gwybod i'r tiwtor a drefnwyd ar eich cyfer trwy e-bost disabilityservice@bangor.ac.uk
  • Rhaid i chi gadarnhau'n ysgrifenedig trwy eich e-bost Prifysgol Bangor y rheswm pam na allwch ddod i'r sesiwn.Os ydych wedi rhoi llai na 24 awr o rybudd, bydd eich tiwtor yn anfon e-bost atoch yn gofyn pam na allwch ddod i'r sesiwn.
  • Byddwch hefyd yn cael e-bost awtomatig yn gofyn i chi gadarnhau na fyddwch yn bresennol.
  • Ar ôl colli dwy sesiwn byddwch yn cael e-bost gan un o'r cynghorwyr anawsterau dysgu penodol er mwyn gweld pa gefnogaeth sydd ar gael i'ch helpu i beidio â cholli sesiynau.
  • Nodwch os gwelwch yn dda - os rhoddir llai na 24 awr o rybudd, bydd eich awr astudio yn cael ei chymryd o'r balans cyffredinol a ddyrannwyd i chi. Mae'r diwrnodau gweithio o 9am tan 5pm, dydd Llun i ddydd Gwener. 
  • Os na fyddwch yn mynd i'ch sesiwn (sesiynau) cefnogi, ac os nad ydych wedi rhoi mwy na 24 awr o rybudd eich bod yn canslo, mae'n bosib na fydd eich corff cyllido yn cymeradwyo parhau i roi cefnogaeth sgiliau astudio i chi.
  • Sylwch - os yw eich cefnogaeth sgiliau astudio yn cael ei chyllido yna mae'n debygol na fydd eich corff cyllido'n talu am sesiwn gefnogi astudio a ganslwyd gennych, heb rybudd digonol, oherwydd bod Prifysgol Bangor wedi newid amser darlith. Os bydd rhaid i chi ganslo sesiwn gefnogi astudio am y rheswm hwn, ac nad ydych yn gallu rhoi 24 awr o rybudd, rhaid i ni gael cadarnhad gan eich ysgol bod amser y ddarlith wedi newid.