Ysgol Gwyddorau Eigion i fwynhau cyswllt newydd efo eigionegwyr yn Tsieina
Bydd y cytundeb newydd yn caniatáu myfyrwyr o Fangor i ymchwilio efo'r eigionegwyr yn Tsieina fel rhan o'r cynllun Blwyddyn TramorCroesawodd yr Is-ganghellor, Yr Athro John G Hughes, ddirprwyaeth o wyddonwyr ffiseg y môr o Brifysgol Sun Yat-sen, Guangzhou, Tsieina, yn ystod eu hymweliad â Chanolfan Morol Cymru.
Mae gwyddonwyr o Brifysgol Bangor o dan arweiniad Yr Athro Tom Rippeth wedi arwyddo Memorandwm Cyd-ddealltwriaeth gyda SYSU i ddatblygu cydweithrediad ymchwil yn ystod gweithdy a gynhaliwyd ar y cyd gan Yr Athro Wu(SYSU) a’r Athro Rippeth (Bangor) yn Guangzhou fis Medi diwethaf.
Yr wythnos diwethaf, bu’r Athro Wu a’r ddirprwyaeth o SYSU ar ymweliad arall â Bangor i drafod cydweithrediad ymchwil pellach ac i edrych ar ddatblygu dolen gryfach rhwng y ddwy brifysgol ym maes dysgu gwyddorau eigion.
Roedd Yr Athro Hughes yn falch iawn o groesawu'r ddirprwyaeth o SYSU a thrafod dulliau o gryfhau’r ddolen rhwng Bangor ac SYSU.
Noder: Mae SYSU yn Brifysgol o nodwedd ryngwladol uchel, ac yn safle rhif 9 o fewn Tsieina
Dyddiad cyhoeddi: 24 Gorffennaf 2017