Â鶹´«Ã½¸ßÇå°æ

Mae'r cwrs BSc hwn mewn Ffarmacoleg (gyda Blwyddyn Sylfaen) wedi'i fwriadu ar gyfer y rhai nad ydynt yn gwbl barod i ddechrau ar y cwrs Ffarmacoleg BSc tair blynedd, ac sydd angen datblygu hyder a sgiliau academaidd pwnc-benodol ymhellach. Mae cwblhau'r Flwyddyn Sylfaen yn llwyddiannus yn eich galluogi i symud ymlaen i'r Ffarmacoleg BSc tair blynedd.

Ffarmacoleg yw'r astudiaeth o sut mae meddyginiaethau'n gweithio a sut maen nhw'n effeithio arnom ni. Mae ffarmacolegwyr yn cyfrannu'n fawr at feddygaeth trwy ddarganfod triniaethau newydd. Bydd gradd Ffarmacoleg yn rhoi cyfle i chi ddilyn gyrfa arloesol a chyffrous wrth ddarganfod a phrofi cyffuriau newydd neu gynnal ymchwil trwy dreialon clinigol. Bydd y radd BSc Ffarmacoleg yn eich paratoi ar gyfer gyrfa yn y diwydiant fferyllol a biotechnoleg neu mewn ymchwil academaidd.Ìý

Mae'r cwrs BSc hwn mewn Ffarmacoleg (gyda Blwyddyn Sylfaen) wedi'i gynllunio i'ch arfogi â sgiliau a gwybodaeth wyddonol mewn meddyginiaethau a sut maen nhw'n gweithio, yn ogystal â dealltwriaeth o sut y cânt eu defnyddio a sut yr asesir eu heffeithiolrwydd a'u gwerth. ÌýMae'r cwrs yn cyfuno gwahanol fathau o addysgu sy'n ymdrin ag egwyddorion ffarmacoleg, canser a ffarmacoleg gardiofasgwlaidd, ffarmacogenomeg, ffarmaceconomeg, a llawer o feysydd pwnc eraill. Byddwch yn astudio sut gaiff cyffuriau'n eu darganfod a’u treialu mewn bodau dynol, a sut y cânt eu hasesu gan sefydliadau fel awdurdodau rheoleiddio a'r Sefydliad Cenedlaethol dros Ragoriaeth mewn Iechyd a Gofal. Ìý

Bydd y radd BSc hon yn fodd i chi ddatblygu, integreiddio a chymhwyso'ch gwybodaeth lle mae darganfyddiadau gwyddonol ac ymarfer clinigol yn cwrdd. ÌýBydd eich dealltwriaeth gadarn o bob elfen o feddyginiaethau, o'r gwyddorau sylfaenol i bolisi, yn darparu sgiliau ar gyfer cyfleoedd gyrfa amrywiol, gan gynnwys diwydiannau fferyllol a biotechnoleg mawr a bach, sefydliadau gofal iechyd ac ymchwil academaidd. Gydag Anrhydedd ail ddosbarth uwch, byddech yn gymwys i wneud cais am le ar gwrs Meddygaeth i Raddedigion ym mhob ysgol feddygol yn y DU bron iawn sy'n cynnig hyn. Ìý

Cewch eich addysgu yn Ysgol Gwyddorau Meddygol ac Iechyd Prifysgol Bangor gan academyddion sy'n ymchwilwyr blaenllaw yn eu meysydd. Bydd gennych fynediad i gyfleusterau labordy, darlithfeydd a seilwaith TG o'r radd flaenaf. Cyflwynir y cwrs gan ddefnyddio dull cyfunol, gan ddefnyddio dulliau addysgu wyneb yn wyneb a gwasgaredig. ÌýByddwch hefyd yn cael profiad ymarferol trwy leoliadau gwaith mewn amrywiaeth o leoliadau lleol. Bydd y rhain yn cynnwys, er enghraifft, cwmnïau sy'n ymwneud â gweithgynhyrchu meddyginiaethau, profion genetig a chynhyrchion gofal clwyfau, yn ogystal â chyfleusterau ymchwil clinigol. Trwy gydol y lleoliadau hyn byddwch yn cael eich mentora gan oruchwylwyr hyfforddedig.

Pam dewis Prifysgol Bangor ar gyfer y cwrs?

• Bydd y cwrs hwn yn fodd i fyfyrwyr ddatblygu, integreiddio a chymhwyso'ch gwybodaeth lle mae darganfyddiadau gwyddonol ac ymarfer clinigol yn cwrdd.
• Bydd myfyrwyr yn dod i ddeall pob agwedd ar feddyginiaethau, o'r gwyddorau sylfaenol i ddefnydd meddygol a pholisi fferyllol
• Mae'r radd yn cynnwys ystod eang o fodiwlau biofeddygol sy'n darparu sylfaen gynhwysfawr ar gyfer astudio sut mae cyffuriau'n gweithio
• Mae meysydd pwnc gan gynnwys ffarmaceconomeg ac asesu technoleg iechyd yn unigryw i Fangor
• Mae cyfle i wneud project ymchwil labordy, bwrdd gwaith neu leoliad, neu ddewis o blith detholiad o fodiwlau dewisol yn y flwyddyn olaf.

Opsiynau Cwrs Ychwanegol

Cyflwynir y radd gan ddefnyddio dulliau addysgu sy'n cynnwys darlithoedd, seminarau, tiwtorialau, sesiynau labordy, projectau unigol; a chynnwys cyfleoedd lleoliad gwaith mewn ystod o leoliadau lleol. Mae’r rhain yn cynnwys, er enghraifft, cwmnïau sy'n ymwneud â gweithgynhyrchu meddyginiaethau, yn ogystal â chyfleuster ymchwil clinigol y mae’r Gwasanaeth Iechyd Gwladol yn gyfrifol amdano. ÌýTrwy gydol y lleoliadau hyn caiff myfyrwyr eu mentora gan oruchwylwyr hyfforddedig.

Mae dulliau asesu yn sicrhau cydbwysedd ac amrywiaeth mewn dulliau, gan gynnwys arholiad lle nas gwelwyd y cwestiynau o’r blaen, traethodau, adroddiad ymarferol, prawf ymarferol, cyflwyniad poster, adolygu papur, cwestiynau amlddewis, myfyrio a meddwl beirniadol, ymarfer tiwtorial a thraethawd hir.

Beth fyddwch chi’n ei astudio ar y cwrs yma?

Mae'r radd hon mewn Ffarmacoleg yn ymdrin ag egwyddorion ffarmacoleg, canser a ffarmacoleg gardiofasgwlaidd, ffarmacogenomeg, ffarmaceconomeg, a llawer o feysydd pwnc eraill. Mae'r radd yn sicrhau perthnasedd clinigol, trwy roi pwys ar gymwysiadau meddygol, meddygaeth bersonol a diogelwch cyffuriau. Bydd myfyrwyr yn astudio sut gaiff cyffuriau eu darganfod a’u treialu mewn bodau dynol, a sut y cânt eu hasesu gan sefydliadau fel awdurdodau rheoleiddio a'r Sefydliad Cenedlaethol dros Ragoriaeth mewn Iechyd a Gofal.
Ìý

Gall myfyrwyr fanteisio ar gyfleusterau labordy, darlithfeydd a seilwaith TG o'r radd flaenaf.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth.Ìý

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hÅ·n sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hÅ·n. Am fwy o wybodaeth am astudio fel myfyriwr aeddfed, ewch iÌýadran Astudio ym Mangor.ÌýÌý

Fel arfer mae gan ffarmacolegwyr yrfaoedd yn y byd academaidd, y diwydiant fferyllol a biotechnoleg, a sefydliadau ymchwil contract, lle cânt eu cyflogi fel Gwyddonwyr, Cymdeithion Ymchwil Clinig. Maent hefyd yn ymwneud â darganfod a datblygu cyffuriau, trwyddedu meddyginiaethau, materion rheoleiddio, marchnata, cyfathrebu gwyddoniaeth, addysgu, ymgysylltu â'r cyhoedd a pholisi gwyddoniaeth.

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Gwobr Cyflogadwyedd Bangor (GCB)

Mae Gwobr Cyflogadwyedd Bangor yn gwrs ar-lein cynhwysfawr y gallwch ei wneud yn ôl eich cyflymder eich hun, gan fynd â chi trwy'r holl gamau y mae'n rhaid i chi eu cymryd i archwilio, paratoi a gwneud cais am eich gyrfa ddelfrydol.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.