Â鶹´«Ã½¸ßÇå°æ

Mae astudio Ieithyddiaeth a'r Iaith Saesneg yn rhoi gwybodaeth gynhwysfawr ac integredig i chi ddeall tarddiad a natur iaith(ieithoedd). Byddwch yn dysgu sut mae ieithoedd yn datblygu, sut maen nhw'n newid, sut cânt eu mynegi, a sut maen nhw'n amrywio ymhlith pobl, mewn cymunedau, rhwng dinasoedd, o fewn gwledydd ac o gwmpas y byd.

Yn ystod eu graddau, bydd y myfyrwyr yn ennill amrywiol sgiliau cyflogadwyedd gwerthfawr megis trin a dadansoddi data, meddwl yn ddadansoddol ac yn feirniadol, rheoli project ac amser, ynghyd â'r gallu i weithio'n annibynnol, gyda goruchwylydd ac fel rhan o dîm.

Caiff y modiwlau eu dysgu gan arbenigwyr mewn nifer o feysydd a gan ddibynnu ar eich projectau a’ch diddordebau, cewch wneud defnydd o bedwar labordy ymchwil o’r radd flaenaf. Yn yn labordai mae cyfarpar tracio llygaid, ERP (mesur tonnau niwroffisiolegol / yr ymennydd), recordio sain i safon broffesiynol, corpora, ac uwch offer fideo / cipio symudiadau.

Bydd eich project ym mlwyddyn 3 yn eich galluogi i ymchwilio i faes o'ch dewis. Beth bynnag fo'ch uchelgeisiau a'ch nodau ar ôl graddio, mae'r project yn ffordd wych o wella cyflogadwyedd a dechrau canolbwyntio ar eich maes diddordeb.

Mae’r darlithoedd a’r seminarau llai o faint, a'r gefnogaeth academaidd a bugeiliol ardderchog, yn cynnig profiad dysgu personol a gwerth chweil.

Mae ein lleoliad hefyd yn berffaith ar gyfer astudio Ieithyddiaeth ac Iaith Saesneg. Dyma’r rhan fwyaf dwyieithog o’r Deyrnas Unedig a byddwch yn ymuno â chymuned lle mae dwyieithrwydd yn fyw ac yn ffynnu. Mae byw mewn cymuned o'r fath yn darparu profiad dysgu heb ei ail yma yn y Deyrnas Unedig.