Rydym yn Gwerthfawrogi Hunaniaeth

Mae Prifysgol Bangor Mangor yn croesawu pob myfyriwr sy'n arddel hunaniaeth LHDTC+. Rydym yn anelu i ddarparu man diogel i chi fynegi eich cyfeiriadedd rhywiol ac/neu eich hunaniaeth rhywedd yn llawn. Rydym hefyd yn ymrwymo i hyrwyddo amgylchedd diogel a chefnogol lle na cheir unrhyw aflonyddu na gwahaniaethu. Rydym eisiau i fyfyrwyr LHDT+ gael y profiad gorau posib yn y brifysgol a mynegir hynny yn ein polisi Polisi Aflonyddu Myfyrwyr ac ein Polisi a Chanllawiau Cydraddoldeb Trawsryweddol i Fyrfyrwyr. Ewch i'n gwe-dudalen Rhannu a Chefnogaeth am ragor o wybodaeth.

Beth yw LHDTC+?

Mae LHDTC+ yn sefyll am Lesbiaidd, Hoyw, Deurywiol, Thrawsryweddol a Chwiar/Cwestiynu ac ynghyd â Heterorywiol maent yn disgrifio cyfeiriadedd rhywiol pobl neu eu hunaniaeth o ran rhywedd. Tra bod y termau hyn yn cael eu defnyddio'n gyffredin, nid yw pawb yn uniaethu ag unrhyw un o'r categorïau, felly mae Prifysgol Bangor yn cydnabod hawl yr unigolyn i ddewis ei hunaniaeth.

Cefnogaeth a Chyngor

Y Swyddog Cydraddoldeb ac Amrywiaeth

Mae Helen Munro, y Swyddog Cydraddoldeb ac Amrywiaeth yn cyswllt arbenigol canolog ar gyfer myfyrwyr LHDTC+ sydd angen cyngor, arweiniad neu gefnogaeth.

Ebost: h.munro@bangor.ac.uk

Y Gwasanaeth Lles

Mae'r Gwasanaeth Lles yn rhan o'r Gwasanaeth Cefnogaeth a Lles Myfyrwyr yn y Gwasanaethau Myfyrwyr. Mae'r gwasanaeth yn cynnig Cwnsela, Cyngor ar Iechyd Meddwl, Trais Rhywiol a Chefnogaeth Aflonyddu a chyngor ar faterion sy'n ymwneud a Chydraddoldeb ac Amrywiaeth Myfyrwyr.

Ebostiwch y gwasanaethlles@bangor.ac.uk i drefnu apwyntiad.

Cymerwch Ran

Cymdeithas LHDTC+ Undod Bangor

Mae gan y brifysgol gymdeithas LHDT+ weithgar sy'n cynnal gweithgareddau i myfywyr. Mae croeso i bawb ymuno, ni waeth beth yw eich cyfeiriadedd rhywiol na sut rydych yn mynegi eich rhywedd a'u nod yw darparu amgylchedd diogel a chroesawgar i aelodau'r gymuned LHDT+. Cadwch lygad allan am ddigwyddiadau a'r ymgyrchoedd a dysgu mwy ar wefan Undeb Bangor.

Gwylio , ffilm fer am ei phrofiad yn dod allan i'w ffrindiau a’i theulu ac yna'n dod i Brifysgol Bangor ac yn ymuno â'r gymdeithas LHDTC+.

Rhwydwaith LHDTC+

Sefydlwyd yn agored i unrhyw un sy’n gweithio ym Mhrifysgol Bangor ac unrhyw fyfyrwyr ôl-raddedig sy’n nodi eu bod yn lesbiaidd, hoyw, bi, traws, queer neu holi, ynghyd â ffrindiau a chynghreiriaid ein cymuned.

Cyngor Undeb Bangor - Cynghorwr Myfyrwyr LHDT+ a Chynghorwr Myfyrwyr Trawsryweddol

yw'r corff o fewn sy'n bodoli i drafod syniadau'n ymwneud â'i bolisïau, ymgyrchoedd a gweithgaredd gwleidyddol, syniadau'n ymwneud â'i gyfleoedd neu i ddatblygu profiad myfyrwyr ym Mangor.  Mae'n fforwm hefyd lle gall myfyrwyr Bangor ddal eu swyddogion undeb etholedig a'u cynghorwyr i gyfrif. 

Mae'r Cyngor yn cynnwys aelodau o blith y myfyrwyr sy'n cyflawni nifer o swyddogaethau arbenigol, yn cynnwys Cynghorwr Myfyrwyr LHDT+ a Chynghorwr Myfyrwyr Trawsryweddol.  Os oes gennych ddiddordeb dod yn Gynghorwr yn Undeb Bangor, yna cysylltwch a undeb@undebbangor.com

Adnoddau

Termau cyffredin

Lesbiaidd - Gellir ei ddefnyddio i ddisgrifio rhywun sy'n hunan-ddiffinio fel merch ac sy'n teimlo atyniad rhywiol a/neu ramantaidd at eraill sy'n hunan-ddiffinio fel merch.

Hoyw - Gellir ei ddefnyddio i ddisgrifio rhywun sy'n hunan-ddiffinio fel dyn ac sy'n teimlo atyniad rhywiol a/neu ramantaidd at eraill sy'n hunan-ddiffinio fel dyn.

Deurywiol - Gellir ei ddefnyddio i ddisgrifio rhywun sy'n teimlo atyniad rhywiol a/neu ramantaidd at ddynion a merched.

Trawsryweddol - Gellir ei ddefnyddio i ddisgrifio rhywun nad yw'n hunan-ddiffinio â'r rhyw a bennwyd iddo/iddi ar enedigaeth neu nad yw'n uniaethu â chategorïau deuaidd gwryw a benyw.

Hunaniaeth o ran Rhywedd - yn cyfeirio at a yw rhywun yn teimlo eu bod yn wryw, yn fenyw, neu'n peidio ag uniaethu â chategorïau deuaidd rhyw (ni waeth pa rywedd a bennwyd iddo/iddi adeg eu geni).

Mae gan yr nifer o adnoddau gan gynnwys astudiaethau achos o brofiadau myfyrwyr Trawsryweddol.

Mae yn cynnig ymyrraeth mewn argyfyngau ac yn ceisio atal hunanladdiadau ymysg pobl ifanc LHDT+.

Mae yn darparu gwybodaeth bellach ac adnoddau ar-lein defnyddiol ynglŷn â rhywioldeb a hunaniaeth o ran rhywedd.

Mae (Gender Identity Research and Education Society) yn darparu gwybodaeth ar gyfer y gymuned Drawsrywiol gan gynnwys nifer o lyfrynnau addysgiadol.

Efallai y bydd y diagram hwn o'r wefan yn eich helpu i ddeall rhywedd.