Â鶹´«Ã½¸ßÇå°æ

Bydd y cwrs yn rhoi sylfaen gref o wybodaeth i chi yn y meysydd canlynol sy'n berthnasol i niwroseicoleg glinigol:

• Damcaniaeth niwroseicolegol a thystiolaeth o astudiaethau clinigol ac arbrofol
• Anhwylderau niwroseicolegol, gan gynnwys eu seiliau mewn niwroanatomi a niwropatholeg, a'u heffaith ar unigolion a theuluoedd
• Asesiad niwroseicolegol
• Adsefydliad niwroseicolegol
• Dulliau Ymchwil
• Gwneud ymchwil niwroseicolegol.

Rydym yn defnyddio amrywiaeth eang o'r technegau diweddaraf i ddeall cysylltiadau ymddygiad yr ymennydd, gan gynnwys mapio gweithredoedd swyddogaethol yn yr ymennydd gyda photensialau cysylltiedig â digwyddiadau (ERP), ysgogiad magnetig trawsgreuanol (TMS) a delweddu cyseiniant magnetig swyddogaethol (fMRI).

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Sylfeini Niwroseicoleg Glinigol.

Mae cynnwys y cwrs wedi’i nodi i’ch arwain yn unig ac fe all newid.

Rhaid meddu ar radd anrhydedd sengl neu radd gydanrhydedd dda mewn Seicoleg neu ddisgyblaeth berthnasol arall, gyda dosbarth gradd o 2.ii o leiaf. Rhoddir ystyriaeth unigol i fyfyrwyr rhyngwladol, ond rhaid dangos hyfedredd yn y Saesneg sy'n cyfateb i sgôr IELTS o 6.0 (heb unrhyw elfen yn is na 5.5) a bydd disgwyl i chi ddangos bod gennych gefndir academaidd addas ar gyfer y rhaglen.

Ar ôl cwblhau'r cwrs yn llwyddiannus, bydd gennych y sgiliau i ymgymryd ag astudiaeth ôl-radd bellach gan arwain at PhD, neu i weithio ym maes ymchwil niwroseicolegol. Mae'r cwrs yn cynnig sylfaen ragorol os ydych yn chwilio am swydd ym maes gofal iechyd, er enghraifft fel seicolegydd cynorthwyol neu gynorthwyydd adsefydlu, ac i symud ymlaen i hyfforddiant proffesiynol, er enghraifft ym maes seicoleg glinigol neu feysydd cysylltiedig. Bydd gweithwyr iechyd proffesiynol sefydledig sy'n dilyn y cwrs yn gweld ei fod yn rhoi cyfle gwerthfawr am ddatblygiad proffesiynol parhaus, a allai gyfrannu at ddatblygiad gyrfa yn y dyfodol.

Ymchwil / Cysylltiadau â Diwydiant

Mae gan yr academyddion sy'n ymwneud â'r rhaglen hon gysylltiadau ymchwil helaeth gyda chyrff a chwmnïau allanol, a gânt eu defnyddio'n llawn i sicrhau bod y modiwlau yn berthnasol i'r gwaith a'r amgylchedd ymchwil bydd y graddedigion yn rhan ohono.