�鶹��ý�����

Rydym yn un o'r ychydig iawn o brifysgolion yn y DU sy'n cynnig amser i ymarfer ar lunio dyfeisiau amser mewn amgylchedd ystafell lân ac amser gweithredwr ar offer micro-beiriannu laser. Mae'r cwrs hwn yn dysgu gwybodaeth a sgiliau i raddedigion â sgiliau rhifedd ym maes nanodechnoleg a microwneuthuriad. Mae'r cwrs yn defnyddio dull ymdrochi i ddysgu egwyddorion ac arferion nanodechnoleg a microwneuthuriad gyda llawer o'r deunydd yn seiliedig ar enghreifftiau ac ymarferion ymarferol. Mae arholwyr allanol wedi nodi'r elfen ymarferol gref yn y project MSc ac yn y rhan hyfforddedig o'r cwrs, ac wedi canmol bod myfyrwyr ar y cwrs hwn yn gwneud projectau sylweddol yn yr ystafell lân.

Beth fyddwch chi’n ei astudio ar y cwrs yma?

Mae'r cwrs hwn yn dysgu gwybodaeth a sgiliau i raddedigion â sgiliau rhifedd ym maes nanodechnoleg a microwneuthuriad. Mae'r cwrs yn defnyddio dull ymdrochi i ddysgu egwyddorion ac arferion nanodechnoleg a microwneuthuriad gyda llawer o'r deunydd yn seiliedig ar enghreifftiau ac ymarferion ymarferol.

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Nanodechnoleg a Microgynhyrchu.

Mae cynnwys y cwrs wedi’i nodi i’ch arwain yn unig ac fe all newid.

Mae'r radd hon wedi'i hanelu at ymgeiswyr sydd wedi ennill gradd Anrhydedd mewn Peirianneg Electronig, Ffiseg neu ddisgyblaeth wyddonol gysylltiedig, ar lefel 2.i neu uwch neu'r hyn sy'n cyfateb yn rhyngwladol. Bydd ymgeiswyr sydd â graddau cyntaf mewn disgyblaethau eraill yn cael eu hystyried yn unigol, gyda'r asesiad yn seiliedig ar botensial yr ymgeisydd i lwyddo ar y cwrs ac elwa ohono.

Rhaid i ymgeiswyr o dramor hefyd ddangos medrusrwydd mewn Saesneg at lefel IELTS 6.5 yn gyffredinol a dim elfen islaw 6.0. Gellir dilyn cwrs cyn-sesiynol proffesiynol priodol ELCOS (Ysgol Saesneg Prifysgol Bangor) i gyflawni'r lefel iaith Saesneg ofynnol.

Bydd gan fyfyrwyr sy'n cwblhau'r cwrs hwn afael gadarn ar arferion a chyfeiriad presennol y maes cyffrous hwn a bydd ganddynt y wybodaeth a'r sgiliau i'ch galluogi i ddylunio ac adeiladu dyfeisiau ar raddfa ficro. Yn arbennig, bydd gennych sgiliau modelu rhifiadol cryf, gydag arbenigedd ym maes modelu amlffiseg sy'n datblygu. Mae'r sgiliau hyn yn berthnasol yn uniongyrchol yn y nifer cynyddol o ddiwydiannau sy'n defnyddio nanodechnoleg i ddylunio cynhyrchion a phrosesau newydd.

Mae graddedigion y cyrsiau hyn wedi mynd ymlaen i weithio mewn gwahanol ganghennau o'r diwydiant Electroneg, er enghraifft cwmnïau cyfathrebu optegol a thelathrebu, cyfleusterau ymchwil y llywodraeth fel GCHQ, a nifer o fentrau nanodechnoleg, o fusnesau newydd i gwmnïau rhyngwladol. Bydd rhai myfyrwyr MSc yn parhau gydag astudiaethau ôl-radd ar ôl graddio, gan fynd ymlaen i raglenni MPhil a Phd.