Â鶹´«Ã½¸ßÇå°æ

Overview

Cyflwynir y modiwl mewn pedair cydran allweddol:

1. Beirniadu Gwyddoniaeth (meddwl beirniadol). Bydd myfyrwyr yn gwneud nifer o ymarferion, yn cynnwys dysgu trwy gyfrifiadur, lle byddant yn adolygu’n feirniadol erthyglau gwyddonol o amrywiaeth o ffynonellau (teledu, cyfryngau, cylchgronau gwyddonol, blogiau). Bydd myfyrwyr yn ystyried:- gwallau mewn llenyddiaeth wyddonol; methodoleg wyddonol; cynllun arbrofol; defnyddio a chamddefnyddio canlyniadau ystadegol; cyflwyniadau gwallus a chamarweiniol o ganlyniadau; ansawdd gwahanol ffynonellau o wybodaeth. Gall pynciau gynnwys newid hinsawdd, meddygaeth amgen, creadaeth, iechyd ac afiechyd. Bydd myfyrwyr hefyd yn cymryd rhan mewn trafodaethau grŵp, dadleuon, ac yn ysgrifennu blogiau wyddonol.
2. Ysgrifennu gwyddonol (medrau llythrennedd) Bydd myfyrwyr yn mynd i awr o ddarlith ragarweiniol ar ysgrifennu gwyddonol. Trefnir bod rhestr o raglenni gradd a medrau pwnc-benodol ar gael ar Blackboard. Bydd myfyrwyr yn dewid un teitl traethawd i’w gwblhau. Dysgu trwy gyfrifiadur (CAL) – bydd cyfres gynhwysfawr o ddeunyddiau ategol ar gael i fyfyrwyr ar wefan Blackboard (e.e. awgrymiadau ar sut i ysgrifennu traethodau, gramadeg a dealltwriaeth, cyfeirnodi a thraethodau enghreifftiol).
3. Dysgu trwy ddatrys problemau (meddwl yn greadigol). Cyflwynir hwn fel dau weithdy hyfforddi yn cymryd awr yr un (mewn grwpiau o tuag 8) gydag aelod o’r staff academaidd neu ddangoswr ôl-raddedig sydd wedi’i hyfforddi, a chynhadledd fer 2-awr, lle bydd 5 grŵp yn dod at ei gilydd i roi 10 munud o gyflwyniad llafar (gyda chwestiynau) ar eu project. Caiff y myfyrwyr senario o fywyd go-iawn (yn ymwneud â’r rhaglen radd ac yn bwnc-benodol) cyn y gweithdy cyntaf. Gofynnir i fyfyrwyr:- ystyried cwestiynau diddorol ynglŷn ag ymchwil; gosod damcaniaethau o fewn terfynau; cynllunio profion priodol ar gyfer damcaniaethau; ystyried casgliadau a dadansoddiadau o ddata; ystyried dehongliadau Trafodir y rhain yn y gweithdai.
4. Cynllunio ar gyfer project Blwyddyn 3 (medrau ymarferol/ cynllunio) Cyd-drafod rhwng y myfyriwr ac arolygwr y project academaidd mewn hyd ar 3 sesiwn diwtorial. Bydd y sesiynau tiwtorial yn nodi nod ac amcanion penodol y project ac yn datblygu cynllun ar gyfer y project.

Assessment Strategy

-trothwy -Dylai myfyriwr trothwy (Graddau D+ - D-); dangos gallu sylfaenol i werthuso’n feirniadol ddeunydd gwyddonol o amrywiaeth o ffynonellau, ac i syntheseiddio a chrynhoi’r wybodaeth hon mewn modd clir, cryno a rhesymegol; dangos sgiliau datrys problemau sylfaenol, y gallu i asesu'r cwestiynau allweddol sy'n ymwneud â senario wyddonol o fywyd go iawn, gan fframio damcaniaethau profadwy a nodi a defnyddio dulliau priodol o ddylunio/profi arbrofol, dadansoddi data a dehongli; gallu gweithio'n effeithiol fel rhan o grŵp, ac fel unigolyn; datblygu'r sgiliau angenrheidiol i'w galluogi i ehangu eu gwybodaeth a'u dealltwriaeth o'r Biowyddorau.

-da -Dylai myfyriwr da (Graddau B+ - C-); dangos gallu i werthuso’n feirniadol ddeunydd gwyddonol o amrywiaeth o ffynonellau, ac i syntheseiddio a chrynhoi’r wybodaeth hon ar lafar ac yn ysgrifenedig mewn modd clir, cryno a rhesymegol sy’n cynnwys gwerthusiad beirniadol o’r dull gwyddonol; dangos sgiliau datrys problemau cynhwysfawr, y gallu i nodi cwestiynau allweddol sy'n ymwneud â senario wyddonol o fywyd go iawn, gan fframio damcaniaethau profadwy a nodi dulliau priodol o ddylunio/profi arbrofol, dadansoddi data a dehongli. Bydd hyn yn cynnwys y gallu i awgrymu dulliau diriaethol a chanlyniadau'r gwaith; gallu gweithio'n effeithiol fel rhan o grŵp, ac fel unigolyn; dangos strategaethau datblygedig ar gyfer gwella eu gwybodaeth a'u dealltwriaeth o'r Biowyddorau.

-rhagorol -Dylai myfyriwr rhagorol (Graddau A* - A-); dangos gallu i werthuso’n feirniadol ddeunydd gwyddonol o amrywiaeth o ffynonellau, ac i syntheseiddio a chrynhoi’r wybodaeth hon ar lafar ac yn ysgrifenedig mewn modd clir, cryno a rhesymegol sy’n cynnwys gwerthusiad cynhwysfawr a beirniadol o’r dull gwyddonol; dangos sgiliau datrys problemau sydd wedi’u hen sefydlu, nodi cwestiynau allweddol a damcaniaethau profadwy sy’n ymwneud â senario wyddonol o fywyd go iawn, gan ddangos y gallu i awgrymu a chwblhau dulliau priodol o ddylunio/profi arbrofol, dadansoddi data a dehongli. Bydd hyn yn cynnwys defnyddio dulliau ystadegol/dadansoddol priodol i ddod i gasgliadau diriaethol o ddamcaniaethau; dangos gallu i weithredu'n effeithlon fel rhan o grŵp, ac fel unigolyn; dangos strategaethau â sylfaen dda ar gyfer gwella eu gwybodaeth a'u dealltwriaeth o'r Biowyddorau.

Learning Outcomes

• Dadansoddi a gwerthuso'n feirniadol ddata a llenyddiaeth wyddonol o amrywiaeth o ffynonellau. (Meincnodau biowyddorau: 3.2 gwybodaeth bynciol, 3.3 sgiliau generig, 3.5 sgiliau deallusol, 3.6 sgiliau ymarferol a 3.7 sgiliau technoleg gwybodaeth)

• Dadansoddi'n dysgu'n dysgu sgiliau dysgu o sgiliau. (Meincnodau biowyddorau: 3.2 gwybodaeth bynciol, 3.3 sgiliau generig, 3.5 sgiliau cychwynnol, 3.6 sgiliau dysgu 3.7 sgiliau technoleg gwybodaeth)

• Datblygu sgiliau cyflwyno llafar fel rhan o ymarferion grŵp. (Meincnodau biowyddorau: 3.4 sgiliau graddedig ac allweddol, 3.7 sgiliau technoleg gwybodaeth a 3.8 sgiliau rhyngbersonol a gwaith tîm)

• Gweithio'n effeithiol fel aelod o grŵp ac yn unigol i gwblhau'r ymarferion a'r tasgau asesedig yn llwyddiannus. (Meincnodau biowyddorau: 3.2 gwybodaeth bynciol, 3.3 sgiliau generig, 3.4 sgiliau graddedig ac allweddol, 3.5 sgiliau deallusol, 3.6 sgiliau ymarferol, 3.7 sgiliau technoleg gwybodaeth, 3.8 sgiliau rhyngbersonol a gwaith tîm a 3.9 sgiliau hunanreoli a datblygiad proffesiynol)

• Mynd i’r afael â phroblem ymchwil benodol yn greadigol, gan nodi damcaniaethau y gellir eu profi a chymhwyso’r ymagwedd wyddonol at ddylunio profion arbrofol priodol ac ystyried casglu, dehongli a dadansoddi data. (Meincnodau biowyddorau: 3.2 gwybodaeth bynciol, 3.3 sgiliau generig, 3.4 sgiliau graddedig ac allweddol, 3.5 sgiliau deallusol, 3.6 sgiliau ymarferol, 3.7 sgiliau technoleg gwybodaeth, 3.8 sgiliau rhyngbersonol a gwaith tîm a 3.9 sgiliau hunanreoli a datblygiad proffesiynol)