�鶹��ý�����

Mae'r garfan gyntaf o fyfyrwyr nyrsio cyn-gofrestru ôl-radd o'r Ysgol Gwyddorau Iechyd ym Mhrifysgol Bangor wedi graddio a chofrestru gyda'r Cyngor Nyrsio a Bydwreigiaeth fel nyrsys oedolion.

Dechreuodd y myfyrwyr hyn y Diploma Ôl-radd dwy flynedd mewn Nyrsio Oedolion ar ôl cwblhau eu gradd gyntaf mewn iechyd neu bwnc cysylltiedig a phasio cyfweliad ar sail gwerth i ddangos eu profiad gofal a'u rhinweddau ar gyfer gyrfa mewn nyrsio. Rydym yn falch eu bod i gyd bellach naill ai wedi eu cyflogi mewn arbenigeddau nyrsio oedolion yng Nghymru gydag astudiaethau parhaus neu'n parhau i gymhwyso a chofrestru gyda'r NMC fel ymwelwyr iechyd.��

��

Mae'r garfan gyntaf o fyfyrwyr nyrsio cyn-gofrestru ôl-radd o'r Ysgol Gwyddorau Iechyd ym Mhrifysgol Bangor wedi graddio a chofrestru gyda'r Cyngor Nyrsio a Bydwreigiaeth fel nyrsys oedolion.

Croesawodd Dr Lynne Williams, Pennaeth yr Ysgol lwyddiant y myfyrwyr gan ddweud “Mae'n hyfryd gweld llwyddiant y garfan gyntaf o fyfyrwyr nyrsio PGDip yn yr Ysgol Gwyddorau Iechyd. Diolch yn fawr i arweinydd y rhaglen, Dr Elizabeth Mason a'r tîm sydd wedi cefnogi'r myfyrwyr trwy gydol y rhaglen newydd hon. Rwy'n dymuno'n dda i'r holl fyfyrwyr yn eu gyrfaoedd yn y dyfodol."

Meddai Jessica Poulton, un o'r rhai a raddiodd yn ddiweddar, “Penderfynu i astudio ar y Diploma Ôl-radd Nyrsio Oedolion oedd y penderfyniad gorau i mi ei wneud. Roedd y cwrs yn darparu darlithoedd, sesiynau ymarferol ac oriau ar leoliad ymarfer, ac maent i gyd wedi fy ngalluogi i ddatblygu'r sgiliau a'r wybodaeth i gychwyn ar fy nhaith fel nyrs gofrestredig. Mae wedi bod yn daith anodd ond anhygoel. Rwyf yn awr�� yn fy nillad glas, yn gweithio fel nyrs staff cymunedol ym Mhenrhyn Llŷn, a gallaf ddweud yn gwbl onest y bu'n werth chweil. Bangor - roedd yn llawer o hwyl! Diolch yn fawr.”��

Dywedodd myfyriwr graddedig arall, Sophie Cassidy, sydd bellach yn nyrs staff cymunedol, “Mae astudio’r Diploma Ôl-radd mewn Nyrsio Oedolion wedi bod yn brofiad dysgu gwych ac rwy’n falch fy mod wedi bod yn rhan o’r cwrs cyntaf ym Mhrifysgol Bangor. Dysgodd y cwrs lawer i mi amdanaf fy hun fel person ac mae wedi fy ngalluogi i ennill llawer o sgiliau er mwyn bod yn nyrs gofrestredig. Rwy’n caru fy ngwaith, ac yn dysgu rhywbeth newydd bob dydd.”��

Wrth adfyfyrio ar yr hyn a oedd wedi bod yn daith emosiynol ond buddiol, ychwanegodd Kimberley Riley, “Gan fy mod eisoes wedi cwblhau gradd tair blynedd, roedd rhai i mi ystyried yn ofalus cyn penderfynu�� dilyn cwrs arall fel myfyriwr aeddfed. Mae strwythur a hyblygrwydd y cwrs gyda chefnogaeth barhaus gan ddarlithwyr ymroddedig wedi fy ngalluogi i gyflawni fy uchelgais i gofrestru fel nyrs gymwysedig newydd gymhwyso. Er gwaethaf sawl her bersonol a gofynion cwrs, ddwy flynedd yn ddiweddarach rwy'n nyrs gofrestredig yn gweithio yn ysbyty cymunedol Dolgellau a gallaf ddweud yn onest y bu'r cyfan yn werth chweil."��

Roedd y myfyrwyr llwyddiannus wedi dilyn nifer o lwybrau amrywiol cyn dechrau'r cwrs. Roedd rhai wedi cael profiad gofal iechyd er enghraifft; gofalwyr cartref, cynorthwywyr gofal iechyd.

Roedd Beth Roberts, a raddiodd yn llwyddiannus, yn dod o gefndir dysgu ond dywedodd, “Gwelais fod y profiad gofalu a gefais fel athrawes gymwysedig yn rhoi llawer o sgiliau trosglwyddadwy (er dim rhai ymarferol) y gellid eu cymhwyso i'm gyrfa newydd ynghyd â'r lleoliad arsylwi pythefnos dwys a roddodd y sgiliau nyrsio sylfaenol i mi. Erbyn hyn, rwy'n nyrs oedolion gymwysedig ac nid oes unrhyw deimlad gwell na gwisgo'r dillad glas am y tro cyntaf! Er fy mod yn dechrau ar fy ngyrfa ar adeg heriol iawn (COVID19), rwy'n teimlo fy mod wedi cael fy mharatoi i ddelio â heriau'r dyfodol.”

Gyda charfan arall yn graddio ym mis Medi 2020, mae'r Ysgol ar hyn o bryd yn disgwyl i raglen newydd gael ei dilysu i fodloni safonau newydd y Cyngor ac, yn amodol ar gymeradwyaeth, bydd yn darparu MSc mewn Nyrsio Iechyd Oedolion ac Iechyd Meddwl. Os oes gennych ddiddordeb mewn Nyrsio yna ewch i wefan yr Ysgol i gael rhagor o wybodaeth.