�鶹��ý�����

Mae'r Swyddfa Datblygu a Chysylltiadau Cyn-fyfyrwyr yn cynnal ymgyrch Telethon Cronfa Bangor bob blwyddyn yn y gwanwyn a’r hydref, am bedair wythnos o nosweithiau Sul hyd nosweithiau Iau.

Yn ystod yr ymgyrchoedd hyn, bydd ein tîm o fyfyrwyr yn ffonio cyn-fyfyrwyr i gadw mewn cysylltiad â nhw, hel atgofion ac er mwyn iddyn nhw fedru cefnogi eu hen brifysgol.

Fel rhan o gymuned y cyn-fyfyrwyr fe gewch alwad ffôn gan un o’n myfyrwyr a fydd yn sgwrsio â chi am eich cyfnod ym Mangor ac am Gronfa Bangor.

Nod Cronfa Bangor yw cefnogi cymaint o brojectau â phosib a galluogi’r brifysgol i ychwanegu rhagoriaeth neu “rywbeth ychwanegol” at brofiad y myfyrwyr.

Yn ddiweddar cwblhaodd ein tîm o fyfyrwyr ein hymgyrchoedd telethon hydref yn ddeweddar gyda chanlyniadau gwych. Mae ein cyn-fyfyrwyr gwych wedi addo rhoi £74,000 pellach i Gronfa Bangor dros y pum mlynedd nesaf.��Bydd y rhoddion hyn yn caniatáu i Gronfa Bangor ddarparu bwrsariaethau, teithiau maes, gweithgareddau llesiant, cyfleoedd chwaraeon a gwasanaethau ychwanegol, ac mae hyn i gyd yn gwneud gwahaniaeth aruthrol!

Dywedodd Persida Chung, Swyddog Datblygu, “Eleni, wrth i’r Brifysgol dathlu cant a deugain o flynyddoedd ers ei sefydlu, byddwn yn canolbwyntio ar greu ystod o Ysgoloriaethau 140 Mlynedd. Nod yr ysgoloriaethau hyn yw sicrhau y gall myfyrwyr o bob cefndir ariannol astudio ym Mangor. Ein nod yw cefnogi cenhedlaeth newydd o fyfyrwyr Bangor drwy'r fenter hon.”

Dyma rai o’r mentrau a gefnogir gan Gronfa Bangor y flwyddyn academaidd hon:

• Chwaraeon Bangor: Prynu llochesi symudol i'w defnyddio gan glybiau chwaraeon myfyrwyr a chymunedol

• Yr Ysgol Cyfrifiadureg a Pheirianneg: Cyfrannu at wobrau Hyfforddiant Arweinyddiaeth Arloesi Prifysgol Bangor (BUILT)

• Undeb y Myfyrwyr: Darparu gweithgareddau llesiant grŵp i fyfyrwyr ac arweinwyr myfyrwyr

• Ysgol Gwyddorau'r Eigion: Adluniad o'r peiriant rhagfynegi tonnau a ddyluniwyd gan Jack Darbyshire, a oedd yn fyfyriwr ym Mangor,��

• Ysgol Gwyddorau Amgylcheddol a Naturiol: Bwrsariaethau i fyfyrwyr Coedwigaeth deithio i'r Almaen

• Ysgol Gwyddorau Amgylcheddol a Naturiol: Modelau anatomegol ar gyfer myfyrwyr Sŵoleg

• Undeb y Myfyrwyr: Helpu’r Clwb Cychod i brynu dau gwch rhwyfo newydd

• Ysgol Gwyddorau'r Eigion: Project acwariwm��

• Archifau a Chasgliadau Arbennig Project Diogelu Hanes Pensaernïol

• ⁠Ysgol Iaith, Diwylliant a’r Celfyddydau Cyfraniad at gynhyrchu'r gyfrol Cofion: Bywyd John Ellis

• ⁠Ysgol Iaith, Diwylliant a’r Celfyddydau Project Llunio Hunaniaeth Leol a Chenedlaethol yng Nghymru

• Yr Adran Cerddoriaeth, Drama a Pherfformio Gweithdai cyfansoddi gyda Sinfonia Cymru ac Ensemble Canolfan Gerdd Williams Mathias

• Ysgol Gwyddorau'r Eigion: Creigiau Bywyd Gwyllt – bwrdd arddangos dwyieithog ar gyfer digwyddiadau cyhoeddus yr Ysgol

• Undeb y Myfyrwyr: Cynhyrchu llyfr i ddathlu pen-blwydd UMCB yn 50 oed yn 2026

��

I wybod mwy am yr ymgyrch delethon, cysylltwch â Persida.

Diolch i bawb ohonoch sy'n rhoi!