�鶹��ý�����

Mae ein cwrs Cymdeithaseg (gyda Blwyddyn Sylfaen) yn gwrs pedair blynedd gyda blwyddyn sylfaen integredig sy'n arwain at yr un cymhwyster â'r radd anrhydedd tair blynedd. Cynlluniwyd y cwrs yn benodol i fyfyrwyr sydd eisiau astudio ar lefel gradd ond nad ydynt yn bodloni'r gofynion mynediad neu ddim yn meddu ar gymwysterau traddodiadol.

Mae astudio Cymdeithaseg ar lefel gradd yn cynnig cyfle i chi ymchwilio i fywyd cymdeithasol a'r ffordd y mae'n siapio ymddygiad, credoau a hunaniaeth pobl. Mae'r maes yn cynnwys archwilio ymwneud beunyddiol pobl â'i gilydd, wyneb yn wyneb, sefydliadau cymdeithasol mawr, mudiadau cymdeithasol a phrosesau byd-eang. Trwy ddeall y byd cymdeithasol, rydym yn meithrin gwell dealltwriaeth ohonom ein hunain a'n sefyllfaoedd cymdeithasol ein hunain.

Mae'r flwyddyn sylfaen (blwyddyn 0) yn gyfle i chi ehangu a chryfhau eich hyder, sgiliau a gwybodaeth - gan sicrhau eich bod yn barod ac yn gymwys i symud ymlaen i Flwyddyn 1 y radd israddedig.

Pam dewis Prifysgol Bangor ar gyfer y cwrs?

• Ein nod yw rhoi awyrgylch dysgu cyfeillgar ac anffurfiol.��
• ⁠Mae strwythur y cwrs yn ddigon hyblyg i gynnig ystod o arbenigeddau a llawer o ddewis.
• Dysgir y radd gan arbenigwyr yn y pwnc a'u nod yw bod yn arloesol a darparu at anghenion gwirioneddol.��
• Mae'r flwyddyn sylfaen a Blwyddyn 1 wedi'u cynllunio i adeiladu eich hyder, gwybodaeth a dealltwriaeth - beth bynnag fo'ch cefndir.
• Rydym yn defnyddio amrywiaeth o ddulliau dysgu ac, yn ogystal â datblygu sgiliau personol, rydym yn rhoi pwyslais ar ddatblygu sgiliau ymarferol mewn arsylwi, dehongli, a phrosesu a chyflwyno gwybodaeth - sef pethau sy'n cael eu gwerthfawrogi gan gyflogwyr.

Opsiynau Cwrs Ychwanegol

Ar gyfartaledd, bydd gennych 6 awr o ddarlithoedd yr wythnos a hyd at 6 awr o seminarau grŵp. Byddwch hefyd yn gwneud ymchwil yn y llyfrgell, yn chwilio llyfryddiaeth, yn gwneud gwaith project ac yn paratoi ar gyfer cyflwyniadau. Mae rhai modiwlau'n cynnwys gwaith project ac/neu weithio mewn grŵp bach. I wneud eich traethawd estynedig bydd angen i chi ymchwilio i faes o'ch dewis. ��Bydd siaradwyr gwadd yn rhoi cyflwyniadau yn yr ysgol i roi persbectif ar y pwnc.

Rydym yn defnyddio amrywiaeth o ddulliau asesu, yn cynnwys gwaith cwrs, arholiadau a'r traethawd estynedig. ��Caiff rhai modiwlau eu hasesu'n gyfan gwbl drwy waith cwrs.��

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Cymdeithaseg (gyda Blwyddyn Sylfaen) BA (Anrh).

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth.��

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hŷn sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hŷn. Am fwy o wybodaeth am astudio fel myfyriwr aeddfed, ewch i��adran Astudio ym Mangor.����

Mae astudio cymdeithaseg yn darparu sylfaen gadarn ar gyfer ystod eang o yrfaoedd yn y cyfryngau, gweinyddiaeth, personél, addysgu a gwaith cymunedol. Mae graddedigion diweddar hefyd wedi mynd ymlaen i astudio academaidd pellach megis y TAR a chymwysterau ôl-radd sy'n arwain at addysgu a gweithio ym maes gwaith cymdeithasol.

Mae ar gyflogwyr heddiw angen pobl sy'n gallu meddwl mewn modd ��dadansoddol a dargyfeiriol a all chwarae rhan mewn bron unrhyw amgylchedd gwaith. ��O ganlyniad, mae lled a hyblygrwydd gradd gwyddorau cymdeithas yn ei gwneud yn ddeniadol i bron unrhyw gyflogwr. ��Mae ein graddedigion wedi dilyn amrywiaeth eang o lwybrau gyrfa.

Bydd y rhai sy'n dewis manteisio ar y cyfleoedd sydd ohoni am leoliadau gwaith (e.e. modiwl lleoliad gwaith, neu flwyddyn ar leoliad) yn ennill profiad ymarferol a dealltwriaeth o'r cyfleoedd gwaith yn y maes ehangach.
��

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.