Â鶹´«Ã½¸ßÇå°æ

Byddwch yn astudio hanes ag iaith (Tsieinëeg, Ffrangeg, Almaeneg neu Sbaeneg, yn ddechreuwyr neu ar lefel uwch). Byddwch yn datblygu sgiliau ysgrifenedig a llafar ac yn dysgu am agweddau diwylliannol, yn cynnwys hanes cenhedloedd. Gallwch ddewis o amrywiaeth o bynciau o hanes y canol oesoedd i hanes cyfoes. Byddwch yn astudio gwahanol genhedloedd mewn amrywiaeth o gyfnodau hanesyddol, gan ddysgu sgiliau trosglwyddadwy y mae cyflogwyr yn eu gwerthfawrogi.

Mae’r modiwlau dewisol fel rhan o’r cwrs Ieithoedd Modern yn eich galluogi i astudio sinema, llenyddiaeth, hanes a diwylliant y wlad yr ydych yn astudio ei hiaith. Bydd y modiwlau sydd ar gael ar y cwrs Hanes yn cyd-fynd â’r modiwlau Ieithoedd Modern, ac yn eich galluogi i ganolbwyntio ar amrywiaeth eang o gyfnodau, ardaloedd daearyddol a themâu. Bydd hyn yn eich galluogi i ddilyn modiwlau sy'n canolbwyntio ar hanes Cymru, Prydain ac Ewrop, yn ogystal â meysydd eraill.

Ceir gweithgareddau allgyrsiol hefyd a fydd yn rhoi hwb i'ch gwybodaeth am y pwnc ac yn rhoi cyfle i chi ddod i adnabod eich cyd-fyfyrwyr. Maent yn cynnwys digwyddiadau diwylliannol a chymdeithasol sy’n cael eu trefnu gan gymdeithasau dan arweiniad myfyrwyr yn yr adrannau academaidd. Hefyd, bydd amrywiaeth o ddramâu, ffilmiau a pherfformiadau eraill i’w cael yn Pontio - Canolfan Gelfyddydau ac Arloesi Prifysgol Bangor - dafliad carreg yn unig o le cynhelir llawer o'ch dosbarthiadau.

Pam dewis Prifysgol Bangor ar gyfer y cwrs?

• Strwythur gradd hyblyg er mwyn teilwra'r cwrs i gyd-fynd â’ch diddordebau.
• Mae’r ardal leol yn llawn hanes (gan gynnwys ) ac yn Ìýadnodd ar gyfer gwaith maes ac yn lleoliad gwych i astudio.
• Cyfle gwych i ehangu eich gorwelion yn ystod blwyddyn dramor fel rhan o’ch astudiaethau.

Opsiynau Cwrs Ychwanegol

Yn yr elfen Ieithoedd Modern, cewch 3-4 awr o ddosbarthiadau iaith bob wythnos i bob iaith ynghyd â dosbarthiadau yn eich modiwlau dewisol Ieithoedd Modern. Mae’r hyfforddiant gan fwyaf mewn grwpiau bychain, ac nid oes llawer o ddarlithoedd ffurfiol. Mae'r asesu’n cynnwys gwaith cwrs ac arholiadau ysgrifenedig a llafar

Bydd eich dosbarthiadau Hanes yn debygol o gynnwys cyfuniad o ddarlithoedd, seminarau a thiwtorialau. Defnyddir amrywiaeth o ddulliau asesu megis arholiadau ac asesu parhaus megis traethodau, gwaith ysgrifenedig mewn ffurfiau eraill, a chyflwyniadau. Byddwch hefyd yn cwblhau traethawd hir fel rhan o'ch gradd, ac fel arfer bydd gennych tua 10-12 awr o ddosbarthiadau’r wythnos.

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Ieithoedd Modern a Hanes BA (Anrh).

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth.Ìý

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hÅ·n sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hÅ·n. Am fwy o wybodaeth am astudio fel myfyriwr aeddfed, ewch iÌýadran Astudio ym Mangor.ÌýÌý

Mae astudio cwrs fel Ieithoedd Modern a Hanes yn rhoi ystod o sgiliau i chi sy'n berthnasol i amrywiaeth eang o yrfaoedd. Mae myfyrwyr sydd ag arbenigedd yn y meysydd hyn yn aml yn mynd i swyddi mewn meysydd megis addysgu, cyfieithu, y gwasanaeth sifil a llywodraeth leol. Yn ogystal, maent hefyd yn cychwyn ar yrfaoedd llwyddiannus yn y sector cyhoeddus ac ym maes marchnata, busnes a’r cyfryngau. Mewn geiriau eraill, byddwch yn ennill ystod o sgiliau y rhoddir gwerth mawr arnynt gan gyflogwyr mewn nifer o wahanol sectorau.

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiynauÌý'gyda Blwyddyn Sylfaen' ar gael ar gyfer y cwrs hwn. Gwnewch gais am Ieithoedd Modern (gyda Blwyddyn Sylfaen) neu Hanes (gyda Blwyddyn Sylfaen).