Agor Stiwdios Ffilm Aria yn cynnig cyfle euraidd i fyfyrwyr Prifysgol Bangor

Bydd agoriad Stiwdios Ffilm Aria, datblygiad newydd Rondo Media yn Llangefni, yn cynnig mwy o gyfleoedd i fyfyrwyr Prifysgol Bangor ddatblygu gyrfa yn y diwydiannau creadigol.

Wedi’i sefydlu gan Rondo Media a changen fasnachol S4C, S4C Digital Media Limited, gyda chefnogaeth Llywodraeth Cymru drwy Cymru Greadigol, nod Stiwdios Ffilm Aria yw gwasanaethu cynyrchiadau lleol a rhyngwladol a dod yn ganolbwynt ar gyfer datblygu talent a sgiliau.

Dywedodd yr Athro Paul Spencer, Dirprwy Is-ganghellor gyda chyfrifoldeb am ddatblygu partneriaethau gyda diwydiant, “Mae agor Stiwdios Ffilm Aria a sefydlu partneriaeth Academi Hyfforddiant Aria yn cynnig cyfleoedd gwych i’n myfyrwyr elwa ar brofiad o’r radd flaenaf yn y diwydiant ffilm a theledu, yma ar garreg drws Prifysgol Bangor. Rydym yn ddiolchgar i Stiwdios Ffilm Aria am eu parodrwydd i gefnogi ein myfyrwyr wrth iddynt ddatblygu eu gyrfaoedd, ac edrychwn ymlaen at ddatblygu’r bartneriaeth dros y misoedd nesaf.”

Perfformiodd myfyrwyr o Adran Gerddoriaeth Prifysgol Bangor gerddoriaeth fyw yn y digwyddiad lansio yr wythnos hon, ac roedd myfyrwyr ffilm, cyfryngau a newyddiaduraeth hefyd y bresennol ar gyfer y lansiad.

A woodwind trio performing in front of a screen which reads Aria — Myfyrwyr o Adran Cerddoriaeth, Drama a Pherfformiad Prifysgol Bangor yn perfformio yn lansiad swyddogol Stiwdios Ffilm Aria.
Credit:Prifysgol Bangor

close up of two people playing the flute — Myfyrwyr o'r Adran Cerddoriaeth, Drama a Pherfformiad yn perfformio yn lansiad swyddogol Stiwdios Ffilm Aria.
Credit:Prifysgol Bangor

two people giving a tour of the film sets at Aria Film Studios — Cafodd y gwesteion, gan gynnwys myfyrwyr o Brifysgol Bangor, daith o gwmpas setiau Stiwdios Ffilm Aria.
Credit:Prifysgol Bangor

A student being shown a camera at Aria Film Studios — Myfyriwr o'r cwrs ysgrifennu creadigol yn dysgu mwy am y broses o ffilmio yn lansiad Stiwdios Ffilm Aria.
Credit:Prifysgol Bangor

Dywedodd prif weithredwr Rondo Media, Gareth Williams, “Rydym yn gweld cyfle gwirioneddol yma i dyfu cyfleuster stiwdio newydd sbon a fydd yn cynnig cyfleoedd cyflogaeth hirdymor cynaliadwy yn y rhanbarth ac yn manteisio ar y llu o dalentau creadigol a thechnegol yr ydym yn eu hadnabod. bodoli yn yr ardal.”

Ychwanegodd Swyddog Gweithredol Stiwdio Aria, Iddon Jones, “Mae’n bleser gen i groesawu aelodau o Adran Cerddoriaeth Prifysgol Bangor yma i berfformio yn ein digwyddiad lansio yn Stiwdios Ffilm Aria. Yn ogystal â bod yn gartref i’r ddrama boblogaidd Rownd a Rownd ar S4C, rydym am gynnal prosiectau drama, ffilm a theledu yn ogystal â chynyrchiadau adloniant a digwyddiadau cerddorol yn y stiwdios. Yn allweddol i’r prosiect mae’r cyfleoedd hyfforddi a datblygu rydym yn bwriadu eu hysgogi ar gyfer gyrfaoedd yn y sector sgrin, gan weithio mewn partneriaeth â cholegau, prifysgolion, ac asiantaethau hyfforddi cyfryngau ledled Cymru.”

�鶹��ý��

Chwilio