Â鶹´«Ã½¸ßÇå°æ

Mae Cymraeg yn iaith Geltaidd sydd ar flaen y gad o ran dulliau creadigol modern. Mae'r cwrs hwn yn rhoi sylfaen gadarn i chi mewn llenyddiaeth ac iaith a chyfle i astudio cyfuniad o fodiwlau theatr, drama a'r cyfryngau. Byddwch yn meithrin eich doniau creadigol yng nghwmni rhai o brif ymarferwyr creadigol Cymru a dilyn llwybrau gyrfa yn y cyfryngau a'r theatr ond hefyd ym maes addysg.Ìý Os ydych â’ch bryd ar weithio ym maes theatr neu’r cyfryngau yn y dyfodol, bydd y cwrs hwn yn eich darparu â’r sgiliau angenrheidiol i fentro i’r maes yn broffesiynol.

Bydd y cwrs, nid yn unig yn rhoi sylfaen gadarn i chi mewn iaith a llenyddiaeth Gymraeg, ond yn rhoi cyfle hefyd i chi gyfuno elfennau creadigol, ymarferol ac academaidd ym maes theatr, drama a'r cyfryngau. Cewch feithrin eich doniau yng nghwmni rhai o brif ymarferwyr Cymru, rhai sy’n parhau i weithio’n broffesiynol yn y maes. Mae’r cwrs hwn yn eich paratoi ar gyfer gyrfa ym maes y celfyddydau, y cyfryngau a'r theatr neu ym myd addysg.

Yn ogystal â rhoi sylfaen gref i chi o ran iaith a llenyddiaeth Gymraeg bydd cyfle hefyd yn ystod y cwrs i ddysgu am amrywiol agweddau o’r theatr a’r cyfryngau fel meysydd celfyddydol. Bydd cyfle i ddysgu am agweddau damcaniaethol a hanesyddol y meysydd, megis hanes y ddrama Gymraeg, hanes y ddrama Ewropeaidd, y traddodiad o addasu ar gyfer y llwyfan, astudio gweithiau sgrin Cymraeg a’r traddodiad o ddarlledu ar gyfer y radio fel cyfrwng. Mae hefyd drawstoriad eang ar gael o fodiwlau sy’n rhoi cyfle i fyfyrwyr feithrin a datblygu sgiliau ymarferol yn y meysydd, megis sgiliau sgriptio (ar gyfer y teledu ac ar gyfer y llwyfan), sgiliau perfformio a chyfarwyddo yn ogystal â sgiliau cynhyrchu ar gyfer y llwyfan, y teledu a’r radio.Ìý

Pam dewis Prifysgol Bangor ar gyfer y cwrs hwn?

• Canolfan Celfyddydau ac Arloesi Pontio, buddsoddiad o £50 miliwn.
• Astudio yng Ngwynedd, cartref sector deinamig o ran diwydiannau creadigol a chyfryngau Cymru.
• Cyfle i gydweithio ag ymarferwyr theatr a chyfryngau sy’n parhau i weithio yn y maes yn broffesiynol.
• Astudio gyda phrifeirdd a phrif lenorion, enillwyr gwobrau cenedlaethol a bri rhyngwladol.
• Fe’n cydnabyddir yn fyd-eang am ragoriaeth mewn ymarfer creadigol, ac astudiaethau Cymraeg a Cheltaidd.

Opsiynau Cwrs Ychwanegol

Agwedd arbennig ar y cwrs hwn yw’r cyfle i fynychu gweithdai arbenigol a fydd yn eich arfogi â’r sgiliau pwrpasol i greu gwaith gwreiddiol eich hunain, boed hynny’n yn sgript ar gyfer y teledu neu’r llwyfan, yn gynhyrchiad llwyfan, yn ffilm fer, neu’n rhaglen radio.

Mae’r dysgu drwy gyfrwng gweithdai, darlithoedd, seminarau a thiwtorialau. Mae'r asesiad yn gyfuniad o waith cwrs (e.e. Ìýgwaith ymarferol / creadigol, cyflwyniadau llafar, traethodau, a thasgau wythnosol) ac arholiadau, gyda rhai modiwlau wedi’u hasesu’n llwyr ar sail gwaith cwrs. Bydd eich modiwlau bob blwyddyn yn gyfwerth ag 120 credyd.Ìý
Ìý
Mae’r flwyddyn gyntaf yn gyfle i adeiladu ar eich profiadau ac i agor drysau newydd, e.e. trafod yr iaith a’i chelfyddyd mewn cyd-destunau sy’n ymwneud â’i hanes a’i chyflwr heddiw, dysgu sgiliau beirniadol newydd, ymateb yn wreiddiol i weithiau celfyddydol a meithrin sgiliau ymarferol ym maes theatr a’r cyfryngau.

Yn eich ail a'ch trydedd flwyddyn, cewch ddewis helaeth o fodiwlau damcaniaethol, megis ar y theatr Gymraeg o gyfnod Saunders Lewis hyd at Aled Jones Williams ac ar ddramâu teledu Meic Povey, yn ogystal â dewis eang o fodiwlau ymarferol megis sgriptio, dyfeisio cynhyrchiad llwyfan a chynhyrchu ffilm fer, i enwi ond rhai.

Yn y drydedd flwyddyn cewch lunio traethawd hir ac ymchwilio i bwnc diddorol o’ch dewis. Yn y gorffennol, mae nifer wedi dewis ymchwilio i feysydd megis gweithiau amrywiol ddramodwyr Cymraeg, hanes cwmnïau amatur Cymru ac addasiadau llwyfan a sgrin o weithiau llenyddol Cymraeg. Mae’r opsiynau’n ddiderfyn!

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Cymraeg, Theatr a'r Cyfryngau BA (Anrh).

Mae cynnwys y cwrs wedi’i nodi i’ch arwain yn unig ac fe all newid.

• Mae Canolfan Gelfyddydol Pontio yn adnodd hynod werthfawr i Brifysgol Bangor a’r dalgylch. Mae’n cynnwys gofodau proffesiynol pwrpasol o’r radd flaenaf i wylio perfformiadau byw neu gynyrchiadau ar sgrin yn ogystal â stiwdio berfformio bwrpasol lle bydd cyfle i fyfyrwyr lwyfannu perfformiadau.
• Mae adeilad John Phillips ar gampws y Brifysgol hefyd yn cynnwys: Neuadd John Phillips – gofod perfformio gyda chyfarpar sain a goleuo, stiwdio radio ac ystafell reoli gydag offer hunan-reoli, ystafelloedd golygu fideo a sain, camerâu amrywiol ar gyfer pob blwyddyn academaidd, e.e.ÌýCanon, JVC, offer sain ac offer goleuo amrywiol, ystafell cyfryngau digidol, meddalwedd megis Adobe Creative Cloud a Final Cut Pro.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth.Ìý

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hÅ·n sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hÅ·n. Am fwy o wybodaeth am astudio fel myfyriwr aeddfed, ewch iÌýadran Astudio ym Mangor.ÌýÌý

Ni fu erioed adeg fwy cyffrous i astudio’r Gymraeg ym Mangor. Ni fu ychwaith gymaint o alw am weithlu a all ddefnyddio’r Gymraeg ar lefelau proffesiynol uwch. Mae’r nod yn glir, y mae wedi ei osod gan Lywodraeth Cymru – miliwn o siaradwyr Cymraeg erbyn 2050 a Chymru ddwyieithog yng ngwir ystyr y gair.Ìý

Wrth anelu am y nod hwnnw bydd angen mawr am raddedigion hyderus eu Cymraeg, rhai fydd yn gallu defnyddio eu sgiliau iaith mewn ffyrdd hyblyg, rhai fydd yn gallu meddwl yn ddadansoddol drwy gyfrwng yr iaith a’i defnyddio – ar lafar ac yn ysgrifenedig – mewn sefyllfaoedd gwaith amrywiol.Ìý

Mae llwyddiant proffesiynol rhyfeddol ein myfyrwyr ym maes gwaith – a’u gyrfaoedd amrywiol – eisoes yn profi pa mor gwbl berthnasol yw’r cwrs hwn i ofynion y Gymru gyfoes. Mae cyfran ohonynt yn cael eu denu i fyd addysg, i fod yn athrawon cynradd ac uwchradd, yn brifathrawon, yn swyddogion addysg ac yn gyfarwyddwyr addysg. Aeth eraill i fyd addysg bellach ac i fod yn ddarlithwyr mewn prifysgolion. Mae dysgu Cymraeg i oedolion hefyd yn faes allweddol. Mae’r byd teledu a’r cyfryngau digidol, theatr a phrint – gan gynnwys canolfan y BBC ym Mangor a Chanolfan Gelfyddydol Pontio – yn cynnig trawstoriad o swyddi diddorol a denwyd cyn-fyfyrwyr eraill at faes cyhoeddi llyfrau, ysgrifennu creadigol a sgriptio teledu, cysylltiadau cyhoeddus a marchnata. Mae’r galw yn parhau hefyd am weinyddwyr a swyddogion dwyieithog ar gyfer llywodraeth leol. A heb bresenoldeb graddedigion Cymraeg Bangor byddai’r diwydiant cyfieithu yn un pur wahanol. Ac mae gan raddedigion y cyfnod presennol hefyd bob hawl i anelu’n uchel. Llyfrgell Genedlaethol Cymru, Y Theatr Gymraeg Genedlaethol, Cwmni Da (un o gwmnïau cynhyrchu mwyaf Cymru), Gwasanaeth Cofnodi a Chyfieithu Senedd Cymru a Chyngor Ynys Môn – beth sy’n gyffredin rhyngddynt? Mae graddedigion Cymraeg Bangor wedi cyrraedd brig eu gyrfaoedd proffesiynol ynddynt ac wrth y llyw ym mhob un ohonynt! Ìý Ìý

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Gwobr Cyflogadwyedd Bangor (GCB)

Mae Gwobr Cyflogadwyedd Bangor yn gwrs ar-lein cynhwysfawr y gallwch ei wneud yn ôl eich cyflymder eich hun, gan fynd â chi trwy'r holl gamau y mae'n rhaid i chi eu cymryd i archwilio, paratoi a gwneud cais am eich gyrfa ddelfrydol.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn 'gyda Blwyddyn Sylfaen' ar gael ar gyfer y cwrs hwn. Gwnewch gais amÌýCymraeg i Ddechreuwyr.