Cyn-fyfyriwr Swoleg Prifysgol Bangor i rannu ei frwdfrydedd dros gadwraeth mewn rhaglen ddogfen ar Channel 4
Hamza YassinBydd cyn-fyfyriwr Swoleg gyda Chadwraeth Prifysgol Bangor yn ymddangos mewn rhaglen ddogfen newydd ar Channel 4 dydd Sadwrn yma (12 Rhagfyr) am 6pm.
Mae'r rhaglen hon, nad yw鈥檔 rhan o gyfres, yn dilyn dyn camera bywyd gwyllt a chyn-fyfyriwr Bangor, Hamza Yassin, wrth iddo geisio cael lluniau o rywogaethau eiconig fel ceirw cochion, belaod coed (pine martens), eryrod m么r a phalod sy'n byw ar stepen ei ddrws. Mae'r rhaglen yn cynnwys penrhyn Ardnamurchan ar arfordir gorllewinol yr Alban, sy'n un o'r lleoliadau bywyd gwyllt mwyaf ysblennydd ar y blaned.
Graddiodd Hamza o Fangor gyda BSc mewn Swoleg gyda Chadwraeth yn 2011. Roedd ei gyfle cyntaf fel cyflwynydd ar raglen The One Show y BBC fel un o'u dynion camera bywyd gwyllt. Hamza yw cyflwynydd y sioe hynod boblogaidd ar CBeebies, ac mae hefyd wedi rhannu ei wybodaeth a'i sgiliau gwneud ffilmiau ar y BBC.
Mae Hamza yn cael llwyddiant mewn maes cystadleuol iawn, ac mae鈥檔 uchelgais i lawer o fyfyrwyr Prifysgol Bangor a darpar fyfyrwyr ar 么l cwblhau eu graddau.
Yn awyddus i roi yn 么l i'w alma mater, bydd Hamza yn ysbrydoli'r genhedlaeth nesaf o selogion bywyd gwyllt trwy roi darlith i fyfyrwyr Prifysgol Bangor y semester nesaf. Yn ddiweddar, cafodd ei wneud yn Gysylltai er Anrhydedd i gydnabod ei gyfraniad sylweddol i'r gwaith yn yr Ysgol Gwyddorau Naturiol.
Dywedodd Hamza am ei amser ym Mangor: 鈥淔e wnaeth fy amser ym Mhrifysgol Bangor sbarduno fy mrwdfrydedd am gadwraeth a bywyd gwyllt, ac rydw i mor ddiolchgar am gefnogaeth ac anogaeth Bangor trwy fy astudiaethau. Rydw i鈥檔 edrych ymlaen yn fawr at ddychwelyd i Fangor i rannu fy mhrofiadau gyda鈥檙 myfyriwr presennol."
Dywedodd yr Athro Julia Jones, un o gyn-ddarlithwyr Hamza: 鈥淩wy鈥檔 cofio Hamza yn dda iawn. Roedd yn fyfyriwr hynod ymroddedig, a oedd wrth ei fodd mynd allan yn y maes yn arbennig. Roedd ganddo hefyd synnwyr digrifwch drygionus. Nid yw'n syndod o gwbl bod Hamza yn gwneud cymaint o lwyddiant yn ei yrfa. Rwy'n hynod falch ohono."
Dyddiad cyhoeddi: 10 Rhagfyr 2020