�鶹��ý�����

Roedd Dr Iestyn Pierce, pennaeth yr Ysgol Cyfrifiadureg a Pheirianneg Electronig yng nghwmni Dr Christian Dunn o’r Ysgol Gwyddorau Naturiol y Dirprwy Is-Ganghellor Cynorthwyol, a Dr Andrew Goodman, Cyfarwyddwr Arloesi Pontio a chydweithwyr o Gymru Fyd-eang a Phrifysgol. De Cymru ar ymweliad ymchwil a chydweithredol â Phrifysgol Gwyddoniaeth a Thechnoleg Hanoi, y cwmni electroneg a chyfathrebu Viettel a Phrifysgol Can Tho yn Fietnam.

Pwrpas eu hymweliad oedd ymchwilio i gysylltiadau ymchwil a gweithredu technoleg synhwyro amgylcheddol electronig i helpu ffermwyr fesur effeithiau ymwthiad halwynog ar gnydau’r Mekong Delta, (ffynhonnell dros hanner reis Fietnam yn 2011). Mae'r rhanbarth dan fygythiad oherwydd y newid yn yr hinsawdd, a bydd mesur effeithiau maetholion a chemegau pridd a dŵr amrywiol yn helpu gwneud y rhanbarth yn fwy gwydn. Dyma enghraifft wych o gydweithwyr o wahanol ddisgyblaethau ac ysgolion ledled y brifysgol (a thu hwnt) yn cydweithio i ddarparu buddion cynaliadwyedd amgylcheddol ledled y byd.

��

Y genhedlaeth bresennol o synwyryddion pridd. Mae pob synhwyrydd angen ymweliadau rheolaidd gan dechnegwyr sy'n lawrlwytho'r data trwy WiFi gan ddefnyddio eu ffonau symudol.��

Dywedodd Dr Iestyn Pierce “Roedd yn daith wych. Mae'r ddelwedd isod yn dangos y fersiwn gyfredol o'r synhwyrydd pridd. Mae’r project arfaethedig yn bwriadu uwchraddio’r system i ganiatáu mynediad yn gyfan gwbl o bell i rwydwaith cyfan o synwyryddion gan ddefnyddio rhwydwaith cyfathrebu ardal eang pŵer isel o’r enw LoRaWAN.”

Aeth Iestyn rhagddo i ddweud

“Mae gennym ni ym Mangor, ynghyd â chydweithwyr o Brifysgol De Cymru, brofiad o ddefnyddio rhwydweithiau LoRaWAN mewn lleoliadau amrywiol ledled Cymru. Er enghraifft ar gyfer mesur y glawiad mewn coedwigoedd yng Ngheredigion a monitro ansawdd yr aer yn Rhondda Cynon Taf."
��

Y genhedlaeth bresennol o synwyryddion pridd. Mae pob synhwyrydd angen ymweliadau rheolaidd gan dechnegwyr sy'n lawrlwytho'r data trwy WiFi gan ddefnyddio eu ffonau symudol.