�鶹��ý�����

Bydd y cwrs yn cychwyn ym mis Mawrch 2023. Sylwch mai rhaglen fodiwl sengl yw’r cwrs dysgu cyfunol yma sydd â dwy elfen: theori a lleoliad clinigol.

Cod y modiwl: (NHS-3501)

Diben y rhaglen hon yw paratoi nyrsys oedd wedi eu cofrestru’n flaenorol yn y DU i gael eu haildderbyn i gofrestr y Coleg Nyrsio a Bydwreigiaeth ar ôl i’w cofrestriad ddirwyn i ben, neu ar ôl iddynt fethu â chyrraedd gofynion ail-ddilysu’r Cyngor Nyrsio a Bydwreigiaeth ar gyfer eu maes ymarfer (oedolion, plant, anableddau dysgu neu iechyd meddwl).

Y nodau cyffredinol yw sicrhau bod unigolion oedd wedi eu cofrestru’n flaenorol yn barod i ddychwelyd i ymarfer nyrsio cyfoes trwy ddiweddaru gwybodaeth a sgiliau clinigol presennol. Mae nodau allweddol yn gysylltiedig â Safonau FNS i roi’r wybodaeth a’r sgiliau clinigol i fyfyrwyr fel y’u hamlinellir yn Atodiadau A a B, ochr yn ochr â Safonau Dychwelyd i Ymarfer y Cyngor Nyrsio a Bydwreigiaeth (2019) sy’n berthnasol i’w maes ymarfer. Mae'r rhaglen wedi'i chynllunio i fabwysiadu ymagwedd gyfunol, bwrpasol at addysgu a dysgu, gan adeiladu ar wybodaeth a sgiliau clinigol blaenorol myfyrwyr trwy gydnabod dysgu blaenorol lle gellir dangos hyn. Bydd myfyrwyr yn bresennol mewn bloc theori 10 diwrnod lle byddant yn adnewyddu eu gwybodaeth am feysydd allweddol cydlynu a darparu gofal, gan ganolbwyntio ar God y Cyngor Nyrsio a Bydwreigiaeth i ddatblygu hyfedredd fel ymarferwyr diogel, effeithiol, tosturiol, wedi’u llywio gan dystiolaeth. Dilynir hyn gan leoliad clinigol rhan-amser 150-450 awr lle asesir cymwyseddau myfyrwyr wrth ymarfer.

Mae’r rhaglen yn defnyddio dull cydweithredol o ddysgu a bydd yn darparu gweithgareddau adfyfyriol i ymgysylltu’n feirniadol â myfyrwyr i ddiweddaru eu gwybodaeth a’u paratoi ar gyfer dychwelyd i ymarfer clinigol. Anogir myfyrwyr i adfyfyrio ar natur ryngbroffesiynol cydlynu a darparu gofal, gan amlygu swyddogaeth gweithio mewn partneriaeth â defnyddwyr gwasanaeth, eu teuluoedd, a gofalwyr, ochr yn ochr ag aelodau o'r tîm amlddisgyblaethol. 

Cyflwynir y rhaglen drwy ddarlithoedd arweiniol a ddilynir gan waith darllen ac astudio dan gyfarwyddyd. Bydd hyn yn cael ei atgyfnerthu gyda chyfle i ddysgu trwy weithdai, seminarau a thiwtorialau. Mae'r rhaglen yn dilyn dull cyfunol o ymdrin ag addysgu a dysgu ac yn defnyddio amrywiaeth o strategaethau i ddarparu ar gyfer gwahanol anghenion ac arddulliau dysgu unigolion er mwyn darparu llwybr rhan-amser hyblyg.

Bydd cynnwys y rhaglen hefyd yn cael ei gyflwyno a'i wella trwy astudio dan gyfarwyddyd ar-lein i gynyddu hyblygrwydd ymhellach, gan alluogi myfyrwyr i astudio yn ôl eu cyflymder eu hunain. Anogir myfyrwyr i ddatblygu sgiliau dysgu ac astudio annibynnol, trwy ddefnyddio adnoddau ar-lein a chael mynediad at dystiolaeth berthnasol yn y llyfrgell ac adnoddau iechyd a gofal cymdeithasol, gan gynnwys polisïau, safonau iechyd a chanllawiau gan gyrff proffesiynol. Bydd cymorth tiwtorial wedi'i deilwra'n cael ei ddarparu drwy gydol y cyfnod fel bod myfyrwyr yn cael cefnogaeth academaidd a bugeiliol un-i-un pwrpasol.

Pam dewis Prifysgol Bangor ar gyfer y cwrs hwn? 

• Mae Prifysgol Bangor yn darparu’r unig gwrs Dychwelyd i Ymarfer yng Ngogledd Cymru sy’n cwmpasu pob un o’r pedwar maes nyrsio: Plant, Anableddau Dysgu, Iechyd Meddwl ac Oedolion
• Mae ein myfyrwyr yn elwa o gefnogaeth a goruchwyliaeth penodol i’w maes drwy gydol y broses.
• Mae hon yn rhaglen ran-amser a phwrpasol gyda'r opsiwn i gymhwyso tystiolaeth berthnasol o brofiad blaenorol i leihau oriau clinigol.
• Wedi derbyn canmoliaeth uchel gan ein myfyrwyr.
• Cyfradd cyflogaeth 100% ar ôl cwblhau.

Beth fyddwch chi’n ei astudio ar y cwrs yma?

Rhaglen fodiwl sengl yw hon sydd â dwy elfen: theori a lleoliad clinigol.

Erbyn diwedd y rhaglen bydd myfyrwyr yn deall: 

• Atebolrwydd a phroffesiynoldeb – bod yn ymarferydd diogel, effeithiol, tosturiol ar sail tystiolaeth yn eu maes ymarfer (oedolion, plant, anableddau dysgu neu iechyd meddwl).
• Darparu gofal sy’n canolbwyntio ar yr unigolyn a arweinir gan anghenion – hwyluso annibyniaeth a galluogi dewis; Ymwybyddiaeth o iaith a diwylliant.
• Sgiliau llythrennedd digidol: addysgu, dysgu a chyfathrebu o fewn y parth academaidd a chlinigol.
• Rheoli ac arddangos meddyginiaethau – polisi ac ymarfer yn seiliedig ar dystiolaeth; atebolrwydd proffesiynol.
• Hyrwyddo iechyd, atal afiechyd: cyflyrau hirdymor a hunanreolaeth; cydnabod anghydraddoldebau iechyd trwy gydol oes a rhwng phoblogaethau.
• Gwneud Penderfyniadau Clinigol – cydlynu gofal mewn timau rhyngbroffesiynol. 
• Ymarfer sy'n seiliedig ar dystiolaeth a gwella ansawdd, gan roi theori ar waith. • Arwain a rheoli gofal a gweithio mewn timau rhyngddisgyblaethol. Dysgu parhaus trwy ymarfer adfyfyriol.

Mae hon yn rhaglen a ariennir gan Addysg a Gwella Iechyd Cymru sy'n cynnwys yr holl ffioedd ynghyd â bwrsariaeth o £3000 heb brawf modd.

• Tystiolaeth o gofrestriad blaenorol gyda’r Cyngor Nyrsio a Bydwreigiaeth
• Y gallu i astudio ar lefel 6 (lefel gradd)
• Tystiolaeth o ddysgu blaenorol wedi'i hystyried yn ystod y broses derbyniadau
• Wedi cael cliriad gan y Gwasanaeth Datgelu a Gwahardd

Ar ôl cwblhau’r rhaglen hon, gallwch ddewis:

• Dychwelyd i'r maes ymarfer clinigol o’ch dewis. Mae gennym gyfradd cyflogaeth 100% ar ôl cwblhau.
• Gwneud cais am gyrsiau clinigol uwch fel Ymwelwyr Iechyd, fel bo’n briodol i lefel y cymhwyster.
• Gwneud cais am ddatblygiad proffesiynol parhaus neu gyrsiau ôl-radd eraill, fel bo'n briodol i lefel y cymhwyster.