MEDRU: Y FFATRI SGILIAU
medru: y ffatri sgiliau Partneriaeth rhwng Prifysgol Bangor, Coleg Cambria a’r Brifysgol Agored yng Nghymru yw medru: y ffatri sgiliau. Mae’r arbenigedd sydd gennym rhyngom ym meysydd diwydiant ac addysg yn golygu ein bod mewn sefyllfa berffaith i arfogi pobl a busnesau â’r sgiliau y mae arnynt eu hangen nawr ac yn y dyfodol. Mae'r sgiliau hyn yn canolbwyntio ar y datblygiadau mwyaf newydd a mwyaf cyffrous mewn perthynas â Diwydiant 4.0, Gweithgynhyrchu Digidol, a Ffatrïoedd Clyfar. Rydym ar flaen y gad o ran ymchwil ac arloesi, ac yn gwybod beth mae angen i fusnesau ei wneud i baratoi eu gweithluoedd er mwyn ymateb i heriau'r dyfodol ac i fanteisio ar gyfleoedd.
Gwyddom hefyd fod angen i hyfforddiant fod yn hygyrch ar gyfer pawb. Mae ein hyfforddiant ni bob amser yn eang ac yn hyblyg er mwyn ffitio o gwmpas gwaith a bywyd. Fe'i cynlluniwyd gyda'r gweithlu llawn mewn golwg, o rai sy’n dechrau o’r newydd i arbenigwyr technegol gyda degawdau o brofiad yn y diwydiant.
Gellir cyflwyno llawer o'n cyrsiau wyneb-yn-wyneb neu ar-lein, gyda chyfle i ddysgwyr a sefydliadau ddewis astudio yn y ffordd sy’n addas iddyn nhw. Yr uchelgais yw y bydd Medru yn cynnig hyfforddiant Diwydiant 4.0 ledled gogledd-ddwyrain Cymru, gan gefnogi busnesau a phobl yn eu dyheadau, a chreu llif o dalent ar gyfer y dyfodol. Bydd hyn yn seiliedig i ddechrau ar naw colofn Diwydiant 4.0:
- Robotiaid Awtonomig
- Rhyngrwyd Pethau
- Efelychu
- Seiberddiogelwch
- Realiti Estynedig
- Integreiddio Systemau
- Cyfrifiadura yn y Cwmwl
- Gweithgynhyrchu Adiol (Argraffu 3D)
- Data Mawr
MEDRU: AR GYFER BUSNES
Ìý
Ewch i’r afael â’r dyfodol, gyda hyfforddiant technoleg glyfar dan arweiniad diwydiant sy'n cyd-fynd ag anghenion eich busnes. Mae ein cyrsiau hyfforddi yn rhai hyblyg ac ymarferol sy’n cael eu cyflwyno fesul camau bychain ac wedi'u llunio i fod yn addas i’ch gweithwyr a'ch nôd. Drwy gyfrwng ymgynghoriad sydd wedi’i ariannu’n llawn, byddwn yn gweithio gyda chi i nodi’r sgiliau sydd eu hangen ar eich gweithlu ar hyn o bryd, a’r sgiliau y bydd arnynt eu hangen mewn blynyddoedd i ddod. Bydd ein tiwtor yn cyflwyno'r hyfforddiant, wyneb-yn-wyneb neu ar-lein, mewn ffordd sy'n sicrhau bod eich gweithwyr a'ch busnes yn gweithredu ar eu gorau, pa bynnag gam y maent o ran bywyd a gyrfa.
Bydd eich gweithwyr hefyd yn cael mynediad at ein Sgyrsiau Technoleg; yr holl fewnwelediadau technolegol diweddaraf gan arbenigwyr y diwydiant, oherwydd mae ein golygon ni ar y dyfodol. Rydym yn canolbwyntio ar y datblygiadau mwyaf newydd a mwyaf cyffrous mewn perthynas â Diwydiant 4.0, Gweithgynhyrchu Digidol, a Ffatrïoedd Clyfar. Rydym ar flaen y gad o ran ymchwil ac arloesi, ac eisoes un cam ar y blaen ac yn rhagweld beth sydd i ddod. A byddwn yn helpu i sicrhau bod eich busnes yn barod ar gyfer hynny.
Ar y cyd, mi fedrwn.
MEDRU: YMGYNGHORIAETH
Ìý
Ydych chi eisiau'r cyfle i weithio gydag arbenigwr i edrych mewn manylder ar uchelgais eich sefydliad, deall eich anghenion hyfforddi a chael cymorth i nodi'r camau ymarferol y gallwch eu cymryd i gyflawni'r hyn yr ydych eisiau ei gyflawni?
Os ydych yn edrych ar Ddiwydiant 4.0 a sut y gellir ei gyflwyno, yn bwriadu defnyddio technoleg newydd sbon a newid eich ffordd o weithio ond yn ansicr ble i ddechrau, gallwn ni helpu. Gallwn ddarparu arbenigwr i weithio gyda chi, a fydd wedi'u hariannu'n llawn, i alluogi gwell dealltwriaeth o'r hyn y gallwch ei gyflawni a sut i wneud hynny yn ogystal â'ch helpu i ddeall beth fyddai budd hynny i chi.
MEDRU: CYRSIAU
Gall Medru deilwra cyrsiau hyfforddi i gwrdd â’ch anghenion. Dywedwch wrthym beth sydd ei angen arnoch neu gadewch i ni arwain y ffordd a byddwn yn gweithio gyda chi a'ch staff i wneud i hynny ddigwydd. Boed yn gyrsiau byr neu hir, wedi eu hachredu neu beidio, rydym yn canolbwyntio ar yr anghenion busnes a’r sgiliau a fydd yn eich helpu i gyrraedd eich nodau trwy gynnig hyfforddiant technoleg glyfar dan arweiniad diwydiant a fydd yn sicrhau fod eich gweithwyr a'ch busnes yn gweithredu ar y safon uchaf.
Ìý
Mae gennym lawer iawn o ddeunyddiau y gallwn eu defnyddio neu gallwn ddylunio rhywbeth hollol newydd trwy gyfrwng ein tîm hynod gymwys a phrofiadol o hyfforddwyr ac academyddion ym maes STEM ac yn benodol ym maes Diwydiant 4.0.
Ìý
Bwriad hyn i gyd yw sicrhau bod eich pobl yn barod i fynd i’r afael â’r dyfodol gyda chi. Ar y cyd, mi fedrwn!
Ìý
Y buddion i’ch sefydliad
- Fel academyddion ac arbenigwyr mewn diwydiant, rydym yn darparu sgiliau i bobl, gweithluoedd a sefydliadau.
- Byddwn yn gweithio gyda chi i adnabod eich anghenion hyfforddi ac i ddarparu ar eu cyfer mewn modd cwbl hyblyg sydd wedi'i deilwra ar eich cyfer.
- Gallwn weithio gyda'ch tîm cyfan, o rai sydd newydd ddechrau i weithwyr proffesiynol profiadol i sicrhau bod ganddynt y sgiliau sydd eu hangen i fynd i’r afael â'r dyfodol gyda chi.
Ìý
Y buddion i’ch staff
- Hyfforddwyr profiadol sy'n gallu teilwra'r dysgu i'w cynulleidfa
- Tystysgrif ddigidol ar gyfer pob cwrs sy’n cael ei ddilyn
- Galluogi eich tîm i ddatgloi eu potensial
MEDRU: CYSYLLTWCH Â NI
Hoffech chi gael gwybod mwy am yr hyn y gallwn ei gynnig i chi neu'ch busnes?
Cwblhewch y ffurflen isod ac fe gysylltwn â chi.
Prifysgol Bangor, Bangor, Gwynedd, LL57 2DG, UK.