Â鶹´«Ã½¸ßÇå°æ

Mae'r cwrs hwn yn rhoi cyfle i astudio hanes Prydain, Ewrop ac America o'r cyfnod modern hyd heddiw. Trwy'r pynciau a astudir byddwch yn dysgu sut i archwilio materion cyfoes yn eu cyd-destun hanesyddol, ac edrych ar ddatblygiad cymdeithas fodern a gwleidyddiaeth. Byddwch yn ymchwilio’n ddyfnach i bynciau mwy arbenigol, fel yr Almaen Natsïaidd neu’r Rhyfel Oer. Mae’r sgiliau hanfodol dadansoddi, dadlau a chyfathrebu a ddysgir yn cael eu gwerthfawrogi'n fawr gan gyflogwyr.

Mae hanes yn bwnc sy'n ysbrydoli, sy’n ddeinamig a pherthnasol. Mae’r dewis eang o bynciau a gynigir yn ein gradd yn rhychwantu'r cyfnod Neolithig hyd at y gorffennol mwy diweddar. Gan gwmpasu agweddau ar hanes Cymru, Prydain, Ewrop a'r byd ehangach, byddwch yn datblygu gwybodaeth mewn themâu gwleidyddol, cymdeithasol a diwylliannol. Byddwch yn meithrin sgiliau ymarferol a throsglwyddadwy y mae cyflogwyr yn eu gwerthfawrogi - sgiliau fydd yn eich paratoi ar gyfer llawer o yrfaoedd posibl, e.e. y gwasanaeth sifil, y sector treftadaeth, y cyfryngau neu'r gyfraith.

Nod y cwrs hwn yw datblygu eich gwybodaeth a'ch dealltwriaeth o ystod eang o hanes y ddynoliaeth, gan ganolbwyntio ar y cyfnod ar ôl 1750. Fe’ch anogir i ddadansoddi’r cyfnod modern a chyfoes, fel y gallwch ddeall a chyfrannu at ddadleuon hanesyddol, a deall sut mae’r gorffennol wedi ei ffurfio’n rhannol o leiaf yn y presennol. Gobaith y cwrs felly yw eich hyfforddi'n ddeallusol fel y gallwch egluro perthnasedd y gorffennol yn y presennol, deall problemau dehongli tystiolaeth ysgrifenedig ac o fathau eraill, a meithrin sgiliau ymchwil, dadansoddi, datrys problemau, llunio dadl a chyfathrebu.Ìý

Hanes yw un o'r pynciau mwyaf ysbrydoledig, deinamig a pherthnasol y gellir ei astudio ar lefel gradd, ac felly nid yw'n syndod bod Hanes yn parhau i fod yn un o'r pynciau gradd mwyaf poblogaidd yn y Deyrnas Unedig. Mae’n ymwneud ag ystod sefydledig o agweddau, ond mae bob amser yn ehangu ac yn newid wrth iddo ymateb i themâu neu syniadau newydd a godir gan ddisgyblaethau eraill. Mae hefyd yn bwnc ymarferol iawn, ac yn ystod eich gradd byddwch yn datblygu sgiliau trosglwyddadwy amrywiol y mae cyflogwyr yn eu gwerthfawrogi'n fawr. Mae arolygon yn dangos yn gyson bod graddedigion Hanes yn cael gwaith yn gynt na graddedigion mewn llawer o bynciau yr ymddengys eu bod yn fwy 'galwedigaethol'.

Pam dewis Bangor?

• Addysgu dan arweiniad tîm rhyngwladol o ddarlithwyr sy'n arbenigwyr yn eu meysydd.
• Cyfleoedd gwych i gael teithiau maes lleol i safleoedd hanesyddol enwog, yn cynnwys y tÅ· lle cafodd David Lloyd George ei eni a'r plastai gwych, Plas Newydd a Chastell Penrhyn.
• Mae’r ardal leol yn llawn hanes (gan gynnwysÌýÌýac yn darparu adnodd ar gyfer gwaith maes a lleoliad gwych i astudio.
• Ymroddiad i addysgu mewn grwpiau bach a chefnogaeth un i un.
• Bydd canolbwyntio ar hanes modern a chyfoes yn galluogi gwybodaeth fanwl am ddulliau, themâu a chysyniadau penodol i gyfnod.

Opsiynau Cwrs Ychwanegol

Yn ystod eich gradd byddwch yn dysgu drwy amrywiaeth o ddosbarthiadau bach ar ffurf grŵp seminar, teithiau maes, gweithdai ymarferol, hyfforddiant un-i-un, a darlithoedd ar gyfer rhwng 10 a 50 o fyfyrwyr. Mae safleoedd hanesyddol a safleoedd treftadaeth byd allweddol i’w cael yma, ac mae ein lleoliad yn golygu y bydd gennych fynediad at adnoddau cyfoethog o ran safleoedd treftadaeth, henebion ac amgueddfeydd lleol. O blastai urddasol i chwareli llechi enfawr, mae’r adnoddau anhygoel hyn yn rhan annatod o'r cwrs ac rydym yn eu defnyddio'n rhan o'r dysgu trwy deithiau maes a gweithdai ymarferol i ddod â’ch dysgu’n fyw.Ìý

Ym mlwyddyn gyntaf eich gradd Hanes Modern a Chyfoes byddwch yn dewis o ddetholiad o fodiwlau a ddyluniwyd i roi blas i chi o’r cyfnod ar ôl 1750. Yn yr ail a'r drydedd flwyddyn bydd gennych ddewis eang o fodiwlau mwy arbenigol a thematig lle rhoddir ystyriaeth fanwl i ffynonellau gwreiddiol. Bydd hyn yn eich galluogi i deilwra eich gradd yn unol â’ch diddordebau eich hun. Byddwch hefyd yn ymchwilio i bwnc o'ch dewis ym Mlwyddyn 3 ac yn ysgrifennu traethawd hir arno. Ìý

Ochr yn ochr ag addysgu yn yr ystafell ddosbarth a gweithgareddau maes, byddwch hefyd yn elwa ar amrywiaeth o weithgareddau academaidd a chymdeithasol eraill yn yr Ysgol. Mae'r rhain yn cynnwys cynadleddau myfyrwyr a chyfnodolyn yr Ysgol, cwisiau, achlysuron cymdeithasol a theithiau a sgyrsiau wedi eu harwain gan y myfyrwyr. Mae ein myfyrwyr hefyd yn gallu elwa o gynlluniau'r Brifysgol megis 'Ieithoedd i Bawb' a 'Chymraeg i Oedolion' (sef dosbarthiadau ieithoedd am ddim mewn Ffrangeg, Almaeneg, Eidaleg, Tsieinëeg Mandarin, Sbaeneg a Chymraeg) a chynlluniau'r Ganolfan Sgiliau Astudio.

Pan na fyddwch yn gwneud hynny byddwch yn paratoi ar gyfer seminarau, yn gwneud ymchwil ac yn cwblhau aseiniadau. Asesir y cwrs trwy gyfuniad o draethodau, projectau, cyflwyniadau ac arholiadau. ÌýMae'r traethawd hir yn rhan bwysig o'r asesiad terfynol. Trwy gydol y cwrs fe'ch cefnogir gan staff addysgu arbenigol a brwdfrydig.

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Hanes Modern a Chyfoes BA (Anrh).

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth.Ìý

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hÅ·n sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hÅ·n. Am fwy o wybodaeth am astudio fel myfyriwr aeddfed, ewch iÌýadran Astudio ym Mangor.ÌýÌý

Mae hanes yn radd sy’n agor drysau lawer. Mae'r cwrs hwn yn rhoi gwybodaeth arbenigol ac ystod o sgiliau dadansoddol a chyflwyno a fydd yn eich galluogi i ddilyn amrywiaeth o yrfaoedd sy'n ymwneud ag anghenion gweinyddol ac arweinyddiaeth; er enghraifft, yn adrannau personél cwmnïau, y gwasanaeth sifil a llywodraeth leol yn ogystal ag mewn ystod o alwedigaethau y gellir trosglwyddo'r sgiliau hyn yn uniongyrchol iddynt. ÌýMae ein graddedigion Hanes yn cael swyddi amrywiol iawn: yn enwedig mewn meysydd sy'n gofyn am sgiliau cyfathrebu, am ddadansoddi llawer iawn o wybodaeth ac am ddeall y natur ddynol. Yn ystod y blynyddoedd diwethaf, mae graddedigion wedi cael gyrfaoedd mewn gwaith amgueddfa, y gyfraith, addysgu a'r diwydiannau diwylliannol. Mae llawer o raddedigion hefyd yn mynd rhagddynt i gynlluniau ôl-raddedig addysg uwch.

Mae graddedigion Hanes yn weithwyr y mae ar gyflogwyr eu heisiau oherwydd yr amrywiaeth o sgiliau y maent yn eu datblygu yn ystod eu gradd. Mae'r sgiliau trosglwyddadwy hyn yn cynnwys:

• Y gallu i adolygu'r llenyddiaeth yn feirniadol a llunio dadleuon rhesymegol a strwythuredig
• Y gallu i wneud cyflwyniadau llafar effeithiol
• Datblygu sgiliau ysgrifennu a golygu
• Gwerthfawrogiad o gymhlethdod ac amrywiaeth sefyllfaoedd, digwyddiadau a meddylfryd yn y gorffennol
• Profiad a enillir o gyflawni a chwblhau project ymchwil mawr yn y drydedd flwyddyn - y traethawd hir
• Sgiliau TG da
• Sgiliau rheoli amser
• Mae'r sgiliau trosglwyddadwy hyn yn hanfodol i sectorau cyflogaeth eraill, megis y sector cyhoeddus, addysgu, newyddiaduraeth, y gyfraith, cyfrifeg a rheolaeth.

Rhoddir cyfle i fyfyrwyr Blwyddyn 2 a 3 gwblhau modiwlau lleoliad gwaith, y gellir eu cynnal yn y brifysgol neu drwy sefydliadau allanol. Asesir y rhain fel rhan o'r radd derfynol. Mae'r rhaglen yn gwella rhagolygon cyflogadwyedd ac yn rhoi syniad o'r math o gyfleoedd cyflogaeth y mae gradd mewn hanes yn eu cynnig. Mae myfyrwyr wedi ymgymryd â lleoliadau mewn ystod eang o weithleoedd, gan gynnwys archifdai ac asiantaethau treftadaeth.

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Gwobr Cyflogadwyedd Bangor (GCB)

Mae Gwobr Cyflogadwyedd Bangor yn gwrs ar-lein cynhwysfawr y gallwch ei wneud yn ôl eich cyflymder eich hun, gan fynd â chi trwy'r holl gamau y mae'n rhaid i chi eu cymryd i archwilio, paratoi a gwneud cais am eich gyrfa ddelfrydol.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn ‘gyda Blwyddyn Sylfaen’ ar gael ar gyfer y cwrs hwn. Gwnewch gais am Hanes (gyda Blwyddyn Sylfaen).