Ysgrifennydd y Brifysgol
Gwenan sydd â goruchwyliaeth strategol ar bob agwedd ar lywodraethu’r Brifysgol gan gynnwys y Cyngor, y Senedd, y Llys, y Bwrdd Gweithredol a holl Is-bwyllgorau’r Cyngor. Yn ogystal, mae’n arwain Swyddfa’r Bwrdd Gweithredol, darparu gwasanaethau cyfreithiol, cydymffurfio â chontractau a gwybodaeth, diogelu ac Atal, ymddygiad a chwynion myfyrwyr, Graddau er Anrhydedd, llywodraethu ymchwil, moeseg, ordinhadau, rheoliadau a pholisïau.
Ìý
Mae Sera yn darparu cefnogaeth weithredol a gweinyddol i bortffolio Swyddfa'r Is-ganghellor a Swyddfa'r Bwrdd Gweithredol. Mae hi'n arwain y gwaith o ddarparu cefnogaeth weinyddol i'r Uwch Grŵp Arweinyddiaeth ac yn cynorthwyo gyda’r cyfarfodydd lefel uchel eraill, gan gynnwys y Cyngor ac is-bwyllgorau'r Cyngor. Mae Sera yn cydlynu ac yn rheoli gweinyddiaeth amrywiaeth o brosesau gan gynnwys penodiadau er anrhydedd a chodi baner y brifysgol er cof. Mae hi'n rheoli ac yn cynnal meddalwedd rheoli byrddau’r brifysgol, Admincontrol, ac yn datblygu'r cynnwys ar gyfer gwe-dudalennau Swyddfa'r Is-ganghellor, y Swyddfa Lywodraethu, a’r Swyddfa Gyfreithiol a Chydymffurfio.
Mae Sera yn cynorthwyo Ysgrifennydd y Brifysgol gyda’r gwaith o gynllunio ac amserlennu dyddiadur y brifysgol ac yn gweithio ochr yn ochr ag Ysgrifennydd y Brifysgol i gydlynu trefn y graddedigion er anrhydedd. Mae Sera yn cynorthwyo Pennaeth y Gwasanaethau Cyfreithiol gyda dyletswyddau gweinyddol eraill ar ran y Gwasanaethau Cyfreithiol a Chydymffurfio a hefyd yn darparu cefnogaeth weinyddol benodol i Uwch Gynorthwyydd Gweithredol yr Is-ganghellor.
Ymunodd Sera â’r brifysgol yn 2022, a hithau newydd raddio o Brifysgol Bangor gyda gradd dosbarth cyntaf mewn Llenyddiaeth Saesneg gydag Iaith Saesneg.
Ìý
Gwasanaethau Gyfreithiol, Cydymffurffiaeth, a Chontractau
**Mae Sarah ar gyfnod mamolaeth ar hyn o bryd, cyfeiriwch eich ymholiad at contracts@bangor.ac.uk / legalservices@bangor.ac.uk fel sy’n briodol**
Sarah yw’r pwynt cyswllt cyntaf i’r holl staff sydd angen cyngor cyfreithiol. Mae'n gyfrifol am roi cyngor cyfreithiol i'r brifysgol a'i his-gwmnïau, gan roi cyngor ar amrywiaeth eang o faterion sy'n rhychwantu holl weithgareddau'r brifysgol.
Ìý
Mae Sarah yn gweithio'n agos gyda’r Gwasanaethau Proffesiynol eraill, yn enwedig y Gwasanaeth Cefnogi Ymchwil ac Effaith Integredig, e.e. i sicrhau yswiriant cytundebol priodol ar gyfer gweithgareddau'r brifysgol.
Ìý
Yn ogystal, Sarah yw Swyddog Diogelu Data’r brifysgol ac mae’n rheoli’r broses gydymffurfio ar wybodaeth.
Mae Lynette yn cefnogi’r Gwasanaethau Llywodraethu gyda phob agwedd ar weithgareddau sy’n ymwneud â chydymffurfio. Yn benodol, mae Lynette yn rheoli ymatebion y Brifysgol i geisiadau sy’n ymwneud â’r ddeddfwriaeth wybodaeth (gan gynnwys Rhyddid Gwybodaeth (FOI), Rheoliadau Gwybodaeth Amgylcheddol (EIR) a cheisiadau ynghylch diogelu data (SAR))) i sicrhau yr ymdrinnir â hwy’n effeithlon ac yn effeithiol yn unol â’r ddeddfwriaeth a’r canllawiau sy’n ymwneud â’r ymarfer gorau. Fel rhan o'r rôl, mae hi hefyd yn cynorthwyo'r Rheolwr Cyfreithiol a Chydymffurfio gydag achosion o dor-amodau Diogelu Data.
Mae Lynette yn goruchwylio'r gwaith o reoli a chadw cofnodion busnes priodol yn feunyddiol, gan gysylltu â staff y Brifysgol i lunio polisïau priodol i ddal gafael ar fyfyrwyr. Mae'n rhoi cyngor ac arweiniad i bob aelod o’r staff ar bob agwedd ar reoli cofnodion, eu creu a’u gwaredu, gan sicrhau bod sensitifrwydd parthed rheoli cofnodion craidd yn elfen hanfodol o’r gweithgareddau beunyddiol yn ogystal â gwarchod cof corfforaethol a threftadaeth y Brifysgol.
Mae Lynette hefyd yn rheoli gweithrediad gwasanaeth y Ganolfan Gofnodion ar gyfer cofnodion craidd y Brifysgol fel y gall y staff ddod o hyd i’r wybodaeth sydd ei hangen arnynt yn gyflym ac yn hawdd, a bod yr adran yn gwybod pa wybodaeth sydd ganddi a ble y mae, ei bod yn cadw’r wybodaeth sydd ei hangen arni yn unig, ac yn storio ei gwybodaeth yn effeithlon ac yn ddiogel.
Mae Lynette yn gweithio'n rhan-amser i'r Swyddfa ac mae ar gael ar foreau Llun, Mawrth a Mercher. Hi hefyd yw Uwch Archifydd y Brifysgol.
Mae Sinead yn cynnig cefnogaeth i ymchwilwyr a staff eraill yn y brifysgol sydd angen ystod eang o gytundebau contractol, a all gynnwys Cytundebau Cydweithio, Cytundebau Cyfrinachedd, Cytundebau Trosglwyddo Deunydd, Cytundebau Rhannu Data, Cytundebau Efrydiaeth, a chytundebau eraill sy’n ymwneud â gweithgareddau masnacheiddio, ymchwil ac arloesi’r Brifysgol. Gall Sinead gynorthwyo gyda drafftio, adolygu, negodi, yn ogystal â'r broses weithredu derfynol. Mae Sinead yn cysylltu’n rheolaidd â thîm Cefnogi Ymchwil ac Effaith Integredig y Brifysgol, yn ogystal â’r academyddion, i sicrhau bod pob cytundeb contractol yn adlewyrchu cost y project yn gywir, yn ogystal â chynghori ar fudd a risg i’r Brifysgol.
Ar hyn o bryd, mae Sinead yn aelod o CILEX ar lefel ACILEX (Paragyfreithiol). Ìý
Llywodraethu Ymchwil a Moeseg:
Mae Colin yn arwain y Brifysgol o ran moderneiddio a diweddaru llywodraethu ymchwil a phrosesau moesegol, gan ddarparu cyngor a datblygu arweiniad i golegau ar foeseg, moeseg ymchwil, llywodraethu ymchwil a materion uniondeb. Gan reoli trwyddedau perthnasol i ymchwil y Brifysgol mewn perthynas â'r Ddeddf Meinweoedd Dynol a'r Ddeddf Anifeiliaid (Gweithdrefnau Gwyddonol), mae Colin hefyd yn gyfrifol am reoli fframwaith polisi corfforaethol y Brifysgol a sicrhau bod pob polisi'n cwrdd ag anghenion nodau ac amcanion strategol y Brifysgol a bod pob un yn cyd-fynd â Chynllun Strategol y Brifysgol. Mae Colin hefyd yn rheoli'r rheoliadau academaidd, codau ymarfer, a threfnau'r Brifysgol. Mae'n Ysgrifennydd Pwyllgor Rheoliadau ac Achosion Arbennig y Senedd.
Ìý