Â鶹´«Ã½¸ßÇå°æ

Mae'r radd BSc Daearyddiaeth hyblyg hon yn caniatáu ichi archwilio'rÌýprosesau ffisegol sy'n llunio'r Ddaear, y prosesau cymdeithasol, diwylliannol ac economaidd sy'n dylanwadu ar bobl a lleoedd, a'r perthnasoedd â'r amgylchedd dynol. Byddwch yn dechrau gyda sylfaen ddaearyddol eang sy'n eich cyflwyno i ddaearyddiaethÌýgymdeithasol, ffisegol ac amgylcheddol. Byddwch yn mynd rhagoch i ddatblygu dealltwriaeth mewn heriau byd-eang allweddol, megis newid yn yr hinsawdd, peryglon naturiol, adnoddau dŵr a llygredd, a’r gallu i’w dadansoddi.

Mae ein modiwlau yn ymdrin â phopeth o amgylcheddau rhewlifol a chefnforol i briddoedd a pholisi amgylcheddol. Byddwn yn eich cyflwyno i amryw o ddulliau ymchwil a sgiliau TG,Ìýsystemau gwybodaethÌýddaearyddol, ac ystadegol.

Byddwch yn datblygu sgiliau proffesiynol a throsglwyddadwy y mae cyflogwyr yn chwilio amdanynt. Yn eich blwyddyn olaf, byddwch yn gwneud eich ymchwil eich hun o dan arweiniad y staff, gan ganiatáu ichi arddangos y galluoedd a ddatblygwyd gennych yn ystod eich astudiaethau. Mae gwaith maes yn rhan annatod o'r radd hon, a bydd llawer o gyfleoeddÌýi fynd allan aÌýdysgu sgiliau gwerthfawr yng Ngogledd Cymru a’r cyffiniau, ochr yn ochr â theithiau preswyl yn y Deyrnas Unedig ac Ewrop. Gallwch astudio dramor neu gymryd rhan yn ein blwyddyn lleoliad (naill ai gwaith neu astudio).

Mae'r radd hon wedi ei hachredu gan y Gymdeithas Ddaearyddol Frenhinol (gydag IBG). Mae graddau achrededig yn cynnwys sylfaen academaidd gadarn mewn gwybodaeth a sgiliau daearyddol ac yn eich paratoi i fynd i'r afael ag anghenion y byd y tu hwnt i addysg uwch.ÌýÌýÌýÌý

BA neu BSc?ÌýGall myfyrwyr ar y ddwy radd hon ddewis o'r un ystod o fodiwlau. Os ydych yn dewis BSc (F800) efallai y byddwch yn dewisÌýmodiwlau daearyddiaeth ffisegol yn bennaf, ond gallwch barhau i ddewis modiwlau daearyddiaeth ddynol sy'n rhoi'r hyblygrwydd i chi ddilyn eich diddordeb yn nwy ochr y ddisgyblaeth.Ìý

MGeog ?ÌýGallwch hefyd drosi i'r MGeog ar ddiwedd Blwyddyn 2, ar yr amod bod marc cyfartalog eich blwyddyn yn uwch na 55%.Ìý

Pam dewis Prifysgol Bangor ar gyfer y cwrs?

• Mae'r cyflwynydd teledu Steve Backshall bellach yn rhan o'n tîm addysgu.
• Teithiau maes sy’n manteisio ar ein lleoliad unigryw ar arfordir trawiadol y gogledd, nid nepell o Afon Menai, a mynyddoedd Parc Cenedlaethol Eryri.Ìý
• Cysylltiadau cryf â sefydliadau: Comisiwn Coedwigaeth, Natural England, Awdurdod Parc Cenedlaethol Eryri, Cyfoeth Naturiol Cymru, Canolfan Ecoleg a Hydroleg, Dŵr Cymru, Asiantaeth yr Amgylchedd. Mae rhai yn cyfrannu at yr addysgu ac yn darparu lleoliadau.Ìý
• Mae gennym Ystafell Systemau Gwybodaeth Ddaearyddol.

Opsiynau Cwrs Ychwanegol

Cewch eich dysgu mewn amrywiol ffyrdd gan gynnwys darlithoedd, gwaith labordy a chyrsiau maes i seminarau a thiwtorialau mewn grwpiau bach. Mae'r seminarau'n gyfle i chi drafod a dadansoddi deunyddiau, syniadau a chysyniadau newydd gyda myfyrwyr eraill a'ch tiwtor. Caiff sesiynau tiwtorial mewn grwpiau bach eu llunio i ddatblygu sgiliau astudio neu ddatrys problemau, a rhoi cyfle i chi ofyn cwestiynau, codi materion neu archwilio'r hyn sy'n cael ei ddysgu yn y darlithoedd. Cewch fynediad at ein hamgylchedd dysgu rhithwir, sy'n cynnwys adnoddau dysgu, dogfennau cwrs a recordiadau o ddarlithoedd (os ydynt ar gael) ar gyfer eich modiwlau. Mae eich astudiaethau hefyd yn cynnwys cryn dipyn o astudio annibynnol.Ìý

Byddwch yn astudio 120 credyd mewn blwyddyn. Mae'r radd hon wedi'i llunio o nifer o fodiwlau, rhai yn orfodol, ac eraill yn ddewisol. Byddwch yn cael eich asesu mewn cyfuniad o ffyrdd: gwaith cwrs;Ìýtraethodau; cyflwyniadau; adroddiadau; prosiectau/traethodau hir; arholiadau; a thasgau ymarferol. Gall rhai asesiadau gynnwys gwaith grŵp. YnÌýgyffredinol, rhennir dulliau asesu ar gyfer modiwlau yn 60/40 ar gyfer gwaith cwrs ac arholiadau.ÌýÌý

Beth fyddwch chi’n ei astudio ar y cwrs yma?

Blwyddyn 1 a Blwyddyn 2Ìý

Mae'r flwyddyn gyntaf yn canolbwyntio ar wybodaeth a sgiliau allweddol, gan adeiladu ar eich Safon Uwch mewn Daearyddiaeth. Gall myfyrwyr drosglwyddo rhwng cyrsiau BA a BSc ar ddiwedd y flwyddyn os ydynt yn dymuno.ÌýÌý

Bydd yr ail flwyddyn yn rhoi gwybodaeth fwy trylwyr i chi yn y pwnc, yn eich cyflwyno i dechnegau arbenigol a sgiliau gwaith maes, ac yn rhoiÌýcyfle i chi ddatblygu eich ymchwil eich hun.ÌýÌý

Blwyddyn 3Ìý

Yn eich blwyddyn olaf gallwch ddewis o blithÌýystod o fodiwlau a fydd yn eich galluogi i arbenigo yn y meysydd sydd o ddiddordeb ichi. Byddwch yn gwneud eich ymchwil eich hun (ysgrifennu traethawd hir) o dan arweiniad y staff, gan ganiatáu ichi arddangos y galluoedd a ddatblygwyd gennych yn ystod eich astudiaethau.Ìý

Byddwch hefyd yn cael cyfle i ddatblygu sgiliau maes uwch a hyfforddiant ar ein cwrs maes dewisol iÌýTenerife.Ìý

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Daearyddiaeth BSc (Anrh).

Mae cynnwys y cwrs wedi’i nodi i’ch arwain yn unig ac fe all newid.

Defnyddir ein labordai biolegol, cemegolÌýac amgylcheddol ar gyfer amrywiaeth o addysgu a dysgu. Mae gennym labordai ymchwil penodolÌýyng Nghanolfan yr Amgylchedd Cymru, sy'n cynnwys: labordy isotopau radio a sefydlog, labordy pathogenau categori 2, ystafell ficrosgop dywyll, labordai paratoi samplau a labordy gydag offer dadansoddol pwrpasol.Ìý

Mae ein prif gyfleuster gwaith maes yn Henfaes, Abergwyngregyn, tua saith milltir o Fangor, ac mae’n cynnwys 252 o hectarau. Mae'n darparu cyfleusterau ymchwil acÌýaddysgu ym maes amaethyddiaeth iseldir, coedwigaeth, hydroleg, gwyddor yr amgylchedd a chadwraeth.ÌýÌý

Mae gennym ni hefydÌýGardd Fotaneg TreborthÌýsy’nÌýcwmpasu 18 hectar o dir ar lannau'r Fenai.Ìý Mae'n cynnwys labordy gwreiddiau tanddaearol mwyaf Ewrop (yÌýrhizotron), labordy addysgu, gwelyau gardd ffurfiol, gardd gerrig, gardd goed a chasgliad cadwraeth. Ìý

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth.Ìý

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hÅ·n sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hÅ·n. Am fwy o wybodaeth am astudio fel myfyriwr aeddfed, ewch iÌýadran Astudio ym Mangor.ÌýÌý

Mae ein graddedigion yn hynodÌýgyflogadwy ac mae galw mawr amdanynt oherwydd eu sgiliau y mae galw mawr amdanynt fel rheoli prosiect, gwaith tîm a chyfathrebu,Ìýyn ogystal â'r wybodaeth bwnc rydych chi'n ei datblygu yn ystod eich astudiaethau. Byddwch yn graddio gyda gradd uchel ei pharch sy'n arwain at amrywiaeth eang o ragolygon gyrfa. Mae ein graddedigion wedi'u recriwtio gan amrywiaeth o sefydliadau, gan gynnwys: Adnoddau Naturiol Cymru,ÌýNetworkÌýRail, DHL, CyfadranÌýAmddiffyn a GofodÌýAirbus, Y Grid Cenedlaethol, Yr Arolwg Ordnans, Y Cyngor Ymchwil Economaidd a Chymdeithasol, llywodraeth leol,ÌýymgynghoriaethauÌýamgylcheddol annibynnol. Mae gradd Daearyddiaeth hefyd yn rhoi sylfaen ar gyfer astudiaeth ôl-radd bellach ac ymchwil. Gallech hefyd wella'ch cyflogadwyedd trwy gofrestru ar gyfer Gwobr Cyflogadwyedd Bangor wrth astudio yma.Ìý

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn 'gyda Blwyddyn Sylfaen' ar gael ar gyfer y cwrs hwn. Gwnewch gais am Gwyddor yr Amgylchedd (gyda Blwyddyn Sylfaen).