Â鶹´«Ã½¸ßÇå°æ

Mae astudio cerddoriaeth yn miniogi'r cof ac mae'n eich arfogi â sgiliau cerddorol proffesiynol sy'n addas at nifer o yrfaoedd. Byddwch yn tyfu fel cerddor, o dan law cyfansoddwyr, arweinwyr, cerddolegwyr ac ymchwilwyr byd-enwog. Byddwch yn rhan o gymuned gerddorol fywiog, byddwch yn perfformio neu'n mwynhau perfformiadau mewn mannau cyhoeddus. Bydd eich profiad cerddorol yn ymestyn y tu hwnt i'r ddarlithfa a bydd cyfleoedd i ymuno â Cherddorfa Symffoni’r Brifysgol, Côr Siambr ac amryw o gymdeithasau cerddorol eraill y myfyrwyr.

Mae Astudio Cerddoriaeth yn gyfle creadigol i dyfu fel cerddor, a hynny o dan arweiniad cyfansoddwyr, arweinwyr, cerddolegwyr ac ymchwilwyr byd-enwog. Mae gennym draddodiad maith o ragoriaeth academaidd ac mae ein cyrsiau'n unigryw o ran amrywiaeth y dewis sydd ar gael.  Anelwn at roi'r gallu i'n graddedigion fod yn arweinwyr cenedlaethol a rhyngwladol yn eu meysydd. Mae ein dull o ddysgu Cerddoriaeth yn seiliedig ar ymarfer ac mae'n rhoi cyfle i berfformio cyfansoddiadau'r myfyrwyr, a rhyngweithio rhwng cerddoriaeth fyw ac electroneg, a pherfformio hanesyddol ei naws sy'n deillio o'n gweithgareddau cerddolegol.  Byddwch yn creu ac yn astudio cerddoriaeth gyda cherddorion, cyfansoddwyr a cherddolegwyr ifanc o'r un anian, ac yn miniogi eich crefft ac yn archwilio'r maes. Mae cyfle hefyd i chi ddewis modiwlau mewn pynciau eraill, ac ehangu eich profiad addysgol a'ch rhagolygon gyrfa. Yn eich blwyddyn olaf, cewch gyfle i ddilyn arbenigedd o'ch dewis chi, gan ymestyn eich galluoedd a'ch profi'ch hun.

Byddwch yn rhan o gymuned gerddoriaeth fywiog, naill ai’n perfformio neu'n mynychu perfformiadau mewn mannau cyhoeddus fel Pontio neu Neuadd odidog Prichard Jones. Bydd eich profiad cerddorol yn ymestyn y tu hwnt i'r ddarlithfa a bydd cyfleoedd i ymuno â Cherddorfa Symffoni’r Brifysgol, Côr Siambr ac amryw o gymdeithasau cerddorol eraill y myfyrwyr, megis Opera, Band Cyngerdd, Troelli Recordiau, Theatr Gerdd a Cherddorfa Linynnol.  Mae astudio cerddoriaeth yn miniogi'r cof, mae’n anogaeth i waith tîm, mae’n gyfle i fod yn greadigol ac mae’n eich arfogi â sgiliau cerddorol proffesiynol sy'n addas at amryw o yrfaoedd.

Mae'r cwrs BA Cerddoriaeth yn cynnwys modiwlau dewisol o blith pynciau eraill, ac mae'r cwrs BMus yn cynnwys modiwlau cerddoriaeth yn unig.

Pam dewis Bangor?

• Rydym yn cynnig dewis amrywiol sy'n fodd i chi lunio'ch cwrs yn ôl eich diddordebau a'ch cryfderau.
• Cynigir Ysgoloriaethau Perfformio Cerddoriaeth i'r offerynwyr a/neu'r cantorion mwyaf addawol.
• Mae yma gymuned ddeinamig o ran creu cerddoriaeth: corau, cerddorfeydd, bandiau, ensembles y myfyrwyr a mwy.
• Dau adeilad Cerddoriaeth pwrpasol, dwy neuadd gyngerdd broffesiynol, ystafell ymarfer gwrthsain, pedair stiwdio electroacwstig o'r radd flaenaf, canolfan celfyddydau Pontio.

Opsiynau Cwrs Ychwanegol

Mae rhaglen gradd Gerddoriaeth Bangor yn hyblyg - byddwch chi'n siapio'ch cwrs gradd yn ôl eich diddordebau a'ch cryfderau. Byddwch yn dechrau astudio cerddoriaeth yn ei holl agweddau, trwy theori ac ymarfer cerddorol gan gynnwys polyffoni moddol a chyfansoddi electroacwstig, a phob genre arall dan haul. Byddwch yn defnyddio'r fframwaith eang hwnnw’n fan cychwyn i ddatblygu eich arbenigedd eich hun mewn un o nifer o feysydd megis cerddoleg, perfformio neu gyfansoddi, gan gynnwys cerddoriaeth yr 20fed ganrif, golygu cerddoriaeth, perfformio clasurol neu boblogaidd, cerddoriaeth ym maes iechyd a lles, a phob arddull gyfansoddi. Mae gennych hefyd yr opsiwn i ddilyn astudiaethau mewn pynciau eraill fel rhan o'ch gradd, neu ganolbwyntio'n llwyr ar gerddoriaeth.

Mae llawer o’r addysgu’n digwydd mewn grwpiau bach, a’r awyrgylch dysgu’n ysgogol ac yn gynhaliol. Bydd gennych tua 12 awr o ddarlithoedd, seminarau a thiwtorialau bob wythnos. Dysgir Perfformio Unigol trwy gyfuniad arloesol o hyfforddiant unigol, gweithdai a dosbarthiadau meistr. Yn ogystal, byddwch yn treulio amser ar ddarllen cefndirol, gwrando ar gerddoriaeth, cwblhau traethodau a gwaith cwrs a pharatoi at seminarau yn ogystal ag ymarfer a pherfformio mewn ensembles, corau a cherddorfeydd. Gall sawl modiwl gynnwys teithiau maes, er enghraifft i gyngherddau, archifau, stiwdios recordio a gweithdai cyfansoddi. Mae gennym gysylltiadau rhagorol â sefydliadau blaenllaw yn y Deyrnas Unedig, gan gynnwys Cerddorfa Genedlaethol Cymru'r BBC (y mae gennym weithdy cyfansoddi blynyddol gyda nhw), Cerddorfa Ffilharmonig Frenhinol Lerpwl, Sinfonietta Llundain, Sain (Recordiau) yn y blaen. Mae eraill yn cynnwys lleoliadau byr y tu allan i'r Brifysgol (er enghraifft, modiwl Lleoli'r Celfyddydau Cymunedol). Byddwch hefyd yn treulio naill ai traean neu ddwy ran o dair o'ch blwyddyn olaf yn gweithio ar brosiectau cerddoriaeth annibynnol o dan oruchwyliaeth.

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Cerddoriaeth BA (Anrh).

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth. 

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hÅ·n sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hÅ·n. Am fwy o wybodaeth am astudio fel myfyriwr aeddfed, ewch i adran Astudio ym Mangor.ÌýÌý

Mae gradd mewn Cerddoriaeth yn cynnig rhagolygon gwych o ran cyflogaeth a bydd y sgiliau a ddatblygwch yn fodd ichi ragori mewn amryw o yrfaoedd cerddorol. Yn ogystal â gweithio fel cyfansoddwyr, perfformwyr, cyfansoddwyr caneuon, golygyddion, telynegwyr ac arweinwyr, mae llawer o'n graddedigion yn gweithio gyda cherddorfeydd, tai opera, neu ganolfannau’r celfyddydau fel cyfarwyddwyr cerdd, cydlynwyr creadigol, neu weinyddwyr. Mae galw mawr am raddedigion cerddoriaeth bob amser yn y cyfryngau a chyda chwmnïau recordio, yn dechnegwyr, yn gynhyrchwyr, yn gynllunwyr rhaglenni ac yn ysgrifenwyr. Ymhlith y gyrfaoedd posibl eraill mae newyddiaduraeth arbenigol mewn cerddoriaeth, cyhoeddi cerddoriaeth, llyfrgellyddiaeth gerdd a marchnata’r celfyddydau. Mae nifer o'n graddedigion wedi mynd yn academyddion, yn gyfansoddwyr ac yn berfformwyr o fri, ac eraill yn athrawon, ar bob lefel o addysg (gan gynnwys y brifysgol).

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn ‘gyda Blwyddyn Sylfaen’ ar gael ar gyfer y cwrs hwn. Gwnewch gais am Cerddoriaeth (gyda Blwyddyn Sylfaen).