Â鶹´«Ã½¸ßÇå°æ

Cyfunwch eich angerdd am y gorffennol gyda'r cyfle creadigol i dyfu fel cerddor. Mae’r cwrs yn cynnig amrywiaeth eang o ddewisiadau, sy'n eich galluogi i lunio'ch cwrs i adlewyrchu eich diddordebau a'ch cryfderau. Gall astudiaeth hanesyddol rychwantu'r cyfnod Neolithig hyd at y gorffennol diweddar. Mae opsiynau cerddoriaeth yn ymwneud â chyfansoddi, cerddoleg a pherfformiad. Byddwch yn datblygu sgiliau ymarferol a throsglwyddadwy sy'n cael eu gwerthfawrogi'n fawr gan gyflogwyr, yn darparu paratoad rhagorol ar gyfer amrywiaeth o yrfaoedd yn y dyfodol.

Pam dewis Prifysgol Bangor ar gyfer y cwrs?

• Enw da addysgu rhagorol: yn cyfuno technolegau newydd, cynllunio cyrsiau arloesol ac addysgu mewn grwpiau bach.
• Gyda safleoedd hanesyddol ar garreg y drws, mae'r ardal leol yn adnodd addysgu gwych ac yn lleoliad gwych ar gyfer astudio.
• Cymuned creu cerddoriaeth ddeinamig: corau, cerddorfeydd, bandiau, ensembles myfyrwyr.
• Mae Ysgoloriaethau Perfformio Cerdd ar gael i'r offerynwyr a/neu'r cantorion mwyaf addawol.
• Cyfleusterau Cerdd pwrpasol, neuaddau cyngerdd proffesiynol, ystafell ymarfer gwrthsain, pedair stiwdio electroacwstig o'r radd flaenaf.
• Mae’r ardal leol yn llawn hanes (gan gynnwys  ac yn darparu adnodd ar gyfer gwaith maes a lleoliad gwych i astudio.

Opsiynau Cwrs Ychwanegol

Yn ystod eich gradd byddwch yn dysgu drwy amrywiaeth o ddosbarthiadau bach ar ffurf grŵp seminar, teithiau maes, gweithdai ymarferol, hyfforddiant un-i-un, a darlithoedd ar gyfer rhwng 10 a 50 o fyfyrwyr. Mae safleoedd hanesyddol a safleoedd treftadaeth byd allweddol i’w cael yma, ac mae ein lleoliad yn golygu y bydd gennych fynediad at adnoddau cyfoethog o ran safleoedd treftadaeth, henebion ac amgueddfeydd lleol. Ymhlith yr adnoddau hynny mae tomenni claddu cynhanesyddol, plastai urddasol a chestyll, ac maent yn rhan annatod o'r cwrs gan ein bod yn eu defnyddio fel rhan o'r addysgu trwy gynnal teithiau maes, gweithdai ymarferol a chynnig profiadau cloddio. Mae sawl modiwl Cerddoriaeth yn cynnwys teithiau maes, er enghraifft, i gyngherddau, cwmnïau recordio a chyhoeddwyr cerddoriaeth.

Ym mlwyddyn gyntaf eich gradd Hanes byddwch yn dewis o ddetholiad o fodiwlau a fwriedir i roi blas i chi o’r radd yn ei chyfanrwydd. Yn yr ail a'r drydedd flwyddyn bydd gennych ddewis eang o fodiwlau mwy arbenigol a thematig lle rhoddir ystyriaeth fanwl i ffynonellau gwreiddiol. Bydd hyn yn eich galluogi i deilwra eich gradd o amgylch eich diddordebau eich hun. Byddwch hefyd yn ymchwilio ac ysgrifennu traethawd hir ar bwnc o'ch dewis ym Mlwyddyn 3. 

Ochr yn ochr ag addysgu yn yr ystafell ddosbarth a gweithgareddau maes, byddwch hefyd yn elwa ar amrywiaeth o weithgareddau academaidd a chymdeithasol eraill yn y ddwy Ysgol. Gall hyn gynnwys ymarfer a pherfformio mewn ensembles, corau a cherddorfeydd, cyfrannu at gynadleddau myfyrwyr a chyfnodolyn Hanes, cwisiau ac achlysuron cymdeithasol, teithiau a sgyrsiau dan arweiniad myfyrwyr a drefnir gan yr Ysgol. Mae ein myfyrwyr hefyd yn gallu elwa o gynlluniau'r Brifysgol megis 'Ieithoedd i Bawb' a 'Chymraeg i Oedolion' (sef dosbarthiadau ieithoedd am ddim mewn Ffrangeg, Almaeneg, Eidaleg, Tsieinëeg Mandarin, Sbaeneg a Chymraeg) a chynlluniau'r Ganolfan Sgiliau Astudio.

Pan na fyddwch yn gwneud hynny byddwch yn paratoi ar gyfer seminarau, yn gwneud ymchwil ac yn cwblhau aseiniadau. Asesir y cwrs trwy gymysgedd o draethodau, projectau, cyflwyniadau, perfformiadau ac arholiadau.  Mae'r traethawd hir yn rhan bwysig o'r asesiad terfynol. Trwy gydol y cwrs fe'ch cefnogir gan staff addysgu arbenigol a brwdfrydig.

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Hanes a Cherddoriaeth.

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth. 

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hÅ·n sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hÅ·n. Am fwy o wybodaeth am astudio fel myfyriwr aeddfed, ewch i adran Astudio ym Mangor.ÌýÌý

Tra bydd nifer o raddedigion yn dilyn gyrfa ym maes cerddoriaeth neu hanes a threftadaeth, bydd y radd hon yn eich galluogi i fynd i'r afael ag amrywiaeth o opsiynau gyrfa ym maes gweinyddiaeth, masnach, rheoli a phroffesiynau eraill. Yn ystod y blynyddoedd diwethaf, mae graddedigion wedi cael gwaith mewn amgueddfeydd, ym maes y gyfraith, addysg a'r diwydiannau diwylliannol (e.e. fel cyhoeddwyr cerddoriaeth, rheolwyr cyngherddau, swyddogion celfyddydau cymunedol, rheolwyr llwyfan, cynhyrchwyr recordio a darlledu, a pheirianwyr sain). Mae llawer o gyn-fyfyrwyr y cyrsiau gradd hyn wedi parhau gyda hyfforddiant cerddorol ychwanegol, fel perfformwyr neu gyfansoddwyr, neu barhau gydag astudiaethau ôl-radd mewn Hanes neu Gerddoriaeth, ac mae cyfle i wneud pob un o’r pethau hyn ym Mangor.

Drwy astudio ar gyfer gradd mewn Hanes a Cherddoriaeth byddwch yn caffael ystod eang o sgiliau trosglwyddadwy, boed hynny yn sgiliau academaidd neu sgiliau personol. Mae graddedigion Hanes a Cherddoriaeth yn weithwyr y mae ar gyflogwyr eu heisiau oherwydd yr amrywiaeth o sgiliau y maent yn eu datblygu yn ystod eu gradd. 

Rhoddir cyfle i fyfyrwyr Blwyddyn 2 a 3 gwblhau modiwlau lleoliad gwaith, y gellir eu cynnal yn y brifysgol neu drwy sefydliadau allanol. Asesir y rhain fel rhan o'r radd derfynol. Mae'r rhaglen yn gwella rhagolygon cyflogadwyedd ac yn rhoi syniad o'r math o gyfleoedd cyflogaeth y mae gradd mewn hanes yn eu cynnig. Mae myfyrwyr wedi ymgymryd â lleoliadau mewn ystod eang o weithleoedd, gan gynnwys archifdai a chanolfannau treftadaeth.

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Gwobr Cyflogadwyedd Bangor (GCB)

Mae Gwobr Cyflogadwyedd Bangor yn gwrs ar-lein cynhwysfawr y gallwch ei wneud yn ôl eich cyflymder eich hun, gan fynd â chi trwy'r holl gamau y mae'n rhaid i chi eu cymryd i archwilio, paratoi a gwneud cais am eich gyrfa ddelfrydol.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiynau ‘gyda Blwyddyn Sylfaen’ ar gael ar gyfer y cwrs hwn. Gwnewch gais am Hanes (gyda Blwyddyn Sylfaen) neu Gerddoriaeth (gyda Blwyddyn Sylfaen).