�鶹��ý�����

Mewn partneriaeth â Varcity (datblygwyr Tŷ Pollecoff), Menter Fachwen a’r Project Darganfod, cynhaliwyd dadansoddiad manwl o’r teulu Pollecoff er mwyn codi ymwybyddiaeth o hanes Iddewig yng Nghymru ac i hybu a phwysleisio cyfraniad Iddewon i hanes y gymuned ehangach. Cafwyd arddangosfa yn Niwrnod Cymunedol y Brifysgol ym mis Hydref.��

“Rydym wedi dechrau codi ymwybyddiaeth o effaith y teulu Pollecoff ar Fangor a thu hwnt gan arwain at lawer o adborth cadarnhaol” (Yr Athro Nathan Abrams, Athro mewn Ffilm).

Cefnogodd y Gronfa Gymunedol bedwar digwyddiad ar wahân i gyflwyno sut y gall ysgrifennu creadigol gefnogi lles personol ac amgylcheddol. Bu arbenigwyr ym maes ecoleg, argyfwng hinsawdd, sŵoleg a llenyddiaeth Gymraeg yn hwyluso cyfres o ddosbarthiadau meistr a helpodd i ennyn diddordeb cynulleidfaoedd newydd, gan gynnwys plant ysgolion lleol drwy’r celfyddydau a’r gwyddorau.

“Roedd yn hyfryd cael y cyfle i ymateb i frwdfrydedd myfyrwyr lleol a chreu digwyddiad pwrpasol yn arbennig ar eu cyfer a oedd yn canolbwyntio ar y berthynas rhwng barddoniaeth a gwleidyddiaeth gyfoes mewn digwyddiad gyda’r nos yn Pontio”.

(Yr Athro Zoe Skoulding)

Mewn cydweithrediad â Compassionate Cymru Garedig, Mantell Gwynedd a’r Ysgol Gwyddorau Meddygol ac Iechyd, cynhaliwyd cynhadledd yn Neuadd Reichel i archwilio syniadau a safbwyntiau unigolion sydd â diddordeb mewn materion gofal lliniarol a diwedd oes, ac y mae hynny’n effeithio arnynt.��

“Rwy’n gwneud cais am gyllid ar gyfer cymrodoriaeth Ymchwil Iechyd a Gofal Cymru yn dilyn y gweithdy hwn, ac rwy’n gobeithio cynnal digwyddiad ymgysylltu cymunedol arall yn fuan, gan fy mod wedi fy mhlesio’n fawr gan faint o ddiddordeb oedd yn y maes hwn” (Dr Louise Prendergast, Swyddog Ymchwil).

Dan arweiniad Darlithydd mewn Gwaith Cymdeithasol, ariannodd y Gronfa Gymunedol y gwaith o gynhyrchu pedwar podlediad Cymraeg yn rhoi sylw i ofal cymdeithasol a lles yng Nghymru, pwysigrwydd gofal dwyieithog, a sut mae cwrs MA Gwaith Cymdeithasol y Brifysgol o fudd ac yn cefnogi elusennau lleol, cynghorau ac asiantaethau trydydd sector.��

“Mae’r podlediad wedi cynnig cyfle i ni greu a chryfhau cysylltiadau gydag asiantaethau partner, ac mae wedi cynnig cyfle nid yn unig i ni godi proffil y gwahanol asiantaethau, ond hefyd amlygu a thrafod rhai o’r heriau cymdeithasol yr ydym yn eu hwynebu mewn cymdeithas heddiw” (Wendy Roberts, Darlithydd mewn Gwaith Cymdeithasol)��

Mewn cydweithrediad â sefydliad Hwylio Treftadaeth y Fenai, a thrwy ddatblygu fideo hyrwyddo byr, bu tîm o’r Ganolfan Biogyfansoddion yn helpu i godi ymwybyddiaeth o’r cyfleoedd hwylio sydd ar gael i bobl ifanc o gefndiroedd amrywiol a difreintiedig ar draws gogledd Cymru, yn ogystal â chynnig cyfleoedd i grwydro'r Fenai ar eu fflyd o gychod arbenigol.

“Mae’r project wedi helpu i wella ansawdd bywyd rhai o’r grwpiau mwyaf ymylol ar draws gogledd Cymru, yn ogystal â chodi ymwybyddiaeth o hwylio a’r dreftadaeth leol sy’n gysylltiedig ag ef”.

(Morewenna Spear)

Trwy bartneriaeth waith gyda Gwynedd Greadigol, storïwr lleol ac artist cain, trefnodd cydweithwyr o’r Ysgol Iaith, Diwylliant a’r Celfyddydau weithdy ar y cyd â grŵp Dementia lleol, Dementia Actif, a oedd yn canolbwyntio ar chwedl dwy ddraig yn Ninas Emrys. Defnyddiwyd delweddau a llyfrau prin o Gasgliad Arthuraidd y Brifysgol i ddangos sut mae chwedlau’n teithio, a sut mae llyfrau’n cael eu cadw a’u rhoi i’w defnyddio yn yr ardal leol.

“Cawsom adborth llafar hynod gadarnhaol gan y cyfranogwyr, a gafodd fwynhau awr a hanner yn llawn rhyfeddod wrth ymgysylltu â’r straeon a oedd yn gwneud iddynt deimlo’n fwy cartrefol. Dywedodd llawer y byddent wrth eu bodd pe byddent yn ymweld â chartrefi ymddeol lleol oherwydd eu bod yn cael trafferth cymryd rhan mewn digwyddiadau”.

(Yr Athro Raluca Radulescu)

Defnyddiodd cydweithwyr o Ysgol Feddygol Gogledd Cymru y Gronfa Gymunedol i gynnal cyfres o ddigwyddiadau i randdeiliaid ar draws Bwrdd Iechyd Prifysgol Betsi Cadwaladr i gael mewnwelediad gan gleifion, cymunedau, fferyllwyr a darparwyr gofal iechyd eraill ar ofynion ac anghenion gradd Fferylliaeth newydd yn y Brifysgol. Ymgysylltodd y project â nifer o randdeiliaid, gan gynnwys Llais, sef grŵp sy’n eirioli dros lais cleifion, er mwyn ceisio barn cleifion.

“Ar y cyfan, roedd y digwyddiadau’n hynod lwyddiannus. Cawsom gyfoeth o safbwyntiau sydd wedi helpu i lunio strwythur a chynnwys ein rhaglen MPharm newydd i ddiwallu anghenion gweithlu’r dyfodol sy’n benodol i gyd-destun gofal fferylliaeth gogledd Cymru. Byddwn yn parhau i ddatblygu ein hymgysylltiad â chleifion a grwpiau cymunedol, ac yn parhau i weithio gyda Llais er mwyn datblygu grŵp cleifion arbenigol y gallwn alw arno i gymryd rhan mewn gweithgareddau addysgu, asesiadau a sesiynau Addysg Ryngbroffesiynol, yn ogystal â mewnbwn parhaus gan randdeiliaid wrth i ni ddatblygu'r rhaglen”.

(Yr Athro Stephen Doughty)

Cynhaliwyd digwyddiad un dydd i randdeiliaid yn y Brifysgol er mwyn nodi’r heriau o ran gwireddu’r manteision iechyd sy’n gysylltiedig â chynyddu Teithio Llesol yng Nghymru, ac i fynd i’r afael â’r heriau hynny. Gwahoddwyd partneriaid a chynrychiolwyr o Cycling UK, Living Streets, Sustrans ac eraill i gymryd rhan yn nigwyddiadau'r a thrafodaethau’r diwrnod a oedd yn canolbwyntio ar ddull gweithredu Cymru gyfan gyda ffocws ar yr ardal leol.

“Roedd y gweithdy teithio llesol yn gyfle gwych i glywed gan sefydliadau sy’n hyrwyddo gweithgarwch corfforol yn yr ardal hon. Mae mewnwelediadau o’r fath yn sicrhau bod ein hymchwil yn berthnasol i ogledd Cymru ac yn ein helpu i ddylunio ymchwil mwy arloesol. Diolch i bawb a fynychodd ac a rannodd eu profiadau”.

(Dr Emily Holmes)

Fel rhan o’r project ymchwil a ariannwyd gan Rygbi’r Byd i archwilio risg anafiadau, ymgysylltodd staff yr Ysgol Seicoleg a Gwyddor Chwaraeon â thua 300 o chwaraewyr rygbi benywaidd ar draws naw canolfan merched Undeb Rygbi Cymru yng ngogledd Cymru a chomisiynu ffilm ddwyieithog i ddal ysbryd rygbi ieuenctid merched yn y rhanbarth. Y project dilynol sy’n deillio o’r cydweithio hwn fydd project Monitro Anafiadau mewn Rygbi Ieuenctid Merched Cymru (WISGYR) a ariennir gan Rygbi’r Byd.�� =

“Mae’r mewnwelediadau a gafwyd o’r ymgysylltu hwn yn cynnwys pwysigrwydd dulliau unigol o ddatblygu cysylltiadau â chanolfannau a phwysigrwydd ymgysylltu parhaus trwy ein project ymchwil” (Dr Julian Owen, Darlithydd mewn Gwyddorau Chwaraeon ac Ymarfer).��

Gan adeiladu ar y bartneriaeth rhwng Prifysgol Bangor a Dreigiau gogledd Cymru, ac fel rhan o Wythnos Ffoaduriaid 2023, croesawodd y tîm 35 o ddinasyddion wedi’u dadleoli o ardal Manceinion ym mis Mehefin, a hwyluso diwrnod o bêl-droed ar Faes Pêl-droed 4G y Brifysgol. Cyfle i rannu profiadau diwylliannol, hyfrydwch Gogledd Cymru i gyd trwy gyfrwng y pêl-droed; cafodd pawb ddiwrnod gwych!��

“Roedd y natur yn anhygoel, môr un ochr, caeau gwyrdd yr ochr arall gyda defaid a gwartheg. Roedd y brifysgol, y lletygarwch a’r meysydd pêl-droed yn gofiadwy a dysgais lawer am Brifysgol Bangor, ei diwylliant, ei hiaith a’i hanes. Mi wnes i ei fwynhau, a newidiodd fy hwyliau. Roeddwn i angen mynd ar daith fer” (Mahin - ymwelydd)

“Roedd digwyddiad dydd Gwener yn gyfle gwych i rannu addysg ac ymwybyddiaeth ddiwylliannol a chreu gofod ar gyfer trafod cyfleoedd addysgiadol a chyflogaeth. Roedd yn brofiad iachusol i lawer a ddaeth o hyd i gyfeillgarwch a phartneriaethau newydd” (Chris Roberts, Peiriannydd, Gwasanaethau Campws)����

Cefnogodd y Gronfa Gymunedol ddau aelod o staff y Gwasanaethau Proffesiynol pan aethant i Guernsey ym mis Gorffennaf a chynrychioli Ynys Môn yng Ngemau Rhyngwladol Pêl-droed Merched 2023 NatWest. Rhoddodd Cymdeithas Bêl-droed Cymru glod i’r tîm am chwarae yng nghit swyddogol Cymru a denodd y digwyddiad lawer o sylw ar y cyfryngau cymdeithasol.��

“Diolch am helpu i wneud hyn yn bosibl” (Cerys Gadd, Gweinyddu Myfyrwyr).��