Â鶹´«Ã½¸ßÇå°æ

Mae'r radd hon yn pwysleisio cymhwyso technoleg mewn busnes a diwydiant. Dyma gwrs sylfaenol mewn cyfrifiadureg, adeiladu a defnyddio systemau cronfa ddata, technolegau newydd, gweinyddu systemau, deallusrwydd artiffisial a systemau gwybodaeth busnes. Bydd y cwrs hwn yn dysgu'r hanfodion sy'n sail i systemau gwybodaeth gyfrifiadurol ac yn eu cymhwyso at fusnes. Trwy theori a sesiynau ymarferol, byddwch yn dysgu defnyddio technoleg mewn busnes, a fydd yn rhoi mantais gystadleuol i chi. Byddwch yn deall yr hyn sy'n ysgogi tueddiadau'r dyfodol mewn maes sy'n newid yn gyflym. 

Mae'r radd hon yn pwysleisio cymhwyso technoleg ym myd busnes a diwydiant. Rydym yn darparu sylfaen gadarn mewn cyfrifiadureg, adeiladu a defnyddio systemau cronfa ddata, technolegau newydd, gweinyddu systemau, deallusrwydd artiffisial a systemau gwybodaeth busnes. Mae'r radd hon yn amrywiad o'r radd Systemau Gwybodaeth Gyfrifiadurol safonol ac mae'n rhoi cyfle i astudio ystod o fodiwlau yn Ysgol Fusnes fyd-enwog Bangor.

Rydym wedi cynllunio’r cwrs i'ch galluogi i gymhwyso'r datblygiadau diweddaraf mewn Cyfrifiadura i ystod eang o broblemau y gall sefydliadau eu cael o ran Gwybodaeth a Thechnoleg. Ar ôl graddio bydd gennych y gallu i reoli a datblygu systemau technoleg gyfrifiadol ar gyfer ystod eang o anghenion defnyddwyr. Byddwn hefyd yn eich paratoi ar gyfer y gweithle trwy ddysgu ystod o sgiliau proffesiynol i chi, gan gynnwys cyfathrebu, gwaith tîm, rheoli amser a dysgu annibynnol ochr yn ochr ag ymwybyddiaeth o faterion cyfreithiol, cymdeithasol a moesegol perthnasol. 

Yn ystod eich cyfnod ym Mangor byddwch yn datblygu dealltwriaeth o'r hanfodion sy'n sail i systemau gwybodaeth gyfrifiadurol a'u defnydd mewn diwydiant. Byddwch yn gallu disgrifio gweithrediad y systemau hyn a defnyddio ystod o egwyddorion a chysyniadau i greu systemau a chanfod atebion priodol. Yn holl-bwysig, byddwch hefyd yn deall yr hyn sy'n ysgogi tueddiadau'r dyfodol mewn maes sy'n newid yn gyflym.

Pam dewis Prifysgol Bangor ar gyfer y cwrs?     

• Mae'r cysylltiadau clos sydd gan Bangor â'r diwydiant cyfrifiaduron yn gaffaeliad mawr i'r cyrsiau. 
• Mae cyfleoedd i gael nawdd ac ysgoloriaeth  ar sail gystadleuol. 
• Cynhelir prosiectau'r flwyddyn olaf yn aml mewn cydweithrediad â chwmni. 
• Mae cysylltiadau cryf ag Ysgol Fusnes Bangor yn darparu cyd-destun cryf ar gyfer defnyddio'r dechnoleg a ddysgir.
• Aelod Sefydliadol o Academi Oracle.

Opsiynau Cwrs Ychwanegol

Byddwch yn treulio tua 12 awr mewn darlithoedd ac 8 awr mewn labordai bob wythnos. Byddwch hefyd yn cael 4 tiwtorial ym mhob modiwl ac yn gorfod gweithio ar ddylunio meddalwedd, sgiliau technegol a chwblhau gwahanol aseiniadau datrys problemau. Cewch gyfle i wneud projectau'n unigol ac fel aelod o dîm, yn cynnwys y project tîm datblygu meddalwedd 'Software Hut' ym mlwyddyn 2 a arweinir gan fyd diwydiant. Bydd gwaith project yn eich galluogi i ddatblygu eich sgiliau dylunio creadigol a thechnegol yn ogystal â defnyddio’r egwyddorion damcaniaethol yr ydych chi wedi eu dysgu. Asesir modiwlau trwy arholiadau, asesu parhaus neu gyfuniad o'r ddau.

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Systemau Gwybodaeth Cyfrifiadurol i Fusnesau BSc (Anrh).

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth. 

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hÅ·n sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hÅ·n. Am fwy o wybodaeth am astudio fel myfyriwr aeddfed, ewch i adran Astudio ym Mangor.ÌýÌý

Bydd y cwrs hwn yn eich arfogi â'r sgiliau a'r wybodaeth ar gyfer gyrfa lwyddiannus yn dylunio a defnyddio systemau masnachol. Byddwn yn eich paratoi ar gyfer amrywiaeth o yrfaoedd mewn dylunio systemau, cyfathrebu a rhwydweithio, rhaglenni cyfrifiadurol, rheoli technoleg gwybodaeth, gwerthu cyfrifiaduron a marchnata. Bydd eich cyfuniad o sgiliau technegol a busnes yn arbennig o werthfawr i gwmnïau sy'n dymuno gwneud gwell defnydd o dechnoleg.

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn 'gyda Blwyddyn Sylfaen' ar gael ar gyfer y cwrs hwn. Gwnewch gais am Cyfrifiadureg (gyda Blwyddyn Sylfaen).