Â鶹´«Ã½¸ßÇå°æ

Mae'r radd yn rhoi gorolwg manwl ar amrywiaeth yr anifeiliaid a'r ecosystemau sydd ar y blaned, o'r mynyddoedd i ddyfnderoedd y môr.  Dangoswn sut mae rhyngweithio'r anifeiliaid a'u hamgylcheddau yr un mor berthnasol i gynefinoedd y môr, y tir a'r dŵr croyw. Cewch eich cyflwyno i chi elfennau hanfodol bioleg, ecoleg ac esblygiad organebau'r môr a'r holl grwpiau o anifeiliaid. Mae hon yn radd ymarferol iawn, a byddwch yn treulio amser ar deithiau maes ac yn y labordy yn rhoi eich gwybodaeth ar waith.

Cwrs 4 blynedd yw hwn a gynlluniwyd yn benodol ar gyfer myfyrwyr sydd am ennill dealltwriaeth fanwl iawn o'r pwnc. Yn y tair blynedd gyntaf, byddwch yn dilyn yr un strwythur â’r cwrs gradd BSc. Bioleg y Môr a Swoleg  Ddiwedd Blwyddyn dau, os cewch farc boddhaol, byddwch yn parhau â Blwyddyn tri’r cwrs BSc ac yn symud ymlaen i gwrs arbenigol yn y 4edd flwyddyn. Ym mlwyddyn 4 byddwch yn gwneud gwaith ymchwil sylweddol  a fydd yn sail i draethawd hir y flwyddyn olaf.  Cewch weithio yng ngrŵp ymchwil aelod o’r staff a byddwch yn ennill profiad gwerthfawr o weithio mewn amgylchedd ymchwil. 

Mae Bioleg y Môr yn cynnwys anifeiliaid, gwymon, planhigion a bywyd microbaidd yn y moroedd a'r cysylltiadau sydd rhyngddynt. Mae Sŵoleg yn ymdrin â’r holl anifeiliaid, ar y tir ac yn y dŵr. Felly mae'r radd yn bwrw golwg gyffredinol ac eang dros yr amrywiol anifeiliaid a’r ecosystemau sydd ar y blaned, o'r mynyddoedd i ddyfnderoedd y moroedd. Ar y cwrs byddwch yn dysgu bod y rhyngweithio rhwng anifeiliaid a'u hamgylcheddau yr un mor berthnasol i gynefinoedd y môr, y tir a’r dŵr croyw. Cyflwynir i chi nodweddion hanfodol bioleg, ecoleg ac esblygiad organebau’r môr a’r holl grwpiau o anifeiliaid. Byddwn hefyd yn ymdrin ag agweddau mwy cymhwysol fel dyframaeth a physgodfeydd, parasitoleg ac imiwnoleg.

Ar y radd 4 blynedd yma, byddwch yn gwneud darn sylweddol o ymchwil gwyddonol fel rhan o grŵp ymchwil.

Pam dewis Prifysgol Bangor ar gyfer y cwrs?

• Mae'r cwrs hwn yn unigryw i Fangor. 
• Mae lleoliad Bangor yn lle delfrydol i astudio cynefinoedd tir a dŵr, ac mae'r mynyddoedd a'r môr yn hwylus o agos ar gyfer teithiau maes. 
• Mae'r darlithwyr a fydd yn eich dysgu yn gwneud ymchwil ledled y byd.
• Ymhlith y cyfleusterau mae llong ymchwil, cychod gwaith, acwaria môr a dŵr croyw tymherus, labordy tanddaearol ar gyfer astudio ffawna'r pridd, ac amgueddfa sŵolegol. 
• Saif ein labordai addysgu nid nepell o'r môr, a gallwch gasglu anifeiliaid môr a'u hastudio yn y labordy yn yr un sesiwn labordy.

Opsiynau Cwrs Ychwanegol

Mae 3 blynedd gyntaf y radd yn cynnwys darlithoedd, dosbarthiadau ymarferol a gwaith maes ar y glannau. Ym Mlwyddyn tri mae dau gwrs maes, pob un yn wythnos o hyd, ac yn ystod Blynyddoedd 1, 2 a 3 treulir amser ar fwrdd llong ymchwil Y Tywysog Madog. Caiff eich gwaith ymarferol ei asesu'n barhaus ac mae arholiadau ysgrifenedig i bob modiwl. Ym Mlwyddyn pedwar cewch eich asesu ar y traethawd hir sgiliau ymchwil, y seminar a'r modiwlau poster.

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Bioleg Môr a Swoleg MSci.

Mae cynnwys y cwrs wedi’i nodi i’ch arwain yn unig ac fe all newid.

• Mae gennym acwaria môr trofannol a môr tymherus, labordai dadansoddi, efelychwyr cludo gronynnau a llif a systemau cyfrifiadurol o'r safon uchaf.
• Mae’r cefnfor wrth law ac mae mynediad heb ei ail ato a nifer o gynefinoedd rhynglanwol i wneud gwaith arbrofol, gan gynnwys glannau creigiog, glannau tywod a morfeydd heli.
• Os mai plymio sy’n mynd â’ch bryd mae gan Undeb y Myfyrwyr Glwb Nofio Tanfor gweithgar iawn ac mae llawer o'n myfyrwyr yn ymuno ag ef.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth. 

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hÅ·n sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hÅ·n. Am fwy o wybodaeth am astudio fel myfyriwr aeddfed, ewch i adran Astudio ym Mangor.ÌýÌý

Mae'r cwrs hwn yn baratoad delfrydol at yrfa mewn ymchwil. Bydd prosiect y bedwaredd flwyddyn yn fodd ichi ennill profiad o weithio mewn amgylchedd ymchwil a'ch paratoi at PhD a gyrfa ymchwil.

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Gwobr Cyflogadwyedd Bangor (GCB)

Mae Gwobr Cyflogadwyedd Bangor yn gwrs ar-lein cynhwysfawr y gallwch ei wneud yn ôl eich cyflymder eich hun, gan fynd â chi trwy'r holl gamau y mae'n rhaid i chi eu cymryd i archwilio, paratoi a gwneud cais am eich gyrfa ddelfrydol.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn 'gyda Blwyddyn Sylfaen' ar gael ar gyfer y cwrs hwn. Gwnewch gais am Bioleg Mor (gyda Blwyddyn Sylfaen).