Â鶹´«Ã½¸ßÇå°æ

Mae'r cwrs yn rhoi hyfforddiant damcaniaethol ac ymarferol yn y maes ac mewn labordy i roi hyfforddiant uwch, ac mae'n ceisio codi myfyrwyr i lefel fel y gallent fod yn fiolegwyr môr annibynnol. Mae'r Ysgol Gwyddorau Eigion yn hynod addas i ddarparu hyfforddiant mewn Bioleg y Môr oherwydd bod gennym ni:

• Lleoliad heb ei ail Rydym wedi ein lleoli ar lannau'r Fenai yn agos at Eryri, o fewn Ardal Cadwraeth Arbennig yr UE, gyda glannau creigiog, traethau tywod, gwaddodion rhynglanwol, twyni tywod, morfeydd heli, aberoedd, gwelyau pysgod cregyn, safleoedd lle mae morloi'n tynnu eu hunain allan o'r dŵr, ysgolion o ddolffiniaid a Môr Iwerddon ar ein stepen drws.
• Cyfleusterau addysgu, adnoddau ac amgylchedd hyfforddi rhagorol Mae'r cwrs wedi'i leoli mewn ystafell bwrpasol 490 m2. Yn ogystal, mae gan yr ysgol set o gychod ymchwil (gan gynnwys llong ymchwil gwerth £2.8M y Prince Madog, sy'n 35 metr o hyd), cyfleusterau acwariwm tymherus a throfannol helaeth a labordai addysgu ac ymchwil pwrpasol.
• Cynnwys cwrs amlddisgyblaethol, darpariaeth addysgu arbenigol Mae'r holl staff yn ymchwilwyr cynhyrchiol yn y pynciau y maent yn eu haddysgu, gan ganiatáu iddynt ddefnyddio astudiaethau achos ac ymchwil bersonol.
• Wedi hen ennill ei blwyf a'i gydnabod Mae gennym dros 60 mlynedd o brofiad o ddysgu gwyddor môr ar lefel ôl-raddedig gyda hanes cadarn, sy'n cael ei ganmol yn gyson uchel gan arholwyr allanol.

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Bioleg y Môr.

Mae cynnwys y cwrs wedi’i nodi i’ch arwain yn unig ac fe all newid.

Mae mynediad i'r MSc/Diploma Bioleg y Môr yn gofyn am radd Anrhydedd israddedig dda mewn maes pwnc perthnasol. Anogir ymgeiswyr o feysydd pwnc eraill yn y gwyddorau, neu sydd â phrofiad o waith cyflogedig perthnasol, i wneud cais, ar yr amod eu bod yn gallu dangos tystiolaeth o gymhelliant a phrofiad yn eu Datganiad Personol a'u CV.

IELTS: Gofynnir am 6.5 (heb gynnwys yr un elfen o dan 6.0).

Mae graddedigion wedi dilyn gyrfa yn y meysydd canlynol: ymchwil PhD a chynorthwywyr ymchwil mewn prifysgolion a sefydliadau ymchwil; addysgu; gwaith yn y sector preifat; gwaith yn y sector cyhoeddus; sefydliadau anllywodraethol.