Os ydych wedi dewis Bangor fel eich Dewis Cadarn, byddwch yn derbyn e-bost gan y Tîm Neuaddau Preswyl gyda linc i ddewis eich ystafell mewn Neuadd. Dilynwch y canllaw isod i'ch helpu i archebu eich ystafell.Â
Cyn cychwyn y broses archebu ystafell, gwnewch yn saff eich bod yn gyfarwydd â’r mathau o lety sydd ar gael fel eich bod yn gwneud y dewis iawn i chi.
Cysylltwch â ni os oes gennych unrhyw gwestiynau: neuaddau@bangor.ac.uk neu ffoniwch 01248 382677.
Sut i wneud cais am Lety
Os ydych wedi dewis Bangor fel eich Dewis Cadarn, byddwch yn derbyn e-bost gan y Tîm Neuaddau Preswyl. Cofiwch hefyd edrych yn eich ffolder jync / sbam.
Bydd yr e-bost yn cynnwys eich Rhif Adnabod Prifysgol Bangor sy’n dechrau gyda 500 a hefyd linc i ‘Archebu eich ystafell’ lle byddwch yn cychwyn y broses trwy ‘Gofrestru eich Cyfrif’.
Ar yr ochr chwith, bydd gofyn i chi roi eich Enw Teulu - rhowch eich cyfenw yn unig yma, ddim eich enw llawn. Bydd gofyn i chi hefyd roi eich dyddiad geni, eich cyfeiriad e-bost a chreu cyfrinair.Â
Unwaith byddwch wedi gwneud hyn, bydd e-bost gan y Tîm Neuaddau Preswyl yn cael ei anfon atoch i gadarnhau eich cyfeiriad e-bost. Cliciwch ar y linc yn yr e-bost i gadarnhau eich cyfeiriad e-bost.Â
Byddwch wedyn yn mynd o’r e-bost i’r dudalen ‘Mewngofnodi’ lle bydd angen i chi fewngofnodi ar yr ochr dde gydag eich Rhif Adnabod Bangor (y rhif sy’n dechrau gyda 500) a’ch cyfrinair. Pwyswch 'Mewngofnodi'.Â
Efallai byddwch yn dymuno cadw cofnod o’r dudalen yma fel byddwch yn gallu mynd yn ôl ati yn y dyfodol.Â
Byddwch nawr ar y dudalen lle gallwch greu cais am le mewn Neuaddau.Â
- Cliciwch ‘Cais Newydd’ o dan y flwyddyn berthnasol.Â
- Cliciwch ‘Creu Cais’.
Byddwch yn mynd i dudalen arall gyda’r pennawd ‘Gwybodaeth Amdanoch Chi’Â
- Gwiriwch fod eich holl fanylion personol yn gywir.
- Dewiswch yr iaith a ffafrir gennych (Cymraeg neu Saesneg).Â
- Unwaith rydych yn hapus bod yr holl wybodaeth yn gywir, cliciwch i fynd ymlaen i’r dudalen nesaf.
Byddwch nawr ar y dudalen ‘Cyflyrau anabledd / iechyd parhaus - Addasiadau Rhesymol’.
Byddem yn gofyn i chi yma os oes gennych unrhyw ofynion yn ymwneud ag anabledd fydd yn effeithio ar y math o ystafell fydd ei angen arnoch.
Os ydych yn ateb ‘Oes’ i’r cwestiynau ar y dudalen yma, ni fyddwch yn gallu parhau i wneud cais ar-lein a bydd aelod o’r Tîm Neuaddau Preswyl yn cysylltu â chi i drafod eich gofynion. Â
Os ydych yn ateb ‘Na’ i’r cwestiynau ar y dudalen yma, cliciwch Parhau i fynd ymlaen i’r dudalen nesaf i ‘Ddewis eich Ystafell’.Â
Ar yr ochr chwith, gallwch osod eich cyllideb wythnosol am lety ac ar yr ochr dde, gallwch ddewis i weld y mathau gwahanol o lety sydd ar gael ynÂ
Daw rhestr o’r llety sy’n ffitio eich cyllideb wythnosol a’ch dewisiadau i fyny ar y dudalen.Â
Cliciwch ar y tab Lluniau i weld ym mhle mae’r neuaddau rydych wedi eu dewis wedi eu lleoli. Cliciwch y tab Cyfleusterau i weld pa gyfleusterau sydd ar gael yno.Â
I archebu eich ystafell, cliciwch ar y tab Ystafelloedd a chewch weld cynllun llawr o’r Neuaddau rydych wedi ei ddewis. Ar y gwaelod, ar yr ochr dde, mae bocsys ticio ar gyfer pob ystafell ar y cynllun - byddwch yn gallu ticio’r bocs os bydd yr ystafell ar gael.  Â
Ar ôl i chi dicio’r bocs i ddewis eich ystafell a phan rydych yn sicr eich bod yn hapus gyda’ch dewis, cliciwch Archebu Nawr sydd i’r dde o’r bocsys ticio.
Bydd gofyn i chi wedyn gadarnhau eich dewis. Cliciwch i barhau os ydych yn hapus gyda’ch dewis. Ni fydd modd mynd yn ôl i newid eich dewis ar ôl i chi gadarnhau.Â
Byddwch wedyn yn mynd ymlaen i’r dudalen nesaf - ‘Eich Cynnig’.
Yma ceir manylion y telerau ac amodau sy’n gytundeb gyfreithiol-rwym.Â
Darllenwch y telerau ac amodau yn ofalus ac os rydych yn cytuno, ticiwch y bocs ‘Rwyf wedi darllen a deall y telerau’ a bydd angen rhoi eich rhif adnabod Bangor (sy’n dechrau gyda 500) a chyfrinair yn y man priodol i barhau.Â
Os rydych yn hapus, cliciwch i barhau.
Bydd gennych 3 diwrnod i dderbyn y cynnig.Â
Ewch yn ôl i’ch cyfrif sef y dudalen gyntaf lle roeddech yn cofrestru. Dyma lle gallwch weld eich Cynnig Llety. Noder, ni fyddwch yn gallu clicio ar y linc i ‘Eich Ystafell’. Bydd y linc yma yn fyw pan fyddwch wedi symud i mewn i’ch ystafell. Â
Yn y mis Awst cyn i chi symud i’r Neuaddau, byddwch yn derbyn e-bost gyda gwybodaeth am y modiwl anwytho ar-lein y bydd rhaid i chi ei gwblhau cyn symud i mewn.Â