�鶹��ý�����

Croeso i’r Academi Tegwch Iechyd, Iechyd Ataliol a Llesiant – esiampl o addysg ac arloesedd trawsnewidiol sy’n flaenllaw ym maes gofal iechyd. Rydym yn ymrwymo i ail-lunio dyfodol iechyd a llesiant, yng Nghymru a ledled y byd. Mae’r academi, sef yr ALPHAcademi gynt, yn cynrychioli ymrwymiad dwfn i hyrwyddo tegwch iechyd, hyrwyddo llesiant, a hyrwyddo mesurau ataliol i fyd iachach. Mae ar groesffordd addysg, ymchwil ac ymarfer, ac rydym yn cynnig amrywiaeth o raglenni ôl-radd cynhwysfawr, cyrsiau unigol, a modiwlau dysgu hyblyg mewn Iechyd Ataliol, Iechyd y Boblogaeth, ac Arweinyddiaeth. Mae cyfuniad nodedig o ddysgu ar-lein ac yn y cnawd sy’n darparu ar gyfer anghenion amrywiol gweithwyr proffesiynol sy'n yn ogystal â phrofiad addysgol cyfoethog.

Yn ogystal, rydym yn darparu gweithdai ar-lein am ddim, gwasanaethau ymgynghorol, a thîm o weithwyr proffesiynol, ymchwilwyr, ac addysgwyr o fri sy'n dod â'u harbenigedd amrywiol i'r rhaglenni. Gyda’n gilydd, rydym yn cychwyn ar daith i rymuso’r dysgwyr i arwain newid trawsnewidiol ym myd iechyd a llesiant.

Mae’r Academi Tegwch Iechyd, Iechyd Ataliol a Llesiant yn rhan annatod o rwydwaith o Academïau Dysgu Dwys a ariennir gan Lywodraeth Cymru—hyb cydweithredol sy’n ymroddedig i feithrin sgiliau, meithrin arbenigedd, cyfnewid gwybodaeth, a throsi ymchwil yn atebion diriaethol, yn y byd go iawn.

Ymunwch â ni mewn project cyffrous a ninnau’n braenaru'r tir ar gyfer dyfodol iachach a thecach.