Â鶹´«Ã½¸ßÇå°æ

Cafodd y radd hon ei datblygu'n benodol i'r rhai sydd â’u bryd ar yrfa ym maes Therapi Iaith a Lleferydd (SLT) yn y dyfodol. Er nad yw’r radd yn rhoi cymhwyster Therapi Iaith a Lleferydd i chi, nod ac amcanion y cwrs israddedig hwn yw helpu adeiladu sylfaen gref ar gyfer astudiaeth ôl-radd bellach er mwyn gallu cymhwyso fel therapydd iaith a lleferydd. Byddwch yn dod i ddeall sut mae Saesneg yn gweithio, pam a sut mae'n cael ei defnyddio, ac o ble y daeth. Byddwch hefyd yn datblygu gwybodaeth helaeth am ieithyddiaeth Saesneg a meysydd theori ieithyddol gyffredinol sy'n sylfaen i astudio’r maes.

O astudio Iaith Saesneg ar gyfer Therapi Iaith a Lleferydd, byddwch yn dysgu sut mae’r Saesneg yn gweithio yn ogystal ag agweddau perthnasol ar ieithyddiaeth megis: strwythur gramadegol (e.e. trefn geiriau, seiniau, ystyr); hanes y Saesneg; tafodieithoedd ac amrywiad cymdeithasol; agweddau cymdeithasol, addysgol a diwylliannol; Saesneg byd-eang, a mwy. Byddwch yn edrych ar y ffordd y newidiodd Saesneg dros y canrifoedd, ac yn ystyried beth fydd yn digwydd i’r iaith yn y dyfodol, cymharu defnydd y Saesneg mewn gwahanol rannau o'r byd, ac ystyried agweddau ymarferol pwysig ar y Saesneg fel y cannoedd o filiynau o bobl ledled y byd sy’n dysgu Saesneg fel iaith ychwanegol neu iaith dramor.

Yn ogystal, byddwch yn astudio pynciau a fydd yn rhoi sylfaen addas i chi ddilyn gyrfa mewn therapi lleferydd ar ôl i chi raddio, gan gynnwys hyfforddiant cynhwysfawr mewn ffoneteg a gwyddorau lleferydd, agweddau ar seicoleg wybyddol a datblygiadol, ac ystyriaethau o'r dulliau, y technegau a’r materion sy'n berthnasol i therapi iaith a lleferydd.

Pam dewis Prifysgol Bangor ar gyfer y cwrs?

• Cewch sylfaen gref a dealltwriaeth wyddonol o strwythur a defnydd iaith, ffoneteg a gwyddorau lleferydd, seicoleg (lle mae iaith yn y cwestiwn), y berthynas rhwng iaith a chymdeithas (sosioieithyddiaeth) a modiwl rhagarweiniol yn y drydedd flwyddyn ynglÅ·n ag egwyddorion therapi lleferydd ac iaith.Ìý
• Rydym yn adran fywiog, hygyrch a chyfeillgar ac mae’r staff Ìýwedi ymrwymo i addysgu o ansawdd uchel, profiad rhagorol i fyfyrwyr, cefnogaeth fugeiliol gref, ac integreiddio ymchwil a phynciau blaengar cyfredol yn eich darlithoedd trwy gydol eich astudiaethau. ÌýRydym hefyd yn ymroddedig i sicrhau bod ein myfyrwyr Iaith Saesneg ar gyfer Therapi Lleferydd ac Iaith yn datblygu sgiliau rhagorol mewn meddwl yn feirniadol, dadansoddi data, cyflwyno ac ymchwil annibynnol i wella eu cyflogadwyedd ar ôl graddio.
• Mae’r staff addysgu’n ymchwilwyr gweithgar mewn amryw o feysydd damcaniaethol a chymhwysol sy'n ymwneud ag Ieithyddiaeth, Ieithyddiaeth Gymhwysol ac Iaith Saesneg - mae gan lawer enw da’n rhyngwladol yn y maes.
• Mae gennym gyfleusterau dysgu o’r radd flaenaf gan gynnwys stiwdio sain / recordio o safon broffesiynol (ein labordy Lleferydd), labordy tracio llygaid, a labordy potensial digwyddiad-berthynol (ERP) a chyfleuster adnoddau ieithyddiaeth gorpws. Mae gennym hefyd offer sain a fideo at waith maes. Mae’r cyfleusterau hefyd yn cynnwys casgliad helaeth o lyfrau ar Ieithyddiaeth ac Iaith Saesneg a llyfrgell iaith a gynhelir gan gymdeithas y myfyrwyr israddedig - Cymdeithas Ieithyddiaeth Bangor (BLS).

Opsiynau Cwrs Ychwanegol

Caiff y cwrs hwn ei ddysgu trwy gyfuniad o ddarlithoedd, sesiynau tiwtorial a/neu seminarau, yn dibynnu ar y modiwl, y lefel a’r pwnc. Byddwch yn dewis 120 credyd o fodiwlau bob blwyddyn yn ymwneud ag Iaith Saesneg, gan gynnwys rhai modiwlau o'r tu allan i'r pwnc hwn sy'n berthnasol i seicoleg iaith a therapi lleferydd. Byddwch yn dechrau trwy ddysgu'r wybodaeth a'r sgiliau sylfaenol sy'n ofynnol i astudio yn y meysydd hyn, cyn gallu dewis yn ddiweddarach y meysydd, cyfnodau a/neu ddisgyblaethau yr hoffech arbenigo ynddynt. Asesir modiwlau ar sail gwahanol fathau o waith cwrs, yn cynnwys traethodau, adroddiadau, cyflwyniadau llafar, profion, arholiadau, dadansoddiad data, ac ati. Byddwch yn ysgrifennu traethawd hir yn eich blwyddyn olaf, sef project gwreiddiol dan oruchwyliaeth aelod o staff academaidd sy’n weithgar ym maes ymchwil.Ìý

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Iaith Saesneg ar gyfer Therapi Iaith a Lleferydd BA (Anrh).

Mae cynnwys y cwrs wedi’i nodi i’ch arwain yn unig ac fe all newid.

• Mae gennym Labordy Ieithyddiaeth lle gall ymchwilwyr gasglu data iaith mewn bwth gwrthsain a defnyddio meddalwedd sain o'r radd flaenaf.
• Mae gan Gymdeithas Ieithyddiaeth Bangor ei hystafell a'i llyfrgell gyffredin ei hun, sy'n llawn adnoddau i fyfyrwyr Ieithyddiaeth ac Iaith Saesneg eu defnyddio.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth.Ìý

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hÅ·n sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hÅ·n. Am fwy o wybodaeth am astudio fel myfyriwr aeddfed, ewch iÌýadran Astudio ym Mangor.ÌýÌý

Mae myfyriwr graddedig o'r cwrs hwn yn debygol o fod eisiau dilyn gyrfa fel therapydd iaith a lleferydd, ac mae'r cwrs hwn yn darparu sylfaen ragorol ar gyfer y llwybr hwnnw. Fodd bynnag, mae'r rhan fwyaf o gefndiroedd yn elwa o gael arbenigwyr iaith a/neu lenyddiaeth ar eu tîm, ac os ydych chi'n graddio o'r cwrs hwn bydd gennych y wybodaeth a'r sgiliau sydd eu hangen i fynd i feysydd fel y cyfryngau, cyfieithu, dehongli, cyhoeddi, addysgu, gwasanaeth sifil, gwaith cymunedol (ee yn gysylltiedig â pholisi ac ymgysylltu iaith), llyfrgellyddiaeth, ac ati. Mewn rhai achosion bydd angen hyfforddiant a chymwysterau pellach y tu hwnt i'r hyn y mae'r cwrs hwn yn ei ddarparu, ac os ydych am ddilyn gyrfa mewn therapi iaith a lleferydd Ìýyna mae cymhwyster Meistr mewn therapi iaith a lleferydd yn gam nesaf rhesymegol. Mae gyrfa mewn ymchwil iaith hefyd yn opsiwn, fel y mae astudiaeth ôl-radd yn y maes hwn neu feysydd cysylltiedig.

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiynauÌý'gyda Blwyddyn Sylfaen' ar gael ar gyfer y cwrs hwn. Gwnewch gais am Iaith Saesneg a Llenyddiaeth SaesnegÌý(gyda Blwyddyn Sylfaen)Ìý