Â鶹´«Ã½¸ßÇå°æ

Byddwch yn dysgu am yr hyn mae seicolegwyr chwaraeon ac ymarfer yn ei wneud, sut maen nhw'n ei wneud, a pham. Byddwch yn dysgu gan staff arbenigol am ystod o bynciau yn amrywio o sut mae perfformwyr chwaraeon yn ffynnu dan bwysau i'r hyn sy'n cymell ymarferwyr corff i gymryd rhan mewn gweithgarwch corfforol. Byddwch hefyd yn cwblhau project ymchwil gwreiddiol a fydd yn ychwanegu at yr hyn rydym yn ei wybod am gymhwyso ffactorau seicolegol sy'n gysylltiedig ag ymarfer corff a chwaraeon ac a fydd yn eich paratoi ar gyfer gyrfa fel seicolegydd chwaraeon.

A ydych chi'n ystyried bod yn Seicolegydd chwaraeon ac ymarfer?

P'un a oes gennych ddiddordeb mewn gweithio gydag athletwyr a thimau elitaidd a phroffesiynol i wella eu perfformiad neu os oes gennych fwy o ddiddordeb mewn sut mae pobl gyffredin yn dysgu sut i fwynhau chwaraeon a dysgu cadw at raglen ymarfer corff yna dyma'r cwrs i chi

Seicoleg chwaraeon ac ymarfer yw'r astudiaeth o'r ffactorau seicolegol sy'n dylanwadu ar chwaraeon, perfformiad athletwyr, ymarfer corff a gweithgareddau corfforol. Mae seicolegwyr chwaraeon ac ymarfer yn ymchwilio i sut mae ffactorau seicolegol yn dylanwadu ar allu athletwyr elitaidd i berfformio dan bwysau a sut y gall cymryd rhan mewn chwaraeon hamdden ac ymarfer corff wella iechyd, iechyd meddwl a lles.

Un peth anarferol am y cwrs hwn ym Mangor yw ei fod yn canolbwyntio ar archwilio ffactorau seicoffisiolegol, fel delweddu'r ymennydd a monitro cyfradd curiad y galon yn fanwl, er mwyn cael gwell dealltwriaeth o sut mae prosesau seicolegol a ffisiolegol yn rhyngweithio ag ymddygiad chwaraeon ac ymarfer corff athletwyr elitaidd ac ymarferwyr hamdden, ac yn gysylltiedig â hynny. Wrth i chi symud ymlaen trwy'r cwrs mae yna lawer o feysydd arbenigedd y gallwch eu harchwilio gan gynnwys agweddau mwy anarferol fel seicoleg ymddygiadau caethiwus, niwrowyddoniaeth a dulliau cwnsela a meysydd mwy traddodiadol fel dylanwad straen a phryder ar berfformiad, sgiliau seicolegol, dylanwad personoliaeth a gwahaniaethau unigol ar iechyd a pherfformiad a sut i gynllunio a gwerthuso ymyriadau.

Mae'r cwrs hwn wedi'i achredu gan Gymdeithas Seicolegol Prydain (BPS) i roi sylfaen raddedig i chi gael aelodaeth siartredig o'r Gymdeithas a dyma'r cam cyntaf at yrfa fel seicolegydd yn y Deyrnas Unedig ac wrth gwrs mae’n arbennig o berthnasol i yrfaoedd mewn seicoleg chwaraeon ac ymarfer.

Dysgu oddi wrth y gorau!

Cewch eich dysgu gan blaenllaw yn y maes. Mae staff Gwyddorau Chwaraeon, Iechyd ac Ymarfer wedi gweithio, ac maent yn dal i weithio gyda nifer o Chwaraeon Olympaidd, chwaraeon proffesiynol, y fyddin a'r GIG. Hefyd, mae’r adran ar hyn o bryd yn gartref i'r nifer mwyaf o ymchwilwyr seicoleg sy'n canolbwyntio ar berfformiad nag unrhyw le yn y byd ac mae llawer o'r pynciau a addysgir ar y cwrs hwn yn cael eu cyflwyno gan staff seicoleg sydd hefyd ag enw da rhyngwladol yn eu meysydd arbenigol.

Mae gogledd Cymru yn cynnig amgylchedd naturiol hyfryd ar gyfer eich astudiaethau, ac mae ein hadran, a sefydlwyd ym 1978, yn falch o alw ei hun yn un o'r darparwyr gwyddorau chwaraeon ac ymarfer cyntaf a hynaf yn y byd.

Pam dewis Prifysgol Bangor ar gyfer y cwrs?

• Sefydliad Seicoleg Perfformiad Elît (IPEP) sydd â bri rhyngwladol ac yn cynnwys labordai seicoleg chwaraeon o'r radd flaenaf.
• Mae'r staff yn cynnig arbenigedd mewn seicoleg chwaraeon ac arweinyddiaeth i gyrff gan gynnwys: Tîm Sgïo Telemark Prydain, Bwrdd Criced Cymru a Lloegr, UK Sport, Chwaraeon Cymru, y Weinyddiaeth Amddiffyn, Lloyds TSB, Ericsson.

Opsiynau Cwrs Ychwanegol

Ym mlwyddyn 1 byddwch yn astudio sylfeini seicoleg chwaraeon ac ymarfer corff, ffisioleg, dulliau ymchwil ac agweddau craidd ar seicoleg, er enghraifft swyddogaeth yr ymennydd a'r meddwl. Gallwch hefyd wneud pythefnos o brofiad gwaith sy'n canolbwyntio ar faes sydd o ddiddordeb i chi, datblygu eich sgiliau proffesiynol neu edrych yn fanylach ar rai agweddau ar seicoleg gadarnhaol.

Mae Blwyddyn 2 yn canolbwyntio ar yr elfennau allweddol sy'n ofynnol ar gyfer achrediad BPS gan gynnwys seicoleg wybyddol, cymdeithasol, datblygiadol a biolegol ochr yn ochr â chynnwys mewn seicoleg chwaraeon ac ymarfer corff a seicoffisioleg chwaraeon ac ymarfer corff. Byddwch hefyd yn mireinio eich sgiliau dulliau ymchwil ymhellach ac yn dechrau ar y broses o ddatblygu eich project ymchwil, lle byddwch yn datblygu cwestiwn ymchwil gwreiddiol sy'n canolbwyntio ar faes sydd o ddiddordeb arbennig i chi.

Ym mlwyddyn 3 y prif ffocws yw eich project ymchwil, lle byddwch yn casglu ac yn dadansoddi data sy'n ymwneud â chwestiwn ymchwil newydd ac yn cyflwyno'r canfyddiadau ar sawl ffurf. Byddwch hefyd yn edrych yn fanwl ar bynciau fel straen a pherfformiad, personoliaeth a gwahaniaethau unigol ac yn edrych ar ffyrdd o ymyrryd ag athletwyr i wella perfformiad.

Fel rheol bydd gan fyfyrwyr un neu ddwy awr o ddarlithoedd bob wythnos ar gyfer pob modiwl, yn ogystal â chyfnodau mewn labordai, seminarau a thiwtorialau. Bydd yr amser cyswllt uniongyrchol hwn yn gysylltiedig â dysgu sy'n rhoi lle canolog i'r myfyrwyr fel darllen, ysgrifennu traethodau ac adroddiadau, casglu gwybodaeth a data, gweithio ar brojectau grŵp a pharatoi cyflwyniadau llafar a phoster. Y gweithgareddau hyn fydd sail eich asesiad, ynghyd ag arholiadau, astudiaethau achos a beirniadaethau ar ymchwil.

Bydd myfyrwyr yn treulio 25% o'u hamser mewn darlithoedd, seminarau a gwaith ymarferol mewn labordai. Mae’r niferoedd yn y darlithoedd, y seminarau a dosbarthiadau’r labordy i gyd yn fychain:

• Darlithoedd: 30-150
• Seminarau: tua. 12
• Sesiynau ymarferol yn y labordy: tua. 25

Mae’r dull hwn yn golygu fod gan ein myfyrwyr gysylltiad agosach â'r darlithwyr a'r tiwtoriaid ac mae pob un o’n myfyrwyr yn gallu cael cyfarfodydd personol rheolaidd gyda'r staff.

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Seicoleg Chwaraeon ac Ymarfer BSc (Anrh).

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth.Ìý

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hÅ·n sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hÅ·n. Am fwy o wybodaeth am astudio fel myfyriwr aeddfed, ewch iÌýadran Astudio ym Mangor.ÌýÌý

Mae'r gradd BSc Seicoleg Chwaraeon ac Ymarfer wedi'i hachredu gan Gymdeithas SeicolegolÌýPrydain (BPS) i roi sylfaen raddedig i fyfyrwyr at aelodaeth siartredig o'r Gymdeithas a dyma'r cam cyntaf at yrfa fel seicolegydd yn y Deyrnas Unedig. Mae hefyd yn baratoad rhagorol i gael gyrfaoedd mewn gwyddorau chwaraeon a'r diwydiannau chwaraeon, ffitrwydd ac iechyd yn ogystal â bod yn addas ar gyfer symud ymlaen i unrhyw faes seicoleg.Ìý

Ble nesa? Llwybrau at gyflogaethÌý

Mae Cymdeithas Seicolegol Prydain (BPS) yn achredu'r cwrs. Mae'n rhoi’r cyfle i chi gaelÌýÌý(neu GBC) sy'n hanfodol ar gyfer dechrauÌýunrhywÌýyrfa mewn seicoleg.Ìý Ar ôl cwblhau'r cwrs byddwch yn gymwys i wneud cais i'r BPS am GBC. Dyma'rÌýÌýar y ffordd i fod yn seicolegydd siartredig neu'n seicolegydd sy'nÌýÌýo'r Cyngor Proffesiynau Gofal IechydÌýÌýÌý

Mae gwaith posibl mewn meysydd eraill yn seiliedig ar y sgiliau a ddatblygwyd ar y cwrs yn cynnwys:Ìý

• Holl lwybrau'r proffesiynau seicolegÌý
• Athro/darlithyddÌý
• Gwyddonydd Chwaraeon ac YmarferÌý
• YmchwilyddÌý
• Cynorthwyydd SeicolegÌý
• Swyddi rheoliÌý
• Gweithio ym maes hybu iechyd neu ymddygiad iechydÌý

Mae llawer o fyfyrwyr hefyd yn mynd ymlaen i astudio ar gyfer gradd meistr, er enghraifft y rhaglenÌýMScÌýSeicoleg Chwaraeon ac Ymarfer ym Mangor sydd wedi'i hachredu gan BPS arÌýgyfer graddedigion sy'n meddu ar GBC o'u gradd israddedig.Ìý

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn 'gyda Blwyddyn Sylfaen' ar gael ar gyfer y cwrs hwn. Gwnewch gais amÌýÌý