Â鶹´«Ã½¸ßÇå°æ

Ddydd Llun, 12 Chwefror, bu Sefydliad Confucius ym Mhrifysgol Bangor yn dathlu dyfodiad y Flwyddyn Newydd Tsieineaidd, sef Blwyddyn y Ddraig a chafwyd dathliadau bywiog yn Pontio. Roedd y digwyddiad i nodi’r Flwyddyn Newydd Tsieineaidd yn cynnig profiad cyfareddol i'r rhai a oedd yn bresennol, yn llawn perfformiadau cerddorol byw, perfformiadau tai chi cyfareddol, a gweithdai celf a chrefft traddodiadol Tsieineaidd.

Un o uchafbwyntiau’r digwyddiad oedd y perfformiad gan ensemble artistig o artistiaid Tsieineaidd o Brifysgol Southbank Llundain. Roedd yno dros 400 yn mwynhau eu repertoire o gerddoriaeth a dawns Tsieineaidd, gan greu argraff barhaol o gyfoeth diwylliannol ac ansawdd artistig.

Yn ogystal â’r perfformiadau ysblennydd, roedd y digwyddiad hefyd yn cynnwys gweithdai galw heibio lle cafodd y mynychwyr gyfle i archwilio harddwch caligraffeg Tsieineaidd, torri papur, a chrefft gywrain gwneud clymau Tsieineaidd, i gyd wrth fwynhau perfformiadau cerddorol hudolus ar y Guzheng. Roedd nifer o deuluoedd yn cymryd rhan yn frwd yn y gweithgareddau ymarferol hyn, ac yn croesawu'r cyfle i ymgysylltu â thraddodiadau’r diwylliant Tsieineaidd.

Ymhlith y gwesteion uchel eu parch a oedd yn bresennol yn y dathliad roedd Dirprwy Faer Bangor, y Cynghorydd Gareth Parry. Wrth sôn am y digwyddiad, dywedodd y Cynghorydd Parry, "Diolch yn fawr am y gwahoddiad caredig i ddathliad y Flwyddyn Newydd Tsieineaidd yn Pontio. Hoffwn ddiolch yn ddiffuant i bawb a gyfrannodd ac a berfformiodd i wneud y dathliad eleni yn un mor drawiadol ac arbennig, roedd yn bleser bod yn bresennol a gweld arddangosfa mor ddisglair o gelf ac o ddathlu'.

Dywedodd mynychwr arall 'Diolch am ddiwrnod hyfryd sydd wedi ei drefnu’n berffaith i ddathlu'r Flwyddyn Newydd Tsieineaidd yn Pontio. Fe wnes i fwynhau’r sesiynau caligraffi ac elwa’n fawr o’r arbenigwyr oedd wrth law i’n helpu. Cyfoethogwyd y ddau berfformiad cerddorol gan sylwebaeth dreiddgar yr artist am y naratif y tu ôl i bob darn. Gallaf weld bod y gweithgareddau torri papur wedi diddanu plant o bob oed. Yn olaf, cafodd y gynulleidfa ei swyno gan y Gala gyda chyfuniad o gerddoriaeth, comedi, ac arddangosfeydd meistrolgar o grefft ymladd'

yn tystio i’r amrywiaeth ddiwylliannol a’r ysbryd o undod a geir yng nghymuned Bangor, lle caiff cysylltiadau a dealltwriaeth eu meithrin ar draws gwahanol draddodiadau a chefndiroedd.