Â鶹´«Ã½¸ßÇå°æ

Mae dadansoddeg data yn faes sy'n tyfu yn y farchnad swyddi heddiw gyda chyflogwyr yn chwilio fwyfwy am raddedigion â sgiliau dadansoddi a'r gallu i ddeall 'Data Mawr'. Mae'r cwrs hwn yn rhoi sylfaen o wybodaeth i chi mewn Dadansoddeg Data Busnes ac yn helpu i ddatblygu eich galluoedd ymarferol i dynnu data, ei ddadansoddi ac adrodd arno i gefnogi gwneud penderfyniadau sefydliadol.

Mae cwmnïau o ystod eang o ddiwydiannau yn casglu llu o ddata ac yn dechrau cystadlu ar eu gallu i ddefnyddio'r data hwnnw. Dyma lle mae angen graddedigion dadansoddeg data busnes. Gall dadansoddi data helpu busnesau i ddatrys problemau ac mae galw mawr amdano mewn diwydiannau fel cyllid, iechyd, busnes a marchnata. Gall y gallu i ddadansoddi a dehongli data roi mantais gystadleuol i fusnesau drwy wneud penderfyniadau gwybodus.

Mae 'Data Mawr' yn newid busnes a'r economi, trwy astudio dadansoddeg data busnes ym Mhrifysgol Bangor byddwch yn meithrin y wybodaeth a'r sgiliau i ddadansoddi 'Data Mawr' mewn amrywiaeth o gyd-destunau busnes. Byddwch yn dysgu technegau gwerthfawr a ddefnyddir gan ddadansoddwyr data ac yn datblygu sgiliau gydag amrywiaeth o offer, algorithmau a modelau.

Mae'r cwrs hwn yn eich paratoi i ddod yn rheolwr data strategol, gan ddefnyddio damcaniaethau rheoli craidd ynghyd â sgiliau dadansoddol ymarferol i allu datgelu tueddiadau, patrymau a chefnogi gwneud penderfyniadau sefydliadol. Mae cyfle i chi ddatblygu a gwella’ch sgiliau trwy brojectau ymarferol go iawn sy'n defnyddio gwybodaeth academaidd a sgiliau ymchwil i fynd i'r afael â materion busnes a sefydliadol.

Pam dewis Bangor ar gyfer y cwrs hwn?

• Rydym ni wedi cynllunio'r cwrs newydd hwn i ddiwallu anghenion y farchnad swyddi heddiw. Byddwch yn meithrin sgiliau ymarferol a pherthnasol sy'n gwneud graddedigion yn hynod gyflogadwy.
• Gall Prifysgol Bangor gynnig arlwy arbennig oherwydd ein cryfderau presennol mewn pynciau bancio, cyllid a marchnata. 
• Fel Ysgol Fusnes lai, rydym yn gallu cynnig mwy o fynediad ac amser i fyfyrwyr gyda staff academaidd na sefydliadau eraill.
• Mae gan Ysgol Busnes Bangor enw rhagorol am ymchwil sy'n bwydo i'n cwricwlwm gan wneud ein cyrsiau'n gyfredol ac yn berthnasol i'r byd go iawn. 
• Mae ein labordy masnachu newydd yn rhoi’r cyfle i fyfyrwyr ddysgu mwy am y sector ariannol drwy efelychu marchnadoedd stoc yma ym Mhrifysgol Bangor.

Ar y cwrs hwn byddwch yn dysgu sut i ddefnyddio pecynnau codio arloesol a ddefnyddir gan wyddonwyr data, gan ganolbwyntio ar ysgrifennu cod i ddatrys problemau busnes a heriau go iawn yn y gweithle. Byddwch yn ennill profiad ymarferol ac yn dod yn gyfarwydd â materion amlwg ym maes diogelwch data, rheoli data a moeseg. Bydd myfyrwyr yn cael eu paratoi i fynegi allbynnau gwyddonwyr data a chyflawni yn erbyn y disgwyliadau hyn. Rhoddir ffocws penodol ar yr offer sydd eu hangen i fodelu, storio, glanhau, trin, ac yn y pen draw tynnu gwybodaeth o setiau data.

Byddwn yn edrych ar isadeiledd a sut mae'n chwarae rhan fawr mewn storio data. Dros y blynyddoedd rydym wedi gweld newidiadau o weinyddion traddodiadol i atebion yn y cwmwl. Gyda thechnolegau newydd daw bygythiadau diogelwch newydd. Ar y cwrs hwn, byddwn yn edrych ar y broblem o seiberddiogelwch a'r gallu i weithredu arferion gorau sylfaenol.

Bydd myfyrwyr yn dysgu sut i ddadansoddi 'Data Mawr', yn fwy penodol, rhaglenni mathemategol a defnydd ymarferol o dechnegau fel Rhwydweithiau Niwral Artiffisial, Peiriannau Fectorau Cefnogi a Phrosesu Iaith Naturiol.

Sut byddwch yn dysgu?

Cewch eich dysgu trwy gyfuniad o ddarlithoedd, gweithdai, a seminarau. Bydd disgwyl i chi hefyd ymgymryd ag astudio annibynnol a gwaith grŵp, a chymryd rhan mewn gweithgareddau a thrafodaethau ar-lein gan ddefnyddio ein hamgylchedd dysgu rhithiol..

Beth fyddwch chi’n ei astudio ar y cwrs yma?

Ym Mlwyddyn 1, bydd myfyrwyr yn cymryd credydau o bynciau fel, Dadansoddeg Busnes, Codio Dadansoddeg Busnes, Rhaglenni Cronfeydd Data mewn Busnes a Chyllid, Darganfod Economeg, Cyflwyniad i Faterion Rheolaeth Gyfoes mewn Moeseg, Cynaliadwyedd, Rheoli Adnoddau Dynol, a Twristiaeth ac Egwyddorion Rheolaeth a Threfniadaeth.

Ym Mlwyddyn 2, bydd myfyrwyr yn cymryd credydau o bynciau fel, Dadansoddeg Busnes, Systemau Gwybodaeth Busnes, Ymwybyddiaeth fasnachol a dealltwriaeth o waith, Gwyddor Data, Econometreg, Isadeiledd ar gyfer Dadansoddeg Data a Buddsoddi a Rheoli Portffolio.

Ym Mlwyddyn 3, bydd myfyrwyr yn cymryd credydau o bynciau fel, Econometreg Uwch, Dysgu Peirianyddol Cymhwysol, Project Ymgynghoriaeth, FinTech mewn bancio, cyllid, buddsoddi, yswiriant a rheoleiddio, Busnes Rhyngwladol a Chymhwysedd Byd-eang a Rheolaeth Strategol.

Sylwch mai syniad bras o gynnwys y cwrs yn unig sydd yma a gallai pethau newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth. 

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hÅ·n sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hÅ·n. Am fwy o wybodaeth am astudio fel myfyriwr aeddfed, ewch i adran Astudio ym Mangor.ÌýÌý

Ar ôl graddio, mae myfyrwyr yn cael y sgiliau a'r wybodaeth sydd eu hangen am yrfa lwyddiannus mewn diwydiant neu’r byd academaidd. Mae galw enfawr am ddadansoddwyr data busnes, gyda galw mawr yma yn y Deyrnas Unedig. Gall myfyrwyr gael gwaith mewn diwydiannau fel busnes, cyllid, marchnata, iechyd, y llywodraeth, telathrebu, y cyfryngau, a gweithgynhyrchu.

Sgiliau y byddwch yn eu dysgu ar y cwrs hwn:

• Sgiliau gwneud penderfyniadau
• Sgiliau dadansoddi – y gallu i gyflwyno data gwybodus sy'n seiliedig ar dystiolaeth
• Cyfathrebu – y gallu i siarad a chyflwyno i ystod o gynulleidfaoedd
• Rheoli – y gallu i wneud penderfyniadau gwybodus ac arwain newid
• Amldasgio – y gallu i weithio ar brojectau/tasgau lluosog
• Rheoli amser – y gallu i gwblhau projectau o fewn amserlen.

Y llwybrau gyrfa nodweddiadol sy'n gysylltiedig â'r radd hon yw:

• dadansoddwr data
• dadansoddwr meintiol
• gwyddonydd data
• ymgynghorydd data
• dadansoddwr gwybodaeth fusnes
• dadansoddwr systemau
• dadansoddwr menter
• pensaer busnes
• rheolwr project
• rheolwr diogelwch data
• ymgynghorydd rheolaeth
• dadansoddwr prosesau
• rheolwr cynnyrch
• pensaer data
• ymgynghoriaeth data
• ymgynghoriaeth busnes.

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.