Â鶹´«Ã½¸ßÇå°æ

Mae'r cwrs ar y cyd hwn yn rhoi cyfle i edrych ar gymhlethdodau'r byd lle rydym yn byw trwy astudiaeth fanwl o gysyniadau, themâu a safbwyntiau. Byddwch yn edrych ar fywyd cymdeithasol, cymdeithas a greddfau cymdeithasol, ac yn archwilio damcaniaethau a thystiolaeth sy'n ymwneud â throseddu, ymddygiad troseddol, erledigaeth, rheolaeth gymdeithasol, cosb ac atal troseddu. Trwy ddeall y byd cymdeithasol, rydym yn ennill gwell dealltwriaeth ohonom ein hunain a'n sefyllfaoedd cymdeithasol ein hunain.

Ymchwil i fywyd cymdeithasol a'r ffordd y mae'n siapio ymddygiad, credoau a hunaniaeth pobl yw Cymdeithaseg. Mae'r maes yn cynnwys archwilio ymwneud beunyddiol pobl â'i gilydd, wyneb yn wyneb, sefydliadau cymdeithasol mawr, mudiadau cymdeithasol a phrosesau byd-eang. Trwy ddeall y byd cymdeithasol, rydym yn meithrin gwell dealltwriaeth ohonom ein hunain a'n sefyllfaoedd cymdeithasol ein hunain.Ìý

Gellir astudio cymdeithaseg hefyd trwy gyfrwng y Gymraeg ar y cwrs BA Cymdeithaseg gyda Pholisi Cymdeithasol.Ìý

Mae Troseddeg yn edrych ar ddamcaniaethau a thystiolaeth yn ymwneud â throsedd, troseddwyr a dioddefwyr, tra bo astudiaethau Cyfiawnder Troseddol yn edrych ar y gwahanol ymatebion i drosedd, a dioddefwyr, o gamau anffurfiol i fesurau deddfwriaethol ffurfiol mewn rheolaeth gymdeithasol ac atal troseddau. Mae hefyd yn edrych ar y ffordd mae'r system cyfiawnder troseddol yn gweithio - o blismona i garcharu.

Drwy gyfuno'r ddau faes astudio academaidd, daw myfyrwyr i wybod am yr heriau allweddol o ran deall a rheoli ymddygiad troseddol a byddant yn gallu canfod y materion hyn wrth astudio cymdeithas yn ehangach. Byddant hefyd yn dod i ddeall yn well sut mae cymdeithas yn gweithio drwy brism troseddeg a chyfiawnder troseddol.

Pam dewis Prifysgol Bangor ar gyfer y cwrs?

• Mae ein haddysgu a'n hymchwil yn cwmpasu safbwyntiau Cymru, y DU a rhyngwladol.
• Mae arbenigedd staff yn eich galluogi i ymgysylltu'n feirniadol ac archwilio'r ddwy ddisgyblaeth heriol a chyffrous hyn.
• Ein cysylltiadau â chyflogwyr ac asiantaethau.
• Mae siaradwyr gwadd yn dod â dealltwriaeth newydd ac yn gwella'r profiad dysgu.
• Mae'r cwrs yn rhoi sylfaen gadarn ar gyfer amrywiaeth eang o yrfaoedd (e.e. yn y cyfryngau, gweinyddu, gwaith cymunedol, plismona, y gwasanaeth carchardai).

Opsiynau Cwrs Ychwanegol

Mae'r radd gydanrhydedd hon yn cyfuno elfennau craidd dwy raglen sy'n galluogi myfyrwyr i ddysgu hanfodion y ddwy ddisgyblaeth. Byddwch yn dysgu drwy amrywiaeth o ddulliau. Byddwch yn mynychu darlithoedd wythnosol lle bydd gwybodaeth arbenigol yn cael ei chyfleu yn defnyddio sleidiau PowerPoint, fideos a chyfnodau cwestiwn ac ateb. Byddwch yn cymryd rhan mewn seminarau lle gellid gofyn i chi ddarllen erthygl ysgolheigaidd ymlaen llaw, a byddwch yn cymryd rhan mewn trafodaethau dosbarth dan arweiniad. O bryd i'w gilydd bydd siaradwyr gwadd gan gynnwys rhai o brifysgolion eraill mewn rhannau eraill o'r byd. Byddwch yn cynnal eich ymchwil eich hun i baratoi at eich aseiniadau. Bydd yr aseiniadau'n cyd-fynd â'r addysgu ar y modiwl. Gall yr aseiniadau gynnwys traethodau traddodiadol yn ogystal â dulliau eraill gan gynnwys cyflwyniadau.

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Cymdeithaseg a Throseddeg a Chyfiawnder Troseddol BA (Anrh).

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth.Ìý

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hÅ·n sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hÅ·n. Am fwy o wybodaeth am astudio fel myfyriwr aeddfed, ewch iÌýadran Astudio ym Mangor.ÌýÌý

Mae gan raddedigion ar y radd Cymdeithaseg a Throseddeg a Chyfiawnder Troseddol ystod o lwybrau gyrfa y gallant eu harchwilio. O fewn y system cyfiawnder troseddol mae yna waith mewn sawl maes gwahanol i'w ystyried fel heddwas, swyddog carchar neu swyddog prawf, gweithio ym maes rheoli mewnfudo a chyfiawnder ieuenctid. Fel pob un o wyddorau cymdeithas Ìýgall graddedigion fanteisio ar gyfoeth o opsiynau gyrfa ym maes polisi a chymdeithaseg gan gynnwys tai cyhoeddus, y gwasanaeth sifil, y gwasanaeth iechyd, rheoli, gweinyddu llywodraeth leol, addysg, cysylltiadau cyhoeddus, a'r sector gwirfoddol. Serch hynny, y tu hwnt i hyn, mae graddedigion yn cael eu gwerthfawrogi gan gyflogwyr mewn bron unrhyw faes gwaith fel arbenigwyr ar y cyffredinol: byddwch wedi dysgu meddwl am unrhyw beth o safbwynt cymdeithasol. Byddwch wedi datblygu eich 'dychymyg cymdeithasegol', sef ymdeimlad o sut mae cyd-aelodau cymdeithas yn debygol o'ch gweld chi, eu hunain a'r byd cymdeithasol. Byddai llawer yn dweud mai dyma'r sgil bwysicaf i’w chael mewn unrhyw alwedigaeth, yn ogystal ag mewn bywyd yn gyffredinol. Gall myfyrwyr hefyd fynd ymlaen i astudio ar lefel ôl-raddedig ar un o'n cyrsiau MA niferus.

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Gwobr Cyflogadwyedd Bangor (GCB)

Mae Gwobr Cyflogadwyedd Bangor yn gwrs ar-lein cynhwysfawr y gallwch ei wneud yn ôl eich cyflymder eich hun, gan fynd â chi trwy'r holl gamau y mae'n rhaid i chi eu cymryd i archwilio, paratoi a gwneud cais am eich gyrfa ddelfrydol.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn 'gyda Blwyddyn Sylfaen' ar gael ar gyfer y cwrs hwn. Gwnewch gais amÌýCymdeithaseg (gyda Blwyddyn Sylfaen).