Â鶹´«Ã½¸ßÇå°æ

Fy ngwlad:
Fy ngwlad:

Chwilio

Cau

Cronfa Caledi

Mae'r Brifysgol yn darparu cronfa galedi i gefnogi myfyrwyr i dalu am gostau hanfodol na ellid cynllunio ar eu cyfer. Mae Cronfeydd Caledi yn un o'r ffyrdd rydym yn cefnogi ein myfyrwyr ynghyd â'n Bwrsariaethau, benthyciadau byr dymor a'n grantiau argyfwng.

Er mwyn sicrhau ein bod yn dosbarthu'r arian yn deg, mae'n ofynnol i fyfyrwyr gwblhau proses ymgeisio sy'n asesu eich amgylchiadau unigol ar ffurf prawf modd. Gallwn eich helpu i lenwi'r ffurflen yn ogystal â darparu benthyciadau tymor byr neu grantiau argyfwng tra bo'r cais yn cael ei brosesau os oes angen hynny.

Sut i wneud cais

Mae'r gronfa ar gael i fyfyrwyr cofrestredig Prifysgol Bangor - israddedigion neu ôl-raddedigion sy'n astudio cyrsiau llawn neu ran-amser.

Gall myfyrwyr ymgeisio ar unrhyw adeg yn ystod y flwyddyn academaidd drwy gysylltu â cymorthariannol@bangor.ac.uk neu ´Ú´Úô²Ô: 01248 38 3566 / 3637

Bydd ein cynghorwyr yn trafod eich sefyllfa unigol ac yn gwneud yn siŵr mai cais i'r gronfa galedi yw'r opsiwn cywir i chi. Cyn i chi gyflwyno cais, gallwn eich helpu i sicrhau eich bod yn derbyn  cyllid myfyrwyr llawn ac unrhyw fwrsariaethau prifysgol Bangor, a nodi ffyrdd o leihau eich costau a rheoli eich cyllideb.

Bydd eich cais yn un sy'n cael ei ystyried ar brawf modd, felly mae'n hanfodol eich bod yn gweithio gyda ni i ddarparu manylion clir a chywir am eich holl incwm ac ymrwymiadau ariannol parhaus. Byddwn yn eich helpu i lenwi'r ffurflen yn drylwyr fel y gallwch rhoi’r  holl dystiolaeth angenrheidiol sydd ei hangen i'n galluogi i asesu eich cais yn gywir.

Cofiwch fod yna ffyrdd eraill y gallwn ni eich helpu gan gynnwys benthyciadau tymor byr, grantiau argyfwng a chyngor ariannol, felly ydych yn poeni am eich sefyllfa arinannol  gysylltwch  ar Uned Cymorth Ariannol : ebost: cymorthariannol@bangor.ac.uk.

Telerau ac Amodau'r Gronfa Caledi

Ein nod yw ymdrin â cheisiadau, eu trafod a rhoid gwybod i'r myfyrwyr am y penderfyniad o fewn 7 diwrnod gwaith i dderbyn cais gwreiddiol yn yr Uned Cymorth Ariannol neu y Swyddfa Cefnogi Myfyrwyr Rhyngwladol.
Mae dyfarnu arian o'r gronfa yn amodol ar fod fyfyriwr wedi cofrestru ac yn dilyn cwrs yma ym Mhrifysgol Bangor.
Telir grantiau trwy BACS i mewn i gyfrif banc myfyriwr 
Caiff myfyrwyr wybod am unrhyw benderfyniad trwy e-bost.

Dim ond staff yr Uned Cymorth Ariannol a'r Swyddfa Cefnogi Myfyrwyr Rhyngwladol fydd yn gweld y ceisiadau. Mewn rhai achosion efallai y bydd gofyn am wybodaeth ychwanegol gan staff eraill yn y Brifysgol er mwyn llwyddo i wneud y penderfyniad; yn yr achosion hynny, byddwn yn gofyn am eich caniâtad ymlaen llaw.

GDPR: Mae Prifysgol Bangor yn rheolydd data fel y'i diffinnir yn neddfwriaeth. Ni chaiff data personol a chategori arbennig eu defnyddio yn yr Uned at unrhyw ddibenion arall ar wahân i ddibenion ystadegol a chadw cofnodion electronig.

Mae gan bob ymgeisydd yr hawl i apelio os nad ydynt yn gwbl fodlon ynglŷn â chanlyniad eu cais. Fodd bynnag, nid ystyrir apeliadau oni cheir mwy o dystiolaeth o amgylchiadau personol myfyriwr.
Gall myfyrwyr ofyn am adolygiad yn y lle cyntaf, a dylent drefnu apwyntiad gyda’r Ymghynghorwr Myfyrwyr yn yr Uned Cymorth Ariannol neu Phennaeth Swyddfa Cefnogi Myfyrwyr Rhyngwladol i drafod unrhyw dystiolaeth ychwanegol.   
Os oes gennych unrhyw ymholiadau neu os oes arnoch angen cymorth, cysylltwch â:
Myfyrwyr o’r DU – cymorthariannol@bangor.ac.uk (´Ú´Úô²Ô: 01248 38 3566 / 3637)
Myfyrwyr rhyngwladol – internationalsupport@bangor.ac.ukÌý(´Ú´Úô²Ô 01248 382882 / 388070)