�鶹��ý�����

Mae'r cwrs gwyddorau cymdeithasol hwn yn rhoi dealltwriaeth gadarn a manwl o Droseddeg a Chyfiawnder Troseddol a Pholisi Cymdeithasol. Byddwch yn edrych ar ddamcaniaethau a thystiolaeth sy'n ymwneud â throsedd, troseddwyr a dioddefwyr, tra hefyd yn archwilio ymatebion amrywiol i droseddu a dioddefwyr a'r ffordd y mae'r system cyfiawnder troseddol yn gweithio. Trwy ystyried materion fel iechyd, tlodi, amddifadedd lluosog a mathau o wahaniaethu byddwch hefyd yn ymchwilio i achosion ac atebion problemau cymdeithasol.

Mae Polisi Cymdeithasol yn ymwneud ag astudio lles yn ystyr ehangaf y gair. Mae'n astudio'r amrywiol ffyrdd o ddarparu lles, talu amdano a'i reoleiddio, ac mae'n cymharu'r gwahanol ddulliau sydd gan wladwriaethau o ran lles eu dinasyddion ac eraill. Mae Troseddeg yn edrych ar ddamcaniaethau a thystiolaeth yn ymwneud â throsedd, troseddwyr a dioddefwyr, tra bo astudiaethau Cyfiawnder Troseddol yn edrych ar y gwahanol ymatebion i drosedd, a dioddefwyr, o gamau anffurfiol i fesurau deddfwriaethol ffurfiol mewn rheolaeth gymdeithasol ac atal troseddau. Mae hefyd yn edrych ar y ffordd mae'r system cyfiawnder troseddol yn gweithio - o blismona i garcharu.  Gellir ymgymryd â Pholisi Cymdeithasol hefyd trwy gyfrwng y Gymraeg fel cwrs cydanrhydedd â Chymdeithaseg: BA Cymdeithaseg a Pholisi Cymdeithasol: 

Lluniwyd y radd i roi sylfaen wybodaeth eang a dealltwriaeth i fyfyrwyr o lunio polisïau a rheoli troseddau. Trwy gyfuno dau faes astudiaeth academaidd, bydd myfyrwyr yn cael gwybod am yr heriau allweddol wrth ddeall a rheoli ymddygiad troseddol a'r polisïau cymdeithasol sy'n effeithio ar bob agwedd ar gymdeithas. 

Yn elfen troseddeg y radd mae myfyrwyr yn cael gwybodaeth ymarferol a dealltwriaeth o sut mae'r system cyfiawnder troseddol yn gweithio, yn ogystal â chyfle i ystyried y ffactorau cymdeithasol a diwylliannol sy'n dylanwadu ar benderfyniad pobl i ymwneud â gweithgarwch troseddol. Yn ystod y radd, mae myfyrwyr yn cael trosolwg cyffredinol o droseddu a rheoli troseddau, ond hefyd yn cael cyfle i ganolbwyntio ar sawl maes gwahanol a chymhleth ymddygiad dynol, fel camddefnyddio cyffuriau, trais rhyngbersonol a throseddoldeb cyfundrefnol.
⁠Mae Polisi Cymdeithasol yn ymwneud ag astudio'r cysylltiadau cymdeithasol a'r systemau sy'n  hyrwyddo lles.  Yn ystod y radd, bydd myfyrwyr yn edrych ar achosion ac atebion problemau cymdeithasol mewn meysydd fel tlodi ac anghydraddoldeb yn fyd-eang ac yn lleol. Trwy astudio ar y radd hon, bydd myfyrwyr yn cael gwell dealltwriaeth ohonynt eu hunain a chymdeithas. Mae modiwlau profiad gwaith a phrofiad rhyngwladol ar gael ar y radd hon.

Pam dewis Prifysgol Bangor ar gyfer y cwrs?

• Staff dysgu sy’n cyfuno eu gyrfaoedd ymchwil gydag ymroddiad gwirioneddol i ddysgu.
• Cysylltiadau ag asiantaethau perthnasol (yn lleol, yn genedlaethol ac yn rhyngwladol).
• Cyrsiau arloesol sy'n adlewyrchu natur amserol y maes pwnc.
• Mae amrywiaeth o siaradwyr gwadd yn cyfoethogi’r profiad dysgu.
• Strwythur gradd sy'n eich galluogi i arbenigo neu gwmpasu amrywiaeth eang o opsiynau.
• Ein nod yw rhoi awyrgylch dysgu cyfeillgar ac anffurfiol. 
• ⁠Bwriad gwaith y flwyddyn ragarweiniol yw rhoi cyfle i chi fagu eich hyder, beth bynnag fo'ch cefndir. 
• Rydym yn defnyddio amrywiaeth o ddulliau dysgu ac, yn ogystal â datblygu sgiliau personol, rydym yn rhoi pwyslais ar ddatblygu sgiliau ymarferol mewn arsylwi, dehongli, a phrosesu a chyflwyno gwybodaeth - sef pethau sy'n cael eu gwerthfawrogi gan gyflogwyr.

Opsiynau Cwrs Ychwanegol

Mae'r radd gydanrhydedd hon yn cyfuno elfennau craidd dwy raglen sy'n galluogi myfyrwyr i ddysgu hanfodion troseddeg a pholisi cymdeithasol. Mae modiwlau ar y cwrs hwn yn defnyddio cyfuniad o ddarlithoedd, seminarau a sesiynau gweithdy wythnosol, awr o hyd. Mae'r radd yn canolbwyntio ar ystod o bynciau dadleuol a heriol felly caiff trafodaeth fywiog ei hannog. 

Bydd myfyrwyr yn cael eu cyfeirio dros gwrs y radd at astudiaethau academaidd ac adroddiadau perthnasol gan ddefnyddio ein llwyfan dysgu ar-lein 'Blackboard', a Llyfrgell Prifysgol Bangor, sy'n rhoi mynediad at ystod o adnoddau.

Trwy gydol y radd rydym yn cynnwys sesiynau gan siaradwyr gwadd fel cynrychiolwyr o'r system cyfiawnder troseddol ac academyddion sy'n ymweld, i roi profiad dysgu deinamig i fyfyrwyr. Rydym yn defnyddio cymysgedd o wahanol strategaethau asesu yn ystod y radd, o dasgau cyflwyno i draethawd ac adroddiadau. 

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Troseddeg a Chyfiawnder Troseddol a Pholisi Cymdeithasol BA (Anrh).

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth. 

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hŷn sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hŷn. Am fwy o wybodaeth am astudio fel myfyriwr aeddfed, ewch i adran Astudio ym Mangor.����

Mae gan raddedigion ar y radd Troseddeg a Chyfiawnder Troseddol a Pholisi Cymdeithasol ystod o lwybrau gyrfa y gallant eu harchwilio. O fewn y system cyfiawnder troseddol mae yna waith mewn sawl maes gwahanol i'w ystyried fel heddwas, swyddog carchar neu swyddog prawf, gweithio ym maes rheoli mewnfudo a chyfiawnder ieuenctid. Gyda’u gwybodaeth am Bolisi Cymdeithasol, gall graddedigion fynd i amrywiaeth eang o alwedigaethau ym maes polisi a chymdeithasol, gan gynnwys tai cyhoeddus, y gwasanaeth sifil, y gwasanaeth iechyd, rheoli, gweinyddu llywodraeth leol, addysg, cysylltiadau cyhoeddus a'r sector gwirfoddol. Serch hynny, y tu hwnt i hyn, mae graddedigion yn cael eu gwerthfawrogi gan gyflogwyr mewn bron unrhyw faes gwaith fel arbenigwyr ar gyfer y cyffredinol: byddwch wedi dysgu meddwl am unrhyw beth o safbwynt cymdeithasol. Byddwch wedi datblygu eich 'dychymyg cymdeithasegol', ymdeimlad o sut mae cyd-aelodau cymdeithas yn debygol o'ch gweld chi, eu hunain a'r byd cymdeithasol. Byddai llawer yn dweud mai dyma'r sgil bwysicaf i’w chael mewn unrhyw alwedigaeth, yn ogystal ag mewn bywyd yn gyffredinol. Gall myfyrwyr hefyd fynd ymlaen i astudio ar lefel ôl-raddedig ar un o'n cyrsiau MA niferus.

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Gwobr Cyflogadwyedd Bangor (GCB)

Mae Gwobr Cyflogadwyedd Bangor yn gwrs ar-lein cynhwysfawr y gallwch ei wneud yn ôl eich cyflymder eich hun, gan fynd â chi trwy'r holl gamau y mae'n rhaid i chi eu cymryd i archwilio, paratoi a gwneud cais am eich gyrfa ddelfrydol.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn ‘gyda Blwyddyn Sylfaen’ ar gael ar gyfer y cwrs hwn. Gwnewch gais am Cymdeithaseg (gyda Blwyddyn Sylfaen).