Ymchwil amlganolfan yn dod i'r casgliad y gallai prawf cost isel rhagweld ailwaelu mewn Canser y fron
Rhwng Hydref 13, 2008, ac Ebrill 16, 2014, cynhaliwyd un o'r treial meddygol mwyaf o'i fath yn y DU. Roedd y treial, a noddwyd gan Cancer Research UK, yn cynnwys 4480 o gleifion ar draws 130 o ysbytai’r DU gyda’r nod o wella canlyniadau mewn menywod â chanser y fron weithredadwy
Cynhaliodd tîm o wyddonwyr Biofeddygol, gan gynnwys darlithydd Prifysgol Bangor Bethan Davies-Jones, ymchwiliadau labordy I ddarganfod a llwyfannu’r afiechydon. Cynhaliwyd ymchwiliadau ychwanegol i chwilio am newidiadau yng nghyfradd twf celloedd canser yn dilyn triniaeth gyda therapi hormonau syml (atalyddion aromatise) gan Ganolfan Ymchwil Canser y Fron Ralph Lauren yn Ymddiriedolaeth Sefydledig GIG Royal Marsden.
Daeth yr ymchwil, a gyhoeddwyd ar Dachwedd y 1af yn y Lancet, i’r casgliad y gallai prawf a gostiodd oddeutu £ 60 sy’n mesur ymateb claf i therapi hormonau tymor byr helpu i ragweld pa mor debygol yw’r clefyd o ddychwelyd. Gallai defnyddio'r prawf, sy'n rhatach o lawer ac yn haws na phrofion genomig, helpu i roi sicrwydd i fenywod sy'n debygol o wneud yn dda ar driniaeth safonol a nodi'r rhai sydd mewn mwy o berygl o ailwaelu.
Dyddiad cyhoeddi: 24 Tachwedd 2020