�鶹��ý�����

Nod y llyfr yw bod yn hygyrch i bawb, mae'n ymdrin â 50 pwnc am y môr ac mae'n cynnwys bywgraffiadau gwyddonwyr pwysig ac yn trafod sut mae’r môr a’i donnau a'i lanw'n gweithio, ei ddyfnder, ei dywydd a'i hinsawdd. Mae hefyd yn ymdrin â llygredd yn y môr - golau a sŵn yn ogystal â phlastig - a sut i'w atal rhag mynd i'r dŵr.

Mae'r pynciau wedi eu rhannu i mewn i benodau gan ddechrau gyda Hanfodion Cefnforoedd, sy'n esbonio nodweddion syml cefnforoedd a sut mae ffenomena enwog cefnforoedd yn cael eu creu. Mae Daearyddiaeth Ffisegol y Cefnforoedd yn mynd â darllenwyr ar daith o gwmpas y gwahanol gyrff o ddŵr sy'n ffurfio'r cefnfor bydeang, o foroedd silff cyfandirol i'r cefnfor dwfn a'r pegynau. Mae Cefnfor, Tywydd a Hinsawdd yn trafod ymateb y cefnfor i newid hinsawdd a sut mae'r cefnforoedd yn penderfynu ar y tywydd, heddiw ac yn yr hir-dymor. Mae Cefnforoedd Byw yn cyflwyno'r cynefinoedd a'r organebau sy'n byw yn ein moroedd, o'r meicrobau lleiaf i'r mamaliaid mwyaf yn y byd. Mae Fforio'r Môr, Arsylwadau a Rhagfynegiadau yn manylu ar sut yr ydym wedi fforio yn y gorffennol a'r presennol a sut y gall y mesuriadau yma helpu ni i fesur cefnforoedd a hinsawdd y dyfodol yn well gan ddefnyddio technegau newydd sbon. Mae effaith dynoliaeth ar gefnforoedd, o blastigau i olau artiffisial, yn cael ei drafod yn Llygredd y Môr. Ac yn olaf, mae Esblygiad y Ddaear a Cefnforoedd tu hwnt i'r ddaear yn rhoi persbectif llawer hirach o ran daeareg y môr a bywyd posib ar blanedau eraill.

Daeth Dr Lenn a Dr Green â nifer o’u cydweithwyr ac arbenigwyr academaidd o bob cwr o'r byd at ei gilydd er mwyn cyfrannu at “30 Second Oceans”.

Cyhoeddir 30 Second Oceans: 50 key ideas about the sea's importance to life on earth, wedi ei olygu gan Yueng-Djern Lenn a Mattias Green, gan Ivy Press, ac mae'r fersiwn clawr caled yn £14.99. Am ragor o wybodaeth am Ysgol y Gwyddorau Eigion, Prifysgol Bangor cliciwch yma