Cynhadledd OR66 2024 – Brifysgol Bangor
Cyflwynodd Dr Chris Davies, aelod o grŵp diddordeb arbennig Dadansoddeg Data ac Arloesedd Ariannol y Sefydliad Cyllid Ewropeaidd (IEF), bapur yng nghynhadledd OR66 eleni a gynhaliwyd ym Mhrifysgol Bangor. Cymdeithas o fri yw’r Gymdeithas Ymchwil Weithredol ar gyfer ymchwilwyr gweithredol yn y Deyrnas Unedig, ac mae ganddi aelodau o'r byd academaidd a'r gymuned ymarferwyr.Â
Roedd y cyflwyniad yn canolbwyntio ar sut i drin cynhyrchion o fewn cyd-destun gweithgynhyrchu hybrid. Mae cynhyrchion yn cael eu trin fel pe baent un ai wedi eu gwneud i stoc neu wedi eu gwneud i archeb. Datblygodd y gwaith fethodoleg i benderfynu sut i drin pob cynnyrch, gan ddefnyddio rhagolygon. Bydd y system cefnogi penderfyniadau hon yn galluogi cynlluniwr cynhyrchu i greu amserlenni cynhyrchu trwy awgrymu sut i drin pob cynnyrch.Â
Cafodd y cyflwyniad groeso brwd, a chafwyd trafodaeth fywiog ar ei ôl, gyda rhai sylwadau da’n cael eu gwneud a allai ddatblygu’r gwaith ymhellach. Y gobaith yw y bydd y papur yn cael ei gyflwyno i gyfnodolyn academaidd y Gymdeithas Ymchwil Weithredol, sef the Journal of the Operational Society, yn ddiweddarach eleni.