Â鶹´«Ã½¸ßÇå°æ

Mae Technoleg Ariannol (Fintech) yn sector sy’n tyfu’n gyflym, gyda nifer cynyddol o fusnesau’n mabwysiadu technolegau i wella a/neu awtomeiddio gwasanaethau ariannol. Rydym yn gweld datblygiad technolegau ariannol yn ddyddiol o ddefnyddio'ch ffôn fel mecanwaith talu i apiau sy'n caniatáu trafodion amser real. Mae galw cynyddol am raddedigion â sgiliau Fintech wrth i fusnesau ganolbwyntio mwyfwy ar y defnyddiwr a mabwysiadu datblygiadau technolegol pellach.

Mae Fintech yn parhau i darfu ar brosesau busnes traddodiadol ac mae cwmnïau'n chwilio am ffyrdd o addasu i'r newidiadau hyn. Mae astudio Bancio gyda  Thechnoleg Ariannol yn eich galluogi i edrych ar yr effaith y mae system ariannol fyd-eang yn ei chael ar unigolion, sefydliadau, marchnadoedd, yr economi ehangach a'r amgylchedd.

Mae busnesau yn chwilio fwyfwy am raddedigion sydd â sgiliau dadansoddi i'w helpu i wneud penderfyniadau gwybodus. Trwy astudio Bancio gyda Thechnoleg Ariannol ym Mhrifysgol Bangor byddwch yn meithrin dealltwriaeth fanwl o'r amgylchedd busnes o fewn cyd-destun byd go iawn. Mae'r cwrs hwn yn canolbwyntio ar ddatblygu sgiliau dadansoddi, ystadegol a chodio cryf sy'n golygu y byddwch yn graddio gyda chymhwyster sy'n berthnasol i'ch gyrfa. Byddwch yn dysgu sut mae sefydliadau ariannol yn gweithio'n ymarferol, yn ogystal â'r economeg sy'n sail iddynt.

Bydd y cwrs hwn mewn Bancio a Thechnoleg Ariannol yn eich helpu i ddeall sut mae marchnadoedd ariannol yn gweithio, sut mae cwmnïau gwasanaethau ariannol yn cael eu rheoli, a rôl technoleg ariannol wrth chwyldroi sut mae cwmnïau ariannol yn creu gwerth. Byddwn yn edrych ar y risgiau a'r heriau a gyflwynir gan strwythurau. Byddwch yn datblygu dealltwriaeth fanwl o fancio a chyllid ac yn meithrin sgiliau technegol a fydd yn eich paratoi am yrfa yn y sectorau ariannol a/neu dechnoleg.

Pam dewis astudio BSc Bancio gyda Thechnoleg Ariannol ym Mhrifysgol Bangor

• Rydym ni wedi cynllunio'r cwrs newydd hwn i ddiwallu anghenion y farchnad swyddi heddiw. Byddwch yn meithrin sgiliau ymarferol a pherthnasol sy'n gwneud graddedigion yn hynod gyflogadwy.
• Gall Prifysgol Bangor gynnig arlwy arbennig oherwydd ein cryfderau presennol mewn bancio a chyllid.
• Fel un o’r darparwyr dysgu bancio a chyllid hynaf yn y byd, mae gennym enw da aruthrol yn y maes gydag ymchwil academaidd flaenllaw. 
• Fel Ysgol Fusnes lai, rydym yn gallu cynnig mwy o fynediad ac amser i fyfyrwyr gyda staff academaidd na sefydliadau eraill.
• Mae ein labordy masnachu newydd yn rhoi’r cyfle i fyfyrwyr ddysgu mwy am y sector ariannol drwy efelychu marchnadoedd stoc yma ym Mhrifysgol Bangor.

Ar y cwrs hwn byddwch yn datblygu gwybodaeth a sgiliau arbenigol yn ymwneud â darparu a dadansoddi gwybodaeth at amrywiaeth o ddibenion gwneud penderfyniadau, atebolrwydd, rheolaethol, moesegol, rheoleiddiol a dyrannu adnoddau. Rhoddir pwyslais ar ddadansoddi a dehongli data. Byddwn yn edrych ar 'Ddata Mawr' a materion amlwg mewn diogelwch data, rheoli data a moeseg.

Byddwn yn edrych ar fanciau a'r farchnad arian yn ogystal â chyllid personol a bancio. Ymchwilio i sut mae banciau yn effeithio ar yr economi yn gyffredinol ac archwilio rôl cyfraddau llog a gweithrediadau marchnadoedd bondiau, marchnadoedd stoc a marchnadoedd cyfnewid tramor. Mae cyfle i ddysgu am chwyddiant, y sail resymegol dros reoleiddio banciau ac egwyddorion rheoli banciau. Canolbwyntir ar ddamcaniaeth bancio a sut i fesur, rheoli ac uchafu gwerth y banc a'i risgiau.

Gan adlewyrchu heriau'r byd go iawn, byddwch yn dysgu sut i ysgrifennu cod cyfrifiadurol i ddatrys problemau mewn busnes. Byddwch yn edrych ar sut i ymholi setiau data ac yn edrych ar algorithmau a modelau i ddod i gasgliadau. Gan ddefnyddio data marchnad efelychiedig a gwirioneddol byddwch yn cael profiad ymarferol o fuddsoddi yn y farchnad stoc trwy ein gweithdai efelychu.

Bydd cyfle i ymgymryd â phroject ymgynghorol a rhoddir ffocws arbennig i ddatblygu sgiliau a chyflogadwyedd. Nod y cwrs hwn yw adeiladu ymwybyddiaeth gadarn gan ddarparu profiadau ymarferol i helpu i symud ymlaen i gyflogaeth.

Sut byddwch yn dysgu?

Cewch eich dysgu trwy gyfuniad o ddarlithoedd, seminarau a thiwtorialau. Bydd cymysgedd o asesu parhaus ac arholiadau ysgrifenedig. Bydd disgwyl i fyfyrwyr gasglu a dadansoddi gwybodaeth o gronfeydd data masnachol a/neu ffynonellau ar-lein, paratoi projectau ymchwil, ysgrifennu traethodau, a chwblhau ymarferion datrys problemau sy'n cynnwys y defnydd o godio.

Beth fyddwch chi’n ei astudio ar y cwrs yma?

Ym Mlwyddyn 1, bydd myfyrwyr yn cymryd credydau o bynciau fel, Dadansoddeg Busnes, Codio Dadansoddeg Busnes, Rhaglenni Cronfeydd Data mewn Busnes a Chyllid, Darganfod Economeg, Technegau Ariannol a Dadansoddi a Chyllid Personol a Bancio.

Ym Mlwyddyn 2, bydd myfyrwyr yn cymryd credydau o bynciau fel, Dadansoddeg Busnes, Banciau a Marchnadoedd Ariannol, Bancio Canolog a Pholisi Ariannol, Gwyddor Data, Econometreg, Isadeiledd ar gyfer Dadansoddeg Data a Buddsoddi a Rheoli Portffolio.

Ym Mlwyddyn 3, bydd myfyrwyr yn cymryd credydau o bynciau fel, Econometreg Uwch, Dysgu Peirianyddol Cymhwysol, Rheoli Banciau, Project Ymgynghoriaeth, FinTech mewn bancio, cyllid, buddsoddi, yswiriant a rheoleiddio, a Bancio Rhyngwladol.

Sylwch mai syniad bras o gynnwys y cwrs yn unig a geir yma a gall newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth. 

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hÅ·n sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hÅ·n. Am fwy o wybodaeth am astudio fel myfyriwr aeddfed, ewch i adran Astudio ym Mangor.ÌýÌý

Ar ôl graddio, mae myfyrwyr yn cael y sgiliau a'r wybodaeth sydd eu hangen am yrfa lwyddiannus mewn diwydiant neu’r byd academaidd. Mae FinTech yn sector sy'n tyfu'n barhaus ac mae galw mawr am raddedigion â sgiliau yn y maes hwn. Mae'r cwrs hwn yn canolbwyntio ar ddarparu myfyrwyr gyda chymhwyster sy'n berthnasol i yrfa a bydd yn paratoi myfyrwyr â gwerthoedd proffesiynol a'r gallu i weithio mewn tîm yn ogystal â hunan-arweiniad.

Sgiliau y byddwch yn eu dysgu ar y cwrs hwn:

• gwybodaeth ariannol
• datrys problemau
• dadansoddi
• gwaith tîm
• codio.

Mae myfyrwyr fel rheol yn mynd ymlaen i yrfaoedd yn y sector ariannol, ond mae'r cwrs hwn yn darparu ystod well o sgiliau trosglwyddadwy, deallusol ac astudio a all arwain at yrfaoedd eraill mewn diwydiant. Mae rhai gyrfaoedd sy'n gysylltiedig â gradd mewn technoleg ariannol yn cynnwys, arbenigwr data, dadansoddwr ariannol neu fusnes, datblygwr ‘blockchain’, datblygwr apiau, arbenigwr seiberddiogelwch, peiriannydd/dadansoddwr dysgu peirianyddol ac arbenigwr risg a chydymffurfiaeth.

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Gwobr Cyflogadwyedd Bangor (GCB)

Mae Gwobr Cyflogadwyedd Bangor yn gwrs ar-lein cynhwysfawr y gallwch ei wneud yn ôl eich cyflymder eich hun, gan fynd â chi trwy'r holl gamau y mae'n rhaid i chi eu cymryd i archwilio, paratoi a gwneud cais am eich gyrfa ddelfrydol.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.