Â鶹´«Ã½¸ßÇå°æ

Fel myfyriwr Llenyddiaeth Saesneg ym Mangor, byddwch yn astudio ystod lawn y llenyddiaeth o'r Oesoedd Canol i'r cyfoes, ac yn datblygu eich diddordebau unigol. Ym Mlwyddyn Un, byddwch yn meithrin sgiliau allweddol cyflogadwy iawn mewn dadansoddi beirniadol, ochr yn ochr â sylfaen mewn gweithiau llenyddol mawr a genres poblogaidd. Ym Mlynyddoedd Dau a Thri, mae dewis cyffrous o fodiwlau sy'n canolbwyntio ar gyfnodau hanesyddol a'r rhai sy'n canolbwyntio ar genres a phynciau (e.e. Arthuraidd, Ffantasi, ysgrifennu Eingl-Gymreig, Dystopaidd), a'r cyfle i ddatblygu eich project ymchwil eich hun.

Fel un o'r adrannau Llenyddiaeth Saesneg hynaf yn y Deyrnas Unedig, mae gennym hanes cryf o ymchwil ac addysgu o'r radd flaenaf. Mae ein harbenigedd yn amrywio o lenyddiaethau'r Oesoedd Canol, cyfnod y Dadeni, i ffurfiau Fictoraidd a Modernaidd. Mae ein darlithwyr yn enwau sefydledig yn eu priod feysydd, ac yn cyhoeddi ar ystod o bynciau, gan gynnwys rhywedd a defosiwn, perthnasedd a hanes llyfrau, rhwydweithiau cymdeithasol ac isadeiledd. Bydd eich amser gyda ni yn eich galluogi i ymgysylltu'n uniongyrchol â'r diwylliant ymchwil ffyniannus hwn, ac adeiladu eich sgiliau ysgrifennu ac ymchwil eich hun, y rhoddir gwerth mawr arnynt gan gyflogwyr.   

Pam dewis Prifysgol Bangor ar gyfer y cwrs?

• Addysgu a darlithoedd mewn grwpiau bach a goruchwyliaeth un i un.
• Mae Bangor yn lle delfrydol am astudiaethau llenyddol.

Opsiynau Cwrs Ychwanegol

Bydd gan bob un o'r modiwlau rydych wedi eu dewis oddeutu 2-3 awr o ddysgu wyneb yn wyneb bob wythnos.  Mae addysgu fel rheol ar ffurf seminarau bach, darlithoedd a gweithdai, lle cewch gyfle i gwrdd â'ch cyd-fyfyrwyr ac ymwneud â nhw. Y tu allan i'r ystafell ddosbarth a'r ystafell ddarlithio, gall myfyrwyr gymryd rhan mewn gweithgareddau allgyrsiol, megis teithiau i lyfrgelloedd, archifau, amgueddfeydd, ac i'r theatr. 

Gall dulliau asesu fod ar ffurf gwaith cwrs ysgrifenedig, arholiadau i’w sefyll gartref, yn ogystal â chyflwyniadau llafar.       

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Llenyddiaeth Saesneg BA (Anrh).

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth. 

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hÅ·n sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hÅ·n. Am fwy o wybodaeth am astudio fel myfyriwr aeddfed, ewch i adran Astudio ym Mangor.ÌýÌý

Mae sgiliau meddwl yn feirniadol, damcaniaethu, dadansoddi ymchwil a thrafod, y byddwch chi'n eu datblygu yn eich darlleniadau o nifer fawr o ddramâu, cerddi, nofelau, a ffurfiau ysgrifenedig eraill, yn drosglwyddadwy i'r mwyafrif o sectorau. Ymhlith y swyddi sy'n uniongyrchol gysylltiedig â'r radd hon mae golygu ysgolheigaidd, ysgrifennu copi, newyddiaduraeth, ac addysgu mewn ysgolion uwchradd, yn ogystal ag ymgynghoriaeth addysg, hysbysebu a marchnata, a llyfrgellyddiaeth. Mae ein myfyrwyr hefyd yn cychwyn ar astudio a hyfforddi ôl-raddedig mewn Llenyddiaeth Saesneg a disgyblaethau cysylltiedig, er mwyn hyfforddi fel ymchwilwyr a darlithwyr mewn addysg uwch.      

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn 'gyda Blwyddyn Sylfaen' ar gael ar gyfer y cwrs hwn. Gwnewch gais am Iaith Saesneg a Llenyddiaeth Saesneg (gyda Blwyddyn Sylfaen).